Suede, Bime Live jaialdiko aurreneko kartelburua
Euskal Herrian udazkenean egiten den jaialdi ezagunena, Bime Live, hasi da dagoeneko aurtengo edizioko egitaraua argitzen. Atzo bertan The Divine Comedy taldearen zuzenekoa iragarri zuen, eta ordu batzuk geroago eman du jakitera Suede izango dela kartelburuetako bat.
Halaber, beste sei emanaldi baieztatu dituzte gaur antolatzaileek, eta laugarren edizioa urriaren 28an eta 29an egingo dutela zehaztu dute. Ohi bezala, BEC! erakustazoka izango da kontzertu horien guztien lekuko.
Hala, Night Thoughts disko berriarekin helduko dira Brett Anderson eta taldekideak Barakaldora. Ikuskizuna bi zatitan banatuko dute. Lehendabizi, aipatu lan berriko kantuak taularatuko dituzte, hasieratik amaierara. Ondoren, taldearen arrakastarik entzunenak joko dituzte; hala nola, "Animal Nitrate" eta "Trash".
Iragarritako taldeen artean daude, baita, The Horrors, James Vincent McMorrow, Lambchop, Nacho Vegas, Richmond Fontaine eta TOY.
Kontzertuak
Urriaren 28an eta 29an, Barakaldoko BEC!en
SUEDE
THE DIVINE COMEDY
WILD BEASTS
THE HORRORS
JAMES VINCENT MCMORROW
LAMBCHOP
NACHO VEGAS
RICHMOND FONTAINE
TOY
Sarrerak
Ekainaren 23ra arte, egun hori barne, 44 euroan (+ banaketa gastuak) salduko dituzte bonoak. 10 euro gehiago ordainduta kanpalekuan lo egiteko aukera izango dute bisitariek.
Sarrerak maiatzaren 20an jarriko dituzte salgai, www.bime.net webgunean.
Albiste gehiago musika
Getxon abiatuko dira jazz doinuak
Besteak beste Gasteizko eta Donostiako jaialdiak iritsi baino lehen, Bizkaiko udalerriko jazz jaialdiaren 48. edizioak Rhoda Scott, Paquito D’Rivera, Cecile McLorin eta beste hamaika artista programatu ditu.
“Kriston martxa” ibiliko da asteburuan Arrasaten
Monterron parkeak Mondra & Roll punk rockeko jaialdia eta Fermin Muguruzaren kontzertua hartuko ditu ostiral, larunbat eta igandean.
"Izaro" musika pieza sortu dute Eusko Legebiltzarraren 45 urteak ospatzeko
Iñaki Palaciosek sortu duen hiru minutuko kantua igandean estreinatuko dute, Kursaalen, Donostiako Orfeoiak eta Et Incarnatus orkestrak
Gasteizko jazz jaialdiak 50 kontzertu programatu ditu
“Hiria jazzez betetzea, talentu berria sustatzea eta publiko berriak erakartzea” izango da Gasteizeko musika jaialdiaren helburua, 48. edizioan.
EHZk “emaitza ona eta emankorra ematen segitzen du”
2026. urtean 30. urteurrena ospatu aurretik, joan den asteburuan Arberatzen egindako festibalaren antolatzaileak pozik agertu dira emaitzarekin.
Milaka lagunek gozatu dute Bilboko Itsasadarreko ur gaineko kontzertuez
Bero egin arren, milaka lagun gerturatu dira Bilboko Itsasadarrera BBK Riak antolatutako kontzertuetara. ETSko Iñigo Etxezarreta, Amaia eta Arde Bogota ur gainerako eszenatokian aritu dira gerturartu direnen gozamenerako.
Kepa Arrizabalaga panderojolea zendu da
81 urterekin zendu da Arrizabalaga, Bizkaiko trikitiaren ikur nagusietakoa.
EHZ jaialdiak ozen zabalduko du herriaren erritmoa
Iaz Arberatzeko kokagune berria estreinatu eta gero, Euskal Herria Zuzenean jaialdiak hiru eguneko egitarau oparoa dakar “Lurraren herritmoa” lelopean: Fermin Muguruza, Bengo, Zetkin, Naxker, Errobi, Olaia Inziarte, Tapia eta Leturia…
Akelarre bueltan da, bere ibilbidea jasotzen duen dokumental batekin
Taldearen historia, izan dituen kideen eta jarraitzaileen adierazpenak, une bereziak eta inoiz ikusi gabeko irudiak bilduko ditu dokumentalak. Udazkenean estreinatu nahi dute, azken ukituak egindakoan.
Steven Van Zandtek ezingo dio Springsteeni lagundu Anoetako bigarren kontzertuan
E Street Bandeko gitarristari ebakuntza egin behar izan diote Gipuzkoako hiriburuko ospitale batean New Jerseyko musikariak larunbatean eman zuen kontzertuaren ondoren, apendizitisak jota baitzegoen.