Joey Jordison Slipknot taldearen sortzaile eta bateria-jotzailea zendu da

Jordison, metalaren historiako bateria-jotzaile azpimarragarrienetakoa, ez zen Slipknoteko kidea 2013tik.

Joey Jordison, Slipknotekin zuzenean. Argazkia: Efe.

N. V. | EITB Media

2021/07/28 - 12:01

Azken eguneratzea

2021/07/28 - 12:01

Joey Jordison Slipknot estatubatuar metal taldeko bateria-jotzaile ohi eta sortzaileetako bat hil da, 46 urte zituela, familiak iragarri duenez.

"Joeyren heriotzak bihotza hutsik utzi digu, pena deskribaezinez", esan du familiak "Rolling Stone" aldizkarira igorritako ohar batean, zeinetan ez baitute heriotza zerk eragin dion argitu. Musikariaren lagunei zuzendu zaizkie bertan, "bere umore zorrotzaren, nortasun txeratsuaren, bihotz handiaren eta musikarekin zein familiarekin zerikusia zuen guztiarekiko maitasunaren" berri izan zutenei.

Jordisonek 1995ean sortu zuen Slipknot, Paul Gray baxu-jotzailearekin (2010ean hil zen) eta Shawn Crahan perkusio-jotzailearekin batera, eta 2013an utzi zuen taldea.

Talde utzi baino lehentxeago, zeharkako mielitisa detektatu zioten, esklerosi anizkoitzaren ondorioz, eta jotzeari utzi zion.

Slipknoten ez ezik, Jordisonek Murderdolls taldean gitarra jo zuen eta bateria astindu zuen Scar the Martyr eta Sinsaenum taldeetan ere.

Albiste gehiago musika

Bizkaiko Erromeria Eguna urriaren 4an ospatuko dute, Durangon

30 taldek baino gehiagok hartuko dute parte ospakizunaren lehen edizioan: Ibon Koteron eta Julen Begoña albokariak, Iker Alvarez eta Aitor Urkiza txistulariak, Mirari Azkune eta Aintzane Agirrebeña trikitilariak, Zabaleta eta Motriku trikitilari historikoak, Aiko, Luhartz…

Dave Douglas Quartetek Getxoko jazz jaialdia itxi du

Estatubatuar tronpeta-jotzaileak bost eguneko egitarau oparoa itxi du bart, Muxikebarri antzokian.

Oasis oholtza gainean da berriro, 16 urteren buruan, eta munduko birari ekin dio Cardiffen eskainitako kontzertu supersoniko batekin

75.000 pertsona bildu ziren bart Principality Stadiumen "Oasis Live '25" izenburuko biraren lehen emanaldian. Gallagher anaiak sorbaldatik helduta iritsi ziren, eta eskuak altxatuz, jendaurrean modu sinbolikoan bakeak egin zituzten.

Oasis taldeak isilaldia etengo du gaur, Cardiffen hasiko den bira historiko batean

Manchesterko taldea agertokietara itzuliko da gaur, mundu mailan ikusmira piztu duen kontzertu batean. Gallagher anaien mundu birak Europa, Amerika, Asia eta Ozeania zeharkatuko ditu, sarrera guztiak agortuta dituztela.

Paquito D’Rivera Quintetok Getxo sorgindu du

Kubatar klarinete eta saxo jotzaileak emanaldi gogoangarria eskaini du Getxoko jazz jaialdiaren bigarren gauean, Pepe Riverok (pianoa), Yuvisney Aguilarrek (perkusioa), Reinier Elizarde ‘el Negrón’ek (kontrabaxua) eta Sebastián Laverdek (bibrafonoa) lagunduta.