Dazz Jazz jaialdiak bost kontzertu eskainiko ditu Gasteizen, uztailaren 10tik 14ra
Dazz Jazz jaialdiak bost kontzertu eskainiko ditu Gasteizen, uztailaren 10tik 14ra. Ekitaldia Dazz klubak antolatu du, Gasteizko Udalaren eta Vital Fundazioaren laguntzarekin.
Ekimenaren aurkezpenean izan dira Hezkuntza eta Kulturako zinegotzi Estibaliz Canto, Vital Fundazioko zuzendari Arantxa Ibañez de Opacua eta Beñat Lasagabaster jaialdiaren antolatzailea.
Gasteizko Udaleko Kultura zinegotziak antolatzaileen ahalegin handia nabarmendu du. “Hilabete zailak bizitzen ari gara, zailak guztiontzat. Gasteizko eragile kulturalekin aritu gara lanean, euren jarduerari berriro ekiteko laguntza eskainiz. Beraz, Dazz Jazz jaialdia babestea erabaki dugu, zeinak kalitate handieneko musikaz beteko baitu Vital Fundazioa Kulturunea”.
Ekitaldia uztailaren 10ean hasiko da, Raynald Colom Trio hirukotearekin, Raynald Colom (tronpeta), Gonzalo del Val (bateria) eta Jordi Gaspar (kontrabaxua) arituko direlarik. Larunbatean Roman Filiu Trio izango da taula gainean: Roman Filiu saxoan, Ivan ‘Melon’ Lewis pianoan eta Javier Moreno kontrabaxuan. Jaialdiaren hirugarren saioan, The Cuban Jazz Syndicate Fate arituko da, Pepe Rivero (pianoa), Miryam Latrece (ahotsa), Carlitos Sarduy (tronpeta), Ariel Bringuez (saxoa), Yarel Hernandez (baxua) eta Michael Olivera (bateria eta ahotsa) musikariekin.
Uztailaren 13an, Felix Rossy & Toni Saigi bikotea izango dira: Felix Rossy tronpeta jotzen eta Toni Saigi pianoan. Jaialdiko azken kontzertua asteartean izango da, eta Pacheco & Sempere & Regidor hirukotea arduratuko da horretaz. Roberto Pacheco (tronboia eta ahotsa), Miguel Sempere (baxua) eta Luis Regidor (gitarra eta ahotsa) arituko dira.
Kontzertuak Vital Fundazioa Kulturunean (Dendaraba, Bake kalea 5, 1. solairua, Gasteiz) izango dira, 20:00etan. Sarrerak 5 euroan erosi daitezke Dazz klubean (Aiztogile kalea 60, Gasteiz).
Zure interesekoa izan daiteke
Gure Ahotsak zikloak Clara Peya, La Tremendita, Chica Sobresalto, Mirua eta Neomaken kontzertuak eskainiko ditu
Emanaldi errenkadak emakume musikarien kontzertuak antolatu ditu berriz Donostian, martxoaren 3tik 7ra.
ETS, Nøgen, Hofe, Danielle Nicole eta Ibibio Sound Machine, Zurriolan Jazzaldian
Donostiako 61. Jazzaldian Zurriolako hondartzan, Keler Gunean, doako kontzertuak eskainiko dituzten talde eta artisten izenak iragarri dituzte. Uztailaren 22tik 25era, zortzi kontzertu izango dira.
Bryan Adamsek BECen joko du azaroaren 13an, "Roll With The Punches 2026" biraren barruan
Sarrerak martxoaren 6an, 10:00etan, jarriko dira salgai, 43 eurotik aurrera harmailetan eta 62 eurotik aurrera pistan.
Leire Martinez kartelera batu du Bigsound Barakaldo jaialdiak
Gipuzkoar kantaria uztailaren 3an eta 4an Barakaldon egingo duten jaialdian arituko da, Myke Towers, Lola Índigo, Juan Magan, Omar Montes, Inazio eta Ben Yartekin batera.
Ruben Bladesek Gasteizko jazz jaialdian joko du
Panamar musikaria uztailaren 17an arituko da, Mendizorrotzan, 20 musikariko big band batek lagunduta.
Janus Lesterrek disko eta bira berriak iragarri ditu
2026ko abenduan aurkeztuko du musikari nafarrak disko berria, Euskalduna Jauregian (hilak 19) eta Donostiako Kursaalen (hilak 26).
Mari Puri Herrerok egin du Musika Hamabostaldiko kartela
Musika jaialdiaren 87. edizioa abuztuaren 2tik 30era egingo dute, eta bilbotar artista arduratu da horren irudia diseinatzeaz. Juan Diego Florez perutar tenorraren kontzetu batek inauguratuko du jaialdia.
132 kantari amateurrek osaturiko abesbatza, Euskadiko Orkestrarekin entseatzen
Abestu Euskadiko Orkestrarekin proiektuaren bigarren edizioa bide erdira iritsi da, eta dagoeneko egin dute herritarren abesbatza prestatzeko hamar entseguetako seigarrena. Bi hilabetez, asteazkenero, 600 hautagairen artetik zozketa bidez aukeratutako 132 abeslari ez-profesional ari dira lanean, Euskadiko Orkestrarekin batera oholtzara igotzeko.
Bilbao Blues Festival jaialdiak Travellin’ Brothers sarituko du bosgarren edizioan
Jaialdiak doako hamar kontzertu eskainiko ditu uztailaren 24 eta 26an, Areatza inguruan. Leioaztar taldeak jaialdiaren ohorezko txapela jasoko du.
Señeak egonaldiak musika gerturatuko die gazteei
Señeak Bizkaia Rock Kanpusak "lehen mailako euskal artistekin" ikasteko aukera eskaintzen die 14 eta 17 urte bitarteko gazteei.