Musika Hamabostaldiak Itziar Okarizek eginiko kartela aurkeztu du
Itziar Okariz (Donostia, 1965) artistak egin du Donostiako Musika Hamabostaldiko kartela, abuztuaren 1etik 31ra bere laurogeigarren edizioa ospatuko duena.
“Karteleko irudia Baron Ashler nire performancean (2015) oinarrituta dago. Performance horretan bi pertsonak testu bera irakurtzen dugu, aldi berean, aldiro hitz bat gehiago irakurriz. Bata testuaren hasieratik hasten da irakurtzen, eta bestea, berriz, amaieratik. Paragrafoa luzea baldin bada, eraikitzen dituzun irudiak erabat ezberdinak dira. Testuaren erdialdean, bi irakurleok bat egin eta koru modukoa osatzen dugu. Pasarte bera irakurtzen dugu azkenean, batera. Nire ahotsa transkribatu dut lehenik; ondoren, Victorrena. Bi ahotsek espazioan aldi berean dihardutenean gertatzen dena adierazten ahalegindu naiz. Kartela topaketa horren irudikapen grafikoa da”, azaldu du kartelaren egileak.
Okarizen aurretik, beste hainbat artistak izan dute Hamabostaldiari irudia jartzeko ardura: Cállate la Boca (2009), Esther Ferrer (2011), Koldobika Jauregi (2013), Jesús Mª Lazkano (2015) eta Juan Luis Goenaga (2018), besteak beste.
Musika
Musikari dagokionez, Donostiako Musika Hamabostaldiaren 80. edizioak Pucciniren “Madame Butterfly” opera antzeztua taularatuko du. 40ko hamarkadan, Bigarren Mundu Gerran, egongo da kokatuta Valentziako Palau de les Arts-ek ekoitzitako bertsioa.
Halaber, Orchestre de Paris-ek emanaldi bikoitza eskainiko du. Lehenengoan, izaera programatikoa duen kontzertua eskainiko du: Berliozen “Harold Italian” interpretatuko du, baita Beethovenen “6. sinfonia” ere. Bigarren saioan, berriz, Brittenen “Gerrako Requiema” joko du frantziar orkestrak, Donostiako Orfeoiak eta Orfeoi Txikiak lagunduta.
Gainera, London Philarmonic Orchestrak Beethovenen lanak joko ditu, Juanjo Mena gasteiztarraren gidaritzapean eta Javier Perianes pianistaren laguntzaz.
Zure interesekoa izan daiteke
Olaia Inziartek "Zerrautsa" diskoa aurkeztu du Bilbao Basque Festen
Olaia Inziarte abeslariak Zerrautsa izeneko bere bigarren diskoa aurkeztu du Bilbao Basque Fest jaialdian. “Zerrautsa” bere barrura egindako bidaia bat da, ahultasunari eta emozioei tartea eginez.
Lan Eskaintza Publikoa egingo da, Donostiako Jazzaldiaren zuzendari berria hautatzeko
Lanpostua aldi baterako betetzeko hautaketa prozesuak ez du emaitzarik eman, bi hautagaik uko egin baitiote lanpostua aldi baterako betetzeari. LEP bidez, behin betiko beteko da postua orain.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
"Agur esan barik" dokumentala aurrestreinatuko du Gatibuk
Gatiburen ibilbideko azken urtean filmatutako lanak taldearen bideari begiratzen dio, Jabi Elortegi zuzendariaren ikuspegitik. Gaur aurrestreina egingo dute Bilbon, eta irailetik aurrera egongo da ikusgai, zinema jaialdietan eta Primeran plataforman.
Juan Diego Flórez, Sokolov eta Juanjo Mena, Donostiako Musika Hamabostaldian
Perutar tenorrak irekiko du jaialdia, abuztuaren 2an, Italiako eta Frantziako opera, zarzuela eta musika hegoamerikarreko piezekin eraikitako programa batean, pianistak Beethoven eta Schuberten obrak interpretatuko ditu eta gasteiztar maisuak "Arriaga harrigarria" kontzertua zuzenduko du.
Sun Ra Arkestra eta Snarky Puppy, Gasteizko jazz jaialdiko kontzertu nagusiak ixteko
Ruben Blades, Gretchen Parlato, Take 6, The Bad Plus, Irene Reigen laukotea eta Magali Sare eta Manel Fortiá bikotea arituko dira Mendizorrotzan. Sarrerak bihar, hilak 27, jarriko dituzte salgai.
Pablo Martín Caminero, Merina Gris eta “Xorieri” Izaroren kantua saritu dituzte MIN sarietan
Carlos Aresek eta Valeria Castrok hiruna sari eraman dituzte musika independentearen Espainiako sarietan; Al cantek jazz álbum onenaren saria eraman du, Zuloak euskarazko disko onenarena eta Izaroren eta Baiucaren arteko lankidetzaren emaitzak ekoizpen onenaren saria, Alejandro Guillanen lanari esker.
Gernikako “lekuek”, musikaz gainezka martxoaren 25etik 29ra
Lekuek festibalak hamaika kontzertu, aurkezpenak, dokumentalak, ikastaroak, DJ saioak eta kale ekimena proposatuko ditu bost egunez: Mourn, Olaia Inziarte, Xiberoots, Guadalupe Plata, Janus Lester…
Sigur Rós talde islandiarrak Bilbon joko du irailaren 15ean
Emanaldia Euskalduna Jauregian izango da, Bilbao Orkestra Sinfonikoarekin batera. Kontzertua Robert Ames zuzendariarekin eta tokian tokiko orkestrekin egiten ari diren biraren parte da.