Film laburrak
Gorde
Kendu nire zerrendatik

Zazpi film laburrek osatuko dute Kimuak 2014 katalogoa

Aitor Gutierrez, Lander Camarero, Kote Camacho, Koldo Almandoz, Asier Altuna eta Aitor Arregi zinemagileen lanak eta Artelekuk ekoitzitako proiektu kolektibo bat dira lanok.
"A serious comedy" filmeko irudi bat
"A serious comedy" filmeko irudi bat

Guztira zazpi euskal film labur aukeratu ditu epaimahaiak, 63 hautagaien artean, 2014ko Kimuak katalogoa osa dezaten. Irailean aurkeztuko dute bilduma, Donostiako Zinemaldian.

Ohar batean azaldu dutenez, lan hauek osatuko dute euskal zinemagileen lanen lagina aurten: "Anómalo" (Aitor Gutierrez); "A serious comedy" (Lander Camarero); "Don Miguel" (Kote Camacho); "Hubert le Blon-en azken hegaldia" (Koldo Almandoz); "Sailor's grave" Artelekuk ekoitzitako lan kolektiboa; "Soroa" (Asier Altuna); eta "Zarautzen erosi zuen" (Aitor Arregi).

Zinema genero nagusiak biltzen ditu bildumak, eta euskarazko bi lan, gaztelaniazko beste horrenbeste, elkarrizketarik gabeko bi lan eta arabieraz filmatutako bat eskainiko ditu.

Epaimahaikideak hauek izan dira: Maialen Beloki Donostiako Zinemaldiko Zuzendaritza eta Hautaketa batzordeetako kidea, Josemi Beltan Donostia Kulturako Zinema Arloko zuzendaria, Ismael Martin ECAM zinema eskolako eta Madrid en Corto programako arduraduna, Edurne Ormazabal EiTBko zuzendari komertziala eta Jorge Sanz Aguilar de Campooko Film Laburren Jaialdiko koordinatzaile nagusia.

Kimuak Eusko Jaurlaritzaren Kultura Sailaren ekimena da, Etxepare Institutuak antolatu eta Euskadiko Filmategiak kudeatutakoa, eta EAEn egin edo ekoitzitako film laburrak zabaltzea eta sustatzea du helburu.

Zure interesekoa izan daiteke

18:00 - 20:00
ZUZENEAN
Duela  min.

"Itzalak argitzen": Euskal zinemaren lau klasikoren zaharberritze prozesua erakusten duen dokumentala

Koldo Almandozek eta Gorka Bilbaok Itzalak argitzen dokumentala ondu dute, 80ko hamarkadaren erdialdean ekoitzitako lau film ertain zaharberritzeko prozesua dokumentatu ostean: Hamaseigarrenean, aidanez (Anjel Lertxundi, 1985), Zergatik panpox (Xabier Elorriaga, 1985), Ehun metro (Alfonso Ungria, 1985) eta Oraingoz izen gabe (Jose Julian Bakedano, 1986). Euskadiko Filmategiaren Euskal Zinema zikloan estreinatuko da.

Gehiago ikusi
Publizitatea
X