Adarra saria Mikel Laboarentzat, haren ibilbidea omentzeko
Mikel Laboa duela bost urte hil zen euskal musikari handiak jasoko du lehen Adarra saria, Donostia Kulturak euskal musikaren esparruan "eragin berezia” izan duten edo izaten ari diren artisten ibilbidea omentzeko aurten sortu duen goraipamena..
Donostiako Udaleko kultur patronatuak “Mikel Laboa zenaren sormena eta jeinua” aintzat hartu du, "euskal musikak XX. mendean izan duen adierazpiderik gorena" baita.
"Haren nortasuna, haren lana, haren sormena, bete-betean sartzen dira sari honen irabazle 'ideala'rentzat zehaztutako ezaugarrietan", dio Donostia Kulturaren oharrak.
Saria, Marijose Recalde nafar artistaren eskultura bat, ekainaren 21ean emango diote, Musikaren Europako Egunean, Victoria Eugenia Donostiako antzokian, eta Marisol Bastida haren alargunak jasoko du.
Ekitaldiaren lehen partean, Iñaki Salvador eta Josetxo Silguero musikariak, Ainara Ortega kantaria eta Kukai dantza-taldea arituko dira. Saria eman ondoren, Delorean taldeak jardungo du bigarren partean.
Mikel Laboak 80 urte beteko zituen sariketaren eguna baino astebete lehenago, eta egilearen "originaltasunak, nortasun artistiko sendoak eta aparteko ahotsak herri kulturaren mito bilakatu dute, belaunaldien arteko hesiak gaindituz eta herri honen historian leku nabarmena erdietsiz betiko", Donostia Kulturak azpimarratu duenez.
"Euskal kultura biziberritzeko ahaleginean jardundako Ez Dok Amairu mugimenduaren kide aktiboenetakoa izan zen, beti ere euskara berreskuratu eta haren egoera duintzeko helburuari eutsiz. Tradiziotik hartutako abestiei sentikortasun handiko poesia eta esperimentatzeko joera erantsi zien Laboak eta horrek garaiko abeslariek zuten estilo bereizgarriaren jabe egin zuen. Bide berriak urratzen zekien, aitaren etxera zeramana inoiz ahantzi gabe. Agerikoa da ondorengo belaunaldietan utzitako arrastoa, egiazki artista gutxi izan dira hain maitatuak euskal gazteen artean", erantsi dute.
Zure interesekoa izan daiteke
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Etzakit 23 urte geroago itzuliko da agertokietara, urtarrilean hiru kontzertu berezirekin
Bi hamarkada baino gehiagoko isilunearen ostean, agertokietara itzuliko da talde hernaniarra. Triki pop talde mitikoak hiru kontzertu eskainiko ditu urtarrilaren 2an, 3an eta 5ean, hasi eta agurtu zen lekuan bere historiari berriro helduz, Oialumen, belaunaldi oso batentzat nostalgiaz eta emozioz beteriko hitzorduan.
Kontzertu magikoa eskaini du bart Mikel Urdangarinek, ohi bezala, Gabonetan
20 urtetik gora daramatza Mikel Urdangarinek urteko azken asteburuan emanaldi berezia eskaintzen. Sarrera guztiak agortuta, Euskal Herriko txoko askotatik erakarri du publikoa. Aurpegi berriak eta aspaldikoak bildu ditu Bilboko Kafe Antzokian.
Milaka lagunek gozatu dute Atarrabiako Aske jaialdian, "herri honen askatasuna" aldarrikatzeko
Hainbat talde eta artista elkartu dira bertan, Neomak, Merina Gris, Gozategi eta Janus Lester tartean. Antolatzaileek "herri honen askatasuna" aldarrikatu dute, "Euskal Herri aske baten soinu-banda sortzeko: euskalduna, feminista, antikapitalista eta solidarioa, besteak beste".
Perry Bamonte hil da, The Cure talde britainiarreko gitarrista, 65 urte zituela
Londresen jaio zen, 1960an, eta 19 urte zituela hasi zuen bere musika-ibilbidea baxu-jotzaile gisa. "Lasaia, bizia, intuitiboa, etengabea eta izugarri sortzailea", ingurukoen arabera, Bamonte The Cure taldeko funtsezko kidea izan zen 1990etik.
Mikel Erentxunen bira Donostiara iritsi da
2025 urte osoan zehar 50 bat kontzertu eman ondoren, Kursaal jauregian izan da Mikel Erentxun, Duncan Dhu taldearen lehen diskoaren 40. urteurrena ospatzeko egindako biraren barnean. Kontzertu horietan famatu egin zuen taldearen abesti ezagunenak eskaintzen ditu, baita inoiz kontzertu batean jo ez zituzten kantu batzuk ere.
Bizardunak eta Rita Payes, Santaspascuas jaialdia hasteko
Gaboneroko Iruñeko musika jaialdiaren programazioa Bizardunak taldeak abiatuko du ostegunean Zentralen, eta kataluniar tronboi-jotzaile, abeslari eta konpositorea igandean arituko da, Baluarten.
Jeff Tweedy, Anastacia eta Steven Isserlis txelista, Kursaalen 2026an
Jeff Tweedy Wilcoko buruaren bakarkako emanaldia da Kursaal Eszenaren datorren urteko programazioaren hitzordu nagusietakoa; horrez gain, Yuha Wang, Anastacia abeslaria, Ryan Adams, Rodrigo Cuevas eta Euskal Herriko Orkestra Barrokoa ere arituko dira Donostiako espazioan.
Etzakitek kanta berria kaleratu du bere itzulera iragartzeko: “Hanka-punttetan”
“Hanka-punttetan” abestia kaleratu du Etzakit Hernaniko triki-pop taldeak. Horretan, taldeak lagun izan ditu Alaitz eta Maider, Maixa eta Itziar, Kristina eta Amaia, eta Gozategiko kideak. Etzakit taldea urtarrilaren 3an eta 5ean itzuliko da agertokira, Hernaniko Oialume dantzalekuan.
BECeko azken kontzerturako sarrera guztiak salduta, Pantxoa eta Peio beste aukera batzuk aztertzen ari dira
Bikote musikalak bere historiako azken emanaldia emango du 2027ko urtarrilaren 10ean, eta ordu gutxian agortu dira sarrerak, salgai jarritako egun berean.