2014ko estreinaldi nabarmenenak
Zinema-aretoak El Hobbit, Los Juegos del Hambre, X-Men eta Spider-Man pelikulen jarraipenez beteko dira 2014an. Horiez gain, Meryl Streep eta Julia Roberts aktoreak protagonisa dituen Agosto filma, eta The Monuments Men George Clooneyk zuzendutako lan berria iritsiko dira.
Gainera, proposamen harrigarriak ere izango ditugu. Horien artean aipagarria da Darren Aronofskyk zuzendu eta Russel Crowe protagonista duen Noah. Filmean Jennifer Connelly, Anthony Hopkins eta Emma Watson aktoreek ere parte hartu dute.
Nebraska beste proposamen horietako beste bat da. Alexander Paynek sinatutako lanak David Linchen The Straight Story gogorarazten du. Bruce Dern aktorea da pelikularen protagonista eta Canneseko azken zinemaldian aktore onenaren saria jaso zuen. Nebraska otsailean iritsiko da zinema-aretoetara.
The Monuments Men zintarekin II. Mundu Gerran Europako artelanak babestu zituen soldadu talde txiki baten istorioa kontatu nahi izan du George Clooneyk. Otsailean, Berlinale zinemaldian estreinatuko dute lana. Alemaniako jaialdian aurkeztuko du Claudia Llosa zuzendari peruarrak No llores, vuela filma ere.
John Wells ere lan berriarekin etorriko da aurten. Agosto pelikulan Streep eta Roberts aktoreez gain, Sam Shepard, Ewan McGregor, Benedict Cumberbatch eta Juliette Lewis ere bildu ditu zuzendariak. Pelikulak Oklahomako familia baten istorioa kontatzen du. Urtarrilaren 10ean estreinatuko dute.
AEBetako zinema-aretoetara abenduaren amaieran iritsi zen arren, La gran estafa americana (Oscarretarako faboritoetako bat) urtarrilean iritsiko da munduko gainontzeko herrialdeetara. David O. Russell The fighter eta El lado bueno de las cosas filmen zuzendariak Christian Bale, Bradley Cooper, Amy Adams, Jennifer Lawrence, Jeremy Renner eta Michael Peña aktoreak elkartu ditu film horretan.
Istorioak aurrera jarraitzen du
Urte amaieran, El Hobbit trilogiaren hirugarren zatia iritsiko da. Tolkienen liburuetan oinarritutako orain arteko bost filmekin 4.355 milioi dolar (3.180 milioi euro) bildu dituzte.
Jack Ryan: Shadow recruit 2014ko beste sagetako bat izango da. Oraingo honetan, Tom Clancyk sortutako agenteak Chris Pinen aurpegia izango du. Aurretik, Harrison Ford, Alec Baldwin eta Ben Affleck aktoreek egin dute pertsonaia horrena. Filma Kenneth Branagh britainiarrak zuzendu du, eta Kevin Costner eta Keira Knightley aktoreek ere parte hartu dute.
Capitán América: el soldado de invierno apirilean iritsiko da zinema-aretoetara eta Chris Evans izango du protagonista.
Andrew Gardfield eta Emma Stone protagonista dituen Spider-Man sagaren film berria maiatzean estreinatuko dute, eta baita X-Men: Días del futuro pasado lana ere. Azken horretan, beste behin, Jennifer Lawrence, Michael Fassbender, Nicholas Hoult eta Ellen Page aktoreek lan egin dute.
Aurtengo udan, Transformers 4 iritsiko da. Lan berrian Mark Whalbergek Shia LaBeouf ordezkatu du. Horrez gain, El amanecer del planeta de los simios eta Resident Evil 6 estreinatuko dituzte. Gainera, Los Juegos del Hambre: Sinsajo, trilogiaren hirugarren pelikularen lehen zatia, aurkeztuko dute.
Haurrentzako proposamenak
Urte berri honetan, Ben Stiller eta Robin Williamsen Noche en el museo, Big Hero sagaren seigarren zatia eta Aviones, Disney faktoriaren azken arrakastaren bigarrena, iritsiko dira.
Dreamworks konpainiak Mr Peabody & Sherman telesailean oinarritutako filma prestatu du.
Hala eta guztiz ere, 2014ko pelikularik esanguratsuenetako bat Dorothyren Ozera itzulera izango da. Horrez gain, Angelina Jolie protagonista izango duen La Bella Durmiente istorioaren film berria ere aurtengo estreinaldi nabarmenetako bat izango da.
Espainian egindako zinemari dagokionez aurtengo film berrietako batzuk izango dira Roberto Santiagoren Solo para dos (Santi Millán eta Martina Gusman); Emilio Martín Lázaroren Ocho apellidos vascos (Clara lago, Dani Rovira eta Carmen Machi); Carmina o revienta filmaren ondorengoa, eta El niño, Daniel Monzonek zuzendu eta Luis Tosar protagonista izango duen drogei buruzko pelikula.
Zure interesekoa izan daiteke
Hollywood, Oscar sarien 98. ekitaldirako prest
Sinners filmak markak hautsi ditu 16 izendapen jasota, eta Sirat Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan izen nagusiak.
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ez da ostegunean irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.