'Don Pasquale' opera Donostian, denboraldia hasteko
Donostiak opera-denboraldi berriari ekingo dio ‘Don Pasquale’ Opus Lirica konpainiaren lanarekin. Urriaren 6an eta 9an, 20:00etan eta 19:00etan, hurrenez hurren, antzeztuko dute, Victoria Eugenia Antzokian.
“Carlos Chausson lehen mailako abeslariaren produkzioa dugu hau, munduko baxu buforik onenetako batena”, azaldu du Chomin Martin Opus Liricako presidenteak.
‘Don Pasquale’ italiar opera bufo handietariko azkena da, Gaetano Donizettiren musikaduna, eta, Chaussonekin batera, Ainhoa Garmendia gipuzkoar sopranoa eta Jorge Franco tenorea eta Joan Martín-Royo baritonoa egongo dira taula gainean.
“Ekoizpen gipuzkoarra, % 100ean”
“Gipuzkoarren eta euskal herritarren aldeko apustua egiten jarraitzen dugu; izan ere, hemen ere lehen mailako produkzioak egiteko profesional handiak ditugu”, adierazi du Ainhoa Garmendiak, Opus Lirica konpainiaren bultzatzaileak.
“Hurrengo operei begira, jendearen ilusioa eta gogoa neurtzeko termometroa izango da ‘Don Pasquale’. ‘La Traviata’k, iragan otsailean, Kursaal jauregia bete zuen bi egunez, eta jendeak Gipuzkoan opera nahi zuela ikusi zen”, azpimarratu du jarraian.
‘Don Pasquale’ren ondoren ‘Carmen’en txanda izango da, otsailean, Kursaaleko Auditorioan, eta, gero, ‘La Cenerentola’ maiatzean, Victoria Eugenia Antzokian berriro, Musikenerekin elkarlanean.
Saio didaktikoa, haur eta gazteentzat
Gainera, Opus Liricak 8 eta 17 urte arteko umeentzako ‘Don Pasquale’ren saio bat eskainiko du urriaren 8an, 11:00etan, Victoria Eugenian bertan. Aurkezle-moderatzaile bat eta zenbait hezitzaile izango dira bertan, gaztetxoei jarraibideak euskaraz emateko.
Zure interesekoa izan daiteke
Neomak taldea, Arriagan zuzenean
"Lazturak orbain" diskoko aurkezpen bira Bilboko antzokira eraman du taldeak bart. Kantu berriez gain, bestelako abestiak ere utzi zituen gaualdiak, hala nola "Kontu zaharrak".
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Etzakit 23 urte geroago itzuliko da agertokietara, urtarrilean hiru kontzertu berezirekin
Bi hamarkada baino gehiagoko isilunearen ostean, agertokietara itzuliko da talde hernaniarra. Triki pop talde mitikoak hiru kontzertu eskainiko ditu urtarrilaren 2an, 3an eta 5ean, hasi eta agurtu zen lekuan bere historiari berriro helduz, Oialumen, belaunaldi oso batentzat nostalgiaz eta emozioz beteriko hitzorduan.
Kontzertu magikoa eskaini du bart Mikel Urdangarinek, ohi bezala, Gabonetan
20 urtetik gora daramatza Mikel Urdangarinek urteko azken asteburuan emanaldi berezia eskaintzen. Sarrera guztiak agortuta, Euskal Herriko txoko askotatik erakarri du publikoa. Aurpegi berriak eta aspaldikoak bildu ditu Bilboko Kafe Antzokian.
Milaka lagunek gozatu dute Atarrabiako Aske jaialdian, "herri honen askatasuna" aldarrikatzeko
Hainbat talde eta artista elkartu dira bertan, Neomak, Merina Gris, Gozategi eta Janus Lester tartean. Antolatzaileek "herri honen askatasuna" aldarrikatu dute, "Euskal Herri aske baten soinu-banda sortzeko: euskalduna, feminista, antikapitalista eta solidarioa, besteak beste".
Perry Bamonte hil da, The Cure talde britainiarreko gitarrista, 65 urte zituela
Londresen jaio zen, 1960an, eta 19 urte zituela hasi zuen bere musika-ibilbidea baxu-jotzaile gisa. "Lasaia, bizia, intuitiboa, etengabea eta izugarri sortzailea", ingurukoen arabera, Bamonte The Cure taldeko funtsezko kidea izan zen 1990etik.
Mikel Erentxunen bira Donostiara iritsi da
2025 urte osoan zehar 50 bat kontzertu eman ondoren, Kursaal jauregian izan da Mikel Erentxun, Duncan Dhu taldearen lehen diskoaren 40. urteurrena ospatzeko egindako biraren barnean. Kontzertu horietan famatu egin zuen taldearen abesti ezagunenak eskaintzen ditu, baita inoiz kontzertu batean jo ez zituzten kantu batzuk ere.
Bizardunak eta Rita Payes, Santaspascuas jaialdia hasteko
Gaboneroko Iruñeko musika jaialdiaren programazioa Bizardunak taldeak abiatuko du ostegunean Zentralen, eta kataluniar tronboi-jotzaile, abeslari eta konpositorea igandean arituko da, Baluarten.
Jeff Tweedy, Anastacia eta Steven Isserlis txelista, Kursaalen 2026an
Jeff Tweedy Wilcoko buruaren bakarkako emanaldia da Kursaal Eszenaren datorren urteko programazioaren hitzordu nagusietakoa; horrez gain, Yuha Wang, Anastacia abeslaria, Ryan Adams, Rodrigo Cuevas eta Euskal Herriko Orkestra Barrokoa ere arituko dira Donostiako espazioan.
Etzakitek kanta berria kaleratu du bere itzulera iragartzeko: “Hanka-punttetan”
“Hanka-punttetan” abestia kaleratu du Etzakit Hernaniko triki-pop taldeak. Horretan, taldeak lagun izan ditu Alaitz eta Maider, Maixa eta Itziar, Kristina eta Amaia, eta Gozategiko kideak. Etzakit taldea urtarrilaren 3an eta 5ean itzuliko da agertokira, Hernaniko Oialume dantzalekuan.