Belako: 'Aldatzen joatea gustatzen zaigu'
“Hamaika ertz ditu Belakoren izaerak”: sarritan entzun edo irakurri dugu esaldia, baina egia biribila da, eta horren erakusgarri da denetariko jaialdietan taularatzen dutela bere zuzeneko paregabea, nola Two Door Cinema Club edo Nick Cave laguntzen hala Queens of the Stone Age-rekin edo Liam Gallagherrekin batera.
Izaera zabal eta sakon horren erakusgarri, ostiralean, ekainak 1, Eibarren arituko dira mungiarrak, Ez Dok Fest rock jaialdiko lehen gauean Unbeko kirolgunean bildutakoei beren zuzenekoa guztion ahotan zergatik dagoen erakusten. Publikoak bertatik bertara ikusiko du zergatik fitxatu dituen United Talent Agency Londresko agentziak, Muse, Placebo edo Pink Floyden kontzertuak kudeatzen dituen enpresak, nazioarteko birak egiteko.
Lander bateria-jotzailearekin hitz egin dugu, taldearen egoeraz.
Badira hilabete batzuk “Render me numb, Trivial Violence” argitaratu zenutenetik. Zelako iritziak bildu dituzue? Uste duzue jendeak bereganatu egin duela batik bat hitzetan eman duzuen aurrerapausoa?
Egia esan, oso pozik gaude jendeak izan duen erantzunagatik; dirudienez, mundu guztiari gustatu zaio! Orokorrean, soinu zatarra eta indartsua aipatzen du jendeak, baita kanten arteko desberdintasun handia ere, guregan ohikoa den moduan.
Letren aldetik ere, oso nabaria da aldaketa bat egon dela: disko honetan, gaur egungo injustizia eta biolentzia desberdinak salatzen ditugu. Jendeak horiek ere ondo hartu dituela dirudi.
Aste batzuk daramatzazue diskoa zuzenean aurkezten. Zer moduz uztartu dira kantu berriak errepertorioan? Zertan aldatu dira zuen kontzertuak?
Zentzu horretan ere, oso pozik gaude. 2017an egin genuen mundu biran, kantu berriak probatzeko aukera izan genuen eta oso ondo etorri zitzaigun errepertorioak egiteko. Bestetik, teklatuak kendu egin ditugu zuzenekoetan, eta Cris lasaiago dago “soilik” abesten.
Horrez gain, orain ez gara kokatzen agertokian laurak lerro berean, lehen bezala. Hala ere, hori guztia ez da seguruenik definitiboa izango... Arlo honetan ere, aldatzen joatea gustatzen zaigu.
Denetariko jaialdietan jotzen duzue, ikuspegi elektroniko eta popagoa dutenetatik hasi eta rock jaialdietaraino, Ez Dok Fest bezala. Kontuan hartzen duzue non ari zareten errepertorioa aukeratzeko orduan?
Ez gehiegi, baina zertxobait aldatzen dugu errepertorioa, jotzen dugun tokia edota ordua kontuan hartuta. Baina gu geu izaten saiatzen gara beti. Hala ere, beti gustatzen zaigu sorpresatxoren bat izatea eta jendeak espero ez duen zerbait egitea, adibidez.
Zein talde ikusi nahi duzue Eibarko jaialdian? Zein kontzertu ez duzue galduko?
Gustatzen zaigun talde pila bat dago jaialdian, baita lagun mordoa ere! Ez dakit denborarik izango dugun talde guztiak ikusteko, baina ahal duguna egingo dugu. Toundra, Joseba B. Lenoir, Vulk, Nerabe...
Gure eguneko talde guztiak ikusiko genituzke, pozik! Eta ezin badugu, zerbeza batzuk hartuko ditugu eurekin behintzat.
Hemendik aurrera, zer? Zer duzue aurretik? Besteak beste, hiru kontzertu egingo dituzue Finsbury Parken, Londresen, Two Door Cinema Clubekin, Liam Gallagherrekin eta Queens of the Stone Agerekin…
Bada, bai, Estatuan joko ditugun kontzertuez gain, Porto eta Londrestik pasatuko gara. Udan ere kontzertu eta jaialdi mordoa dauzkagu, baina, beti bezala, atzerrian daukagu burua... Laster emango dugu honen berri, baina, ematen duenez, bira polita aterako zaigu kanpoan!
*Elkarrizketa egin eta gero, Belakok 2018an egingo dituen kontzertuen zerrenda iragarri du.
Ekainak 1, Eibar, Ez Dok Fest
Ekainak 6, Sevilla, Nocturama
Ekainak 9, Porto, NOS Primavera Sound
Ekainak 16, Donostia, Anoetako kiroldegia
Ekainak 22, Viana, Mugacu Fest
Ekainak 29, London + Liam Gallagher, Finsbury Park
Ekainak 30, London + Queens Of The Stone Age, Finsbury Park
Uztailak 1, London Community Festival, Finsbury Park
Uztailak 7, Manila, XXXX Club
Uztailak 9, Quezon, Bang Kong
Uztailak 14, Bartzelona, Cruilla Festival
Uztailak 20, Biarritz, Biarritz En Été
Uztailak 26, Benidorm, Low Festival
Uztailak 27, Mundaka, Mundaka Festival
Irailak 15 / irailak 25, Erresuma Batua + Italia + Alemania
Irailak 27, Córdoba, Hangar
Irailak 28, Granada, Copera
Urriak 5, Gijon, Albeniz aretoa
Urriak 18, Mexiko Hiria, Indie Rocks
Urriak 20, Guadalajara (Mexiko), Tbc
Abenduak 5, Madril, La Riviera
Zure interesekoa izan daiteke
Olaia Inziartek "Zerrautsa" diskoa aurkeztu du Bilbao Basque Festen
Olaia Inziarte abeslariak Zerrautsa izeneko bere bigarren diskoa aurkeztu du Bilbao Basque Fest jaialdian. “Zerrautsa” bere barrura egindako bidaia bat da, ahultasunari eta emozioei tartea eginez.
Lan Eskaintza Publikoa egingo da, Donostiako Jazzaldiaren zuzendari berria hautatzeko
Lanpostua aldi baterako betetzeko hautaketa prozesuak ez du emaitzarik eman, bi hautagaik uko egin baitiote lanpostua aldi baterako betetzeari. LEP bidez, behin betiko beteko da postua orain.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
"Agur esan barik" dokumentala aurrestreinatuko du Gatibuk
Gatiburen ibilbideko azken urtean filmatutako lanak taldearen bideari begiratzen dio, Jabi Elortegi zuzendariaren ikuspegitik. Gaur aurrestreina egingo dute Bilbon, eta irailetik aurrera egongo da ikusgai, zinema jaialdietan eta Primeran plataforman.
Juan Diego Flórez, Sokolov eta Juanjo Mena, Donostiako Musika Hamabostaldian
Perutar tenorrak irekiko du jaialdia, abuztuaren 2an, Italiako eta Frantziako opera, zarzuela eta musika hegoamerikarreko piezekin eraikitako programa batean, pianistak Beethoven eta Schuberten obrak interpretatuko ditu eta gasteiztar maisuak "Arriaga harrigarria" kontzertua zuzenduko du.
Sun Ra Arkestra eta Snarky Puppy, Gasteizko jazz jaialdiko kontzertu nagusiak ixteko
Ruben Blades, Gretchen Parlato, Take 6, The Bad Plus, Irene Reigen laukotea eta Magali Sare eta Manel Fortiá bikotea arituko dira Mendizorrotzan. Sarrerak bihar, hilak 27, jarriko dituzte salgai.
Pablo Martín Caminero, Merina Gris eta “Xorieri” Izaroren kantua saritu dituzte MIN sarietan
Carlos Aresek eta Valeria Castrok hiruna sari eraman dituzte musika independentearen Espainiako sarietan; Al cantek jazz álbum onenaren saria eraman du, Zuloak euskarazko disko onenarena eta Izaroren eta Baiucaren arteko lankidetzaren emaitzak ekoizpen onenaren saria, Alejandro Guillanen lanari esker.
Gernikako “lekuek”, musikaz gainezka martxoaren 25etik 29ra
Lekuek festibalak hamaika kontzertu, aurkezpenak, dokumentalak, ikastaroak, DJ saioak eta kale ekimena proposatuko ditu bost egunez: Mourn, Olaia Inziarte, Xiberoots, Guadalupe Plata, Janus Lester…
Sigur Rós talde islandiarrak Bilbon joko du irailaren 15ean
Emanaldia Euskalduna Jauregian izango da, Bilbao Orkestra Sinfonikoarekin batera. Kontzertua Robert Ames zuzendariarekin eta tokian tokiko orkestrekin egiten ari diren biraren parte da.