Aurkikuntza
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gabriel Arestiren poema argitaragabe bat aurkitu dute

Jon Kortazar EHUko Literatura katedradunak "Errota gorria" poema topatu du. 91 urte bete dira gaur bilbotar idazlea, "Harri eta herri"ren egilea, jaio zela.
gabriel-aresti
Gabriel Aresti
author image

N. V. | EITB Media

Azken eguneratzea

Gaur, urriak 14, 91 urte bete dira Gabriel Aresti idazlea, Harri eta herri (1964) euskal poesiaren lan klasikoaren egilea, jaio zela. Poesia mailu gisara aldarrikatu zuen Arestik lan horretan: "Esanen dute / hau / poesia / eztela, / baina nik / esanen diet / poesia / mailu bat / dela".

Urteurren horren kari, Jon Kortazar Euskal Herriko Unibertsitateko Literatura katedradunak Errota gorria bilbotar poetaren poema argitaragabea aurkitu duela baieztatu die Kultura.eus eta Kultur Leihoa EITB Taldeko irratietako saioei.  

Idazleak 1955. urtean idatzitako eskuizkribua da ale hori, orain arte ezezaguna, eta Zubiri Moragues familiak helarazi dio Kortazarri. Literatur kritikari, ikertzaile eta irakasleak esan duenez, "aurrerago" argitaratuko dute, dagokion azterketa egin eta gero.

Duela bi urte ere agertu ziren Arestiren bi soneto ordura arte ezezagun. Erlijio liburu batean aurkitutako bi poema ziren, gaztelaniaz idatziak eta Gabriel María A. S.k 1953ko otsailaren 16an sinatuak. Kortazarrek orduan azaldu zuenez, ikasketa garaian egindako sonetoak dira, baina bere "literaturaren kontzeptuaren barnean" koka daitezke.

Jon Kortazarren hitzetan, analisirako lehengai agorrezina da Arestiren lana –Maldan beheraren azterketa zehatza falta da oraindik–, eta gaineratu du Harri eta herri funtsezko lana dela euskal poesia garaikidea ulertzeko.

Astelehenean, bi ekitaldi egingo dituzte Bilbon Aresti oroitzeko. Batetik Harri eta herri lanean oinarritutako errezitaldia, Bidebarrieta liburutegian (19:00), Maite Larburuk Carlos Taroncherrek eta Karlos Arenceguik. Bestetik, "Arestian egun...! Musika, bertsoak eta olerkiak" ikuskizuna taularatuko dute, EHUren Bizkaia aretoan (18:00), Aitor Furundarena musikariak, Andoni Salamero poetak eta Andoni Egaña bertsolariak.

Literatura

Albiste gehiago literatura

18:00 - 20:00
ZUZENEAN
Duela  min.

"Esteban Urkiaga, Lauaxeta. Poesia, artea, ideologia" liburua argitaratu du Jon Kortazarrek

Bizkaitar irakasle eta ikertzaileak bi atal nabarmendu ditu Pamiela etxeak argitaratu duen lanean. Lehenengoan, Lauaxetaren poesia artearekin eta ideologiarekin lotzen du, eta bigarrenean gizarteak Lauaxetaren bizitzaz eta lanaz egin duen harrera aztertu du. Bizkaitar idazlea fusilatu zuten eguneko 88. urtemugan aurkeztu dute lana. (Musika, "Azken oyua" Antton Valverdek musikatuta) 

Bizenta Mogel Durangoko liburutegia
18:00 - 20:00
ZUZENEAN
Duela  min.

Bizenta Mogel, "zigor zaurigarriaren beldur" izan ez zen idazlea

Ekainaren 5ean, "Ipuin onak" Bizenta Mogelen liburua irakurriko dute Arriaga antzokian, Klasikoen XVIII. Irakurketa Jarraituan. Euskaraz idatzi zuen lehen emakumetzat hartu izan da Bizenta, Joan Antonio Mogel "Peru Abarka"ren egilearen iloba.

Renowned Kenyan writer Ngũgĩ wa Thiong'o reads excerpts from his recent work in both Gikuyu and English during a presentation in the Coolidge Auditorium, May 9, 2019. Photo by Shawn Miller/Library of Congress. Note: Privacy and publicity rights for individuals depicted may apply.
18:00 - 20:00
ZUZENEAN
Duela  min.

Ngugi Wa Thiong'o kenyar idazlea zendu da

Thiong'ok kikuyu hizkuntzan idazten zuen eta Nobel sarirako hautagai izan zen sarritan; 87 urteko idazlearen hainbat lan daude euskaratuta, "Gerra garaiko ametsak" lan autobiografikoa, berbarako.

Gehiago kargatu