"Cinco lobitos", 2023ko Oscar sarietarako lehian, Nazioarteko Pelikularik Onena izateko
Cinco lobitos, Alauda Ruiz de Azua bizkaitar zinemagilearen opera prima 2023ko Oscar sarietan Nazioarteko Pelikularik Onena kategorian espainiar Estatua ordezkatzeko lehian da; izan ere, Zinemako Espainiako Akademiak hautatu du, Carla Simonen Alcarras eta Rodrigo Sorogoyenen As bestas filmekin batera, lehia horretan egon dadin. EITBren parte-hartzea du, eta irailaren 13an esango dute lehian jarraituko duen.
Cinco lobitos Alauda Ruiz de Azuaren lehen pelikula da. Maiatzean eitb.eus-i, elkarrizketa batean, esan zionez, "naturaltasun, organikotasun eta benetakotasun handiaren bila" egiten du lan.
"Amatasuna eta aitatasuna maila askotako esperientzia da, eta horrek, automatikoki, familia-harremanak, ziklo-aldaketak eta familiako rolak aztertzera eraman ninduen. Hasiera-hasieratik emakume askoren errealitateari buruzko kontakizun zintzo eta fidela egin nahi izan nuen", azaldu du Ruiz de Azuak.
Cinco lobitos duela sei urte sortu zen Ruiz de Azuaren buruan, bere lehen haurra izan zuenean: "Ez da autobiografikoa, baina beti sartzen dut nire esperientzia pertsonaleko zerbait proiektuetan. Konturatu nintzen amatasunaren alderdi batzuetan ez zegoela kontakizunik. Eta hortik familiaz eta gurasoekiko harremanaz gogoeta egitera pauso bat baino ez zegoen", azpimarratu du zuzendariak.
Amaiak (Laia Costa aktorea) seme bat izan berri du eta bere bikotekideak, Javik (Mikel Bustamante), lan egiten duen bitartean ia bakarrik arduratzen da semeaz. Ez du laguntzarik eta itota sentitzen da; beraz, Euskadiko kostaldeko herri txiki bateko gurasoen etxera joatea erabakitzen du, harrapatuta dagoen gurpil zoro horretatik ihes egiteko eta zainketen ardura partekatzeko.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.