'Fe de etarras' filmaren mundu mailako estreinaldia, gaur, Belodromoan
Zinemaldiak azken aurreko eguna du gaurkoa eta Urrezko Maskorra irabazteko lehian egongo diren Sail Ofizialeko azken bi filmak izango dira ikusgai: The Captain eta Le lion est mort ce soir. Horrez gain, lehiaketatik at, La peste erakutsiko da. Bestalde, hainbat arrazoirengatik harrabotsa sortu duen Fe de etarras pelikularen mundu mailako estreinaldia izango da.
Robert Schwentke zuzendaria Alemaniara eta II. Mundu Gerrako azken uneetara itzuli da Der Hauptmann / The Captain filmarekin.
Halaber, Nobuhiro Suwa zuzendariak Le lion est mort ce soir / The Lion Sleeps Tonight filma aurkeztuko du.
Bestalde, Sail Ofizialean hau ere, baina lehiaketatik kanpo, Alberto Rodriguezek eta Rafael Cobosek sortutako La peste telesaila proiektatuko da.
Fe de etarras filmak hautsak harrotu ditu
Fe de etarras filmari dagokionez, Borja Cobeagak zuzendutako eta Diego San Josek idatzitako filma da. Mediaprok Netflixerako egindako produkzio hau umore beltzeko komedia bat da; 2010eko uda partean girotua, Javier Camarak, Julian Lopezek, Miren Ibargurenek eta Gorka Otxoak antzeztutako komando bat da filmaren protagonista.
Pelikula gaur 19:00etan erakutsiko da belodromoan, Netflix plataformaren bitartez urriaren 12an estreinatu aurretik.
Goizean, prentsaurrekoan Borja Cobeaga gidoilari eta zuzendariak adierazi duenez, "terrorista bat txiste bihurtzea gizartearen garaipena da".
"Espainiako banderaz josita dagoen hiri batean kokatzen da filma, eta ETAko komando baten bizitza kontatzen du, hain zuzen ere, Espainiako futbol selekzioak Hego Afrikako Munduko Txapelketa irabazi eta azken mendeko espainolitate erauntsi handiena izan zen garaian", azpimarratu du.
Porrot baten historia da, "zure bandera serioegi hartzen duzunean gertatzen diren gauzen historia". Cobeagaren esanetan, Espainiak "atzera egin du" hainbat kontutan, baino beste askotan "aurrera eta hobera egin du", eta horren adibide jarri du dagoeneko ETAk ez duela hiltzen.
Cobeagaren hitzetan, Fe de etarras filmak nazionalismoak ditu hizpide —euskal nazionalismoa eta nazionalismo espainiarra—, eta fanatismoari kritika egiten dio.
Pelikula hau Zinemaldian gehitu izanak eztabaida eragin du; izan ere, zenbaitek uste dute espresuki interneten erakusteko (ez zinema aretoetan) sortutako pelikulak ez liratekeela zinema jaialdietan gehitu behar.
Bestalde, filma promozionatzeko kartelak ere eztabaida eragin du. Kartela Donostiako erdialdean dagoen eraikin batean zintzilikatu zuten. "Yo soy español, español, español" esaldia du erdi-erdian. "Español" hitza marraturik eta Fe de etarras pelikularen izenburua azpian dago. Are gehiago, Auzitegi Nazionaleko Fiskaltzak ikerketa abiatu zuen Fe de etarras pelikularen kanpainak terrorismoaren biktimak umiliatzen ote dituen argitzeko, Guardia Zibilen Batasunak Netflixen aurka aurkeztutako salaketa tarteko. Azkenean, ordea, Auzitegi Nazionaleko Fiskaltzak artxibatu egin du ikerketa. Kartela "azalekoa, hutsala edo gustu txarrekoa" izan daitekeela uste du Fiskaltzak, baina ez du terrorismoa goratzen.
Fe de etarras pelikularen kartela Donostian. Argazkia: EFE
Zure interesekoa izan daiteke
Alejandro Gonzalez Iñarritu, irudiaren bardoa
Amores perrosekin goizetik gauera zinemagintzaren panorama inarrosi zuenetik Bardo (o falsa crónica de unas cuantas verdades) azken filmera arte, EITBren Bilboko egoitzan Carne y arena instalazioa erakutsiko duen mexikar zinemagileak ezinbesteko ibilbidea egin du XXI. mendeko autore zinemagintzan.
Robert Duvall aktorea zendu da, 95 urte zituela
Apocalypse Now eta Aitajauna filmetako aktore ospetsua igande gauean hil zen, Virginan, Luciana Duvall haren alargunak iragarri duenez. 2003an, Donostia saria eman zion Zinemaldiak.
Hemeretzi film lehiatuko dira Punto de Vista jaialdiaren Sail Ofizialean
Zinema Dokumentalaren Nafarroako Nazioarteko Jaialdiaren 20. edizioaren programazioa Benita Alain Berlinerren filmak irekiko du, eta Una película de miedok itxiko du.
Horrelakoa da “Cada día nace un listo”, Arantxa Echevarriak “La infiltrada”ren ondoren egin duen filma
Pelikula, “satira garratz bat”, Malagako zinema jaialdiko Sail Ofizialean aurkeztuko dute, lehiatik kanpo, maiatzaren 22an zinema aretoetan estreinatu aurretik. Cada día nace un listo, Arantxa Echevarría bilbotar zinemagilearen film berria, Malagako zinema jaialdian estreinatuko dute; martxoaren 6tik 15era egingo dute jaialdia. Echevarriak eta Patricia Campok idatzia, Hugo Silva, Susi Sánchez, Dafne Fernández, Jaime Olías, Ginés García Millán, Diego Anido, Markos Marín, Marina Ostolaza, Sofía Otero eta Javier Tolosa dira aktoreak, eta Belen Rueda, Pedro Casablancek eta Gonzalo de Castrok ere hartu dute parte. EITBren parte-hartzea du Lazona Zinemaren eta Lamia Produccionesen ekoizpenak. Echevarriaren seigarren film luzea da Cada día nace un listo (2026), Carmen y Lola (2018), La Familia Perfecta (2021), Chinas (2023), Políticamente Incorrectos (2024) eta La infiltrada (2024) lanen ondoren.
Argazki zuzendaria letra handitan agertzen denean…
El cuento de una noche de verano film labur onenaren Goya sarirako izendatutako lanean, Ion de Sosa donostiarra ibili da argazki zuzendari.
Asier Altuna: "Jendea hunkitu egiten da 'Karmele' ikustean"
Donostiako Zinemalditik eta Euskal Herriko areotatik pasatu eta gero, Karmele filma Primeran plataformara iritsi da. Asier Altuna filmaren zuzendariarekin hitz egin dugu, hori dela eta.
Batman, FANT zinema jaialdiaren ikurra
Fantasiazko zinemaren Bilboko jaialdia maiatzaren 8tik 16ra arte egingo dute aurten. Gotham Cityko superheroia Bilbori begira ageri da kartelean.
“Las hijas”, manipulazioaren aurkako borroka pantailan
Daniel Romero madrildar zinemagilearen lehen lan luzea Bizkaian filmatu dute, eta Yune Nogueiras, Jone Laspiur, Edurne Azkarate, Ainara Elejalde eta Ainhoa Larrañaga ditu protagonista, baita Karra Elejalderen parte-hartzea ere.
Euskal ekoizpenak protagonista, Goya sarietako izendatuen jaian
Goya sarietako izendatuen jaia egin dute Madrilen. Euskal produkzioek 47 izendapen dituzte guztira eta haien presentzia nabarmena izan da. Euskal zuzendari, ekoizle eta aktoreak irribarretsu ikusi ditugu alfonbra gorrian, pozik eta ilusioz beterik. Jai honekin otsailaren 28an Bartzelonan ospatuko den galarako atzerako kontaketa hasi da.
Euskal zinemaren industria etengabeko hazkundean dago, eta Euskal Herriko Zinema Eskolan nabaritu dute
Datozen urteetan arlo profesionalera salto egiteko asmoz, gero eta aktore gazte gehiago dago zine eskoletan. Euskal Herriko Zinema Eskolako ikasleek aitortu dute sektoreak bizi duen gorakadaren ondorioz etorkizunari itxaropenez eta motibazioz begiratzen diotela.