Getxon abiatuko dira jazz doinuak
Besteak beste Gasteizko eta Donostiako jaialdiak iritsi baino lehen, Bizkaiko udalerriko jazz jaialdiaren 48. edizioak Rhoda Scott, Paquito D’Rivera, Cecile McLorin eta beste hamaika artista dakartza programazioan.
Cecile McLorinek ostiralean joko du Getxon. Argazkia: Karolis Kaminskas.
Getxoko nazioarteko jazz jaialdiaren 48. edizioa asteazkenean, uztailak 2, hasiko da, eta 18 emanaldi eskainiko ditu guztira igandera arte, tartean Rhoda Scott, Paquito D'Rivera, Joe Lovano, Cecile McLorin eta Dave Douglas artistenak. Jazzaren hilabetea izango da uztaila Euskal Herrian, Gasteizko eta Donostiak jazz jaialdiek jarraituko baitiote Getxokoari.
Jaialdiaren lehenengo egunean proposamen bikoitza izango da Muxikebarrin 21:00etatik aurrera. Talde Lehiaketako lehen finalista ariko da hasteko, Eneko Dieguez Quartet, euskal saxofoi jotzailea buru duen konboa, Raul Perez (pianoa), Nicolás Alvear (baxua) eta Eneko Arbea (bateria) ere biltzen dituena.
Ondoren, 22:15 inguruan, eguneko kontzertu nagusia hasiko da, Rhoda Scott organistarena. 86 urterekin, jarduera bizia izan du nazioarteko jaialdietan, eta Getxora Lady Quartet bere azken proiektuaren buru iritsiko da, Julie Saury (bateria), Sophie Alour (saxo tenorra) eta Lisa Cat-Berrorekin (saxo altua) batera.
Muxikebarriko ordainpeko programazioan, Paquito D’Rivera kubatar klarinete eta saxofoi jotzailearen boskoteak (uztailak 3), Cecile McLorin Salvantek (uztailak 4), Joe Lovano saxofonistaren eta Marcin Wacilewski pianistaren hirukoteak (uztailak 5) eta Dave Douglas Quartetek hartuko dute lekukoa hurrengo egunetan.
Gasteizko jazz jaialdia uztailaren 14tik 19ra izango da, eta Donostiako Jazzaldia hilaren 19tik 27ra.
Goierriko Jazzaldia
Gainera, gaurtik bertatik hasita, Goierrik ere hartuko du bere jazz jaialdia, Ordizian larunbatera arte, programazio honekin:
Albiste gehiago musika
Taylor Swiftek 'The Life of a Showgirl' estreinatu du eta poparen erreginaren tronuari eutsi nahi dio
'The Life of a Showgirl' lanak pop zirraragarria, antzerkigintza eta eszenatokien gainean eman dituen ia bi hamarkaden errepasoa uztartzen ditu. Artista bere musikaren inoiz baino jabeago ageri da.
Sarako leizeak, ozenki marrumaka
Urriaren 4an eta 5ean, Marrumaka jaialdia egingo dute Sarako leizeen arkupetan; Gorka Urbizuk, Ibil Bedik, Kaskezurrek, Ezezezek eta Lumik joko dute, bestek beste.
Euskal Herriko musika sektorearen topagune profesionala, Tabakaleran
Gaur hasi eta bihar, asteazkenarekin, bukatuko da Must + Pro, “musikaren profesionalek elkarren esperientzien berri izateko, sektorearen erronkei buruz hausnartzeko eta lotura berriak sortzeko ekitaldia".
Euskadiko Orkestrak Berlioz eta Ravelen lanekin abiatuko du denboraldi sinfoniko berria
Irailaren 29an Gasteizko Jesus Guridi kontserbatorioan joko dute, irailaren 30ean eta urriaren 1ean Kursaalen, urriaren 3an Baluarten eta urriaren 4an Euskaldunan.
Kneecap taldeko abeslariaren aurkako "terrorismo" salaketa bertan behera utzi dute
Taldeko managerrak pozik hartu du erabakia, eta honakoa esan du: "Kneecap historiaren alde egokian dago; Erresuma Batua, ez".
Etzakit taldea agertokietara itzuliko da: 'Lauak berriro elkartzea polita iruditzen zitzaigun'
Lehen kontzertua eman eta zehatz-mehatz 31 urtera –taldearen lehen emanaldia 1995eko Errege bezperan izan zen–, Etzakit hernaniar triki pop taldea agertokira itzuliko da, 2026ko urtarrilaren 5ean, Oialume dantzalekuan, “etxean”. Xabier Solano (trikitia eta ahotsa), Jon Mari Beasain (gitarra), Aitor Zabaleta (baxua) eta Ander Barrenetxea (bateria) batera oholtzaratuko dira berriz, 2003an taldearen ibilbidea amaitutzat eman eta gero, Etzakit (Elkar, 1998) eta Goiz edo noiz? (Elkar, 2000) diskoetan bildu zituzten kantuak berreskuratzeko.
Massive Attackek, beste 400 artistarekin batera, Israelen presentzia duten plataforma guztietatik kendu du bere musika
Primal Scream, Mogwai, Sleaford Mods, Arca, Ana Tijoux eta Japanese Breakfast taldeek, besteak beste, "No Music For Genocide" kanpaina babestu dute, eta Spotifyk teknologia militarrean egindako inbertsioak kritikatu dituzte.
Gipuzkoako Aldundiak Lourdes Iriondo abeslariari emango dio 2025eko Urrezko Domina
Sariaren helburua "Lourdes Iriondok euskararen eta euskal kulturaren biziberritzean garatu zuen lan zabal eta berritzailea gaur egunera ekartzea eta justizia egitea da, bere ondareak lurraldeko historian merezi duen lekua izan dezan".
Estrella Morente, bart Getxon
Granadar kantariak kontzertua eskaini du bart Muxikebarri Getxoko aretoan, Getxo Folk jaialdiaren bigarren gauean. Igandean, Benito Lertxundi omenduko dute espazio berean.
Zetak taldeak Bilbon eskainiko duen bigarren ikuskizunerako sarrerak, agortzear
70.000 sarrera inguru saldu dituzte nafarrek bi egunean. Ekainaren 20ko emanaldikoak berehala agortu ziren, eta 19koak, agortzeko bidean dira.