Carlos Vives, jaun eta jabe, Grammy Latinoen sarietan
Carlos Vives abeslari kolonbiarra izan da jaun eta jabe Grammy Latinoen XIV. edizioan, hiru sari irabazi eta gero: urteko abesti onena, urteko abesti tropikal onena ("Volví a nacer") eta fusio tropikaleko disko onena (Corazón profundo).
Horrez gain, Julio Reyes Copello kolonbiarrak (urteko grabazioaren ekoizle onena) eta Sergio George estatubatuarrak (urteko ekoizle onena) irabazi dituzte Grammy gehien. Bajofondo argentinarrek, Natalia Lafourcade mexikarrak eta Caetano Beloso brasildarrak urrezko bina gramofono irabazi dituzte.
Bestalde, Alejandro Sanzek disko onenaren saria irabazi du, pop garaikidearen kategorian (La música no se toca). Sariak garrantzi berezia duela aitortu zuen artistak, eta galdu berri duen lagun bati eskaini zion.
Mala Rodriguezek ibilbideko bigarren Grammy Latinoa irabazi zuen, musika urbanoaren mailan disko onena izateagatik (Bruja).
Saririk gabe
Miguel Bosek ohorezko saria jaso zuen arren, ez zioten beste garaikurrik eman izendatuta zegoen gainerako ataletan.
Hiru izendapen zituen arren, Pablo Alboran ere esku-hutsik joan zen ekitalditik. Hori bai, zuzenean abestu zuen "Tant" abestia.
Zuzeneko emanaldiei dagokienez, Enrique Iglesiasek bi aldiz abestu zuen: Pitbullekin eta India Martinezekin ("Loco").
Alfonbra berderik ez
Eguraldi txarra iragarrita zegoen arren, antolatzaileek ez zuten datu hori kontuan izan, eta ezin izan genuen ohiko alfonbra berdeko desfilea ikusi.
Zure interesekoa izan daiteke
ETSk iragarri du hirugarren kontzertu bat egingo duela Buesan, aurreko bietarako sarrera guztiak saldu ondoren
Talde arabarrak iragarri du martxoaren 13an ere eskainiko duela "Etxean" ikuskizuna Gasteizen, martxoaren 19ko eta 20ko kontzertuetarako 30.000 sarrerak 24 orduan saldu ondoren.
Saldu dira ETSren Gasteizko kontzerturako sarrera guztiak, eta beste emanaldi bat iragarri dute
Arabako taldeak beste kontzertu bat emango du Buesa Arena pabiloian, martxoaren 19an, Gasteizen martxoaren 20rako iragarri zuten "Etxean" kontzerturako sarrerak berehala, ordubete luzean, agortu baitituzte.
ETSk kontzertua emango du 2027ko martxoaren 20an Buesa Arenan
Horixe iragarri du taldeak Madrilen emandako kontzertu jendetsuan. ETB On eta Primeranen ikusgai dago jada Madrilgo kontzertua.
?fmt=png-alpha&qlt=80)
Iñigo Etxezarreta: “ETSren formatu ezberdinak egongo dira etorkizunean”
ETS taldeak “Bihotzen konkista” kontzertua emango du larunbatean Madrilen, Movistar Arena beteko duten 16.000 lagunen aurrean eta ETB1en eta ETB ONen pantailez bestaldeko ikusleentzat. Iñigo Etxezarreta kantari eta gitarristarekin hitz egin dugu, horren aitzakian, honetaz eta hartaz, luze eta zabal.
?fmt=webp-alpha&qlt=80)
Pantxoa eta Peiok jasoko dute Adarra saria
Lapurtar bikote aitzindariak ekainaren 21ean jasoko du Donostiako Udalaren eta Donostia Kulturaren saria, Victoria Eugenia antzokian, eta kontzertua egingo du jarraian.
Pello Reparazek hiru kantu abestu ditu kalean, Bilbon,"Mitoaroa III" ikuskizunaren aurkezpenean
Zetak taldeko abeslariak Begi beltz, Hileta kantu nafarra eta Itzulera kantuak abestu ditu Bilbon, kalean.
“Mitoaroa III” ikuskizun “futurista eta aldarrikatzailea” izango da
Zetak taldeak agerraldia egin du gaur Bilbon, ekainaren 19an eta 20an San Mamesen zabalduko duen ikuskizunaren zertzelada batzuk aletzeko.
Zetakek Bilbo erdialdera eraman du "Mitoaroa III"
Mitoaroa III unibertsoko figurak Bilboko Kale Nagusira agertu dira, Zetak taldeak San Mamesen ekainaren 19an eta 20an egingo duen ikuskizunaren lagintxo bat erakusteko.
Live Nationek eta Ticketmasterrek kontzertuen merkatuan monopolioa ezarri dutela ebatzi du AEBko epaimahai batek
Bost astez epaiketa gidatu duen epaileak enpresek zer zigor jasoko duten zehaztu beharko du orain: isunak, kalte ordainak edo negozio eredua aldatzeko eginbideak. Live Nationek adierazi du “handia eta arrakastatsua izatea” ez dela legez kanpokoa.
Xabier Anduagak “Werther” Masseneten opera egingo du Bartzelonan
Maiatzaren 2tik 17ra taularatuko du donostiar tenorrak Goetheren eleberrian oinarritutako opera. Lehenago, apirilaren 19an, gala liriko bat egingo du Liceun bertan, Pretty Yende hegoafrikar sopranoarekin batera. Gainera, Talia Arte Eszenikoen Espainiako Akademiaren sarietarako izendatuta dago Anduaga, lirikako gizonezko interprete onenaren atalean, La sonnambula operan egindako lanagatik.