"O corno", ahizpatasunaren indarra
Erditze izerditsu, benazko, zaratatsu eta gogor batek irekitzen du O corno, Jaione Cambordaren bigarren film luzea; 10 minutuko erditze gordin bat erakusten du hasi eta berehala Claire Denis buru izan duen epaimahai ofizialak hala erabakita Zinemaldiko film onenaren Urrezko Maskorra irabazi duen filmak, eta halakoa da pelikula bera, 103 minutuz: izerditsua, bene-benetakoa, nola naturaren, bizitzaren eta gure aberetasunaren indarra hala gizatasunaren eta ahizpatasunaren beroa pantailaratzen duen istorio ahaltsua.
Maria (Janet Novas dantzariak gorpuzten du, aukeraketa ederra hain interpretazio fisiko baterako) da filmaren protagonista, eta 1970eko hamarkada hasieran dago girotuta, frankismoare azken urteetan. Itsaski-biltzailea da Maria, eta beste emakumeei laguntzen die, ama izateko ahalmena burutzen, erditzen, zein zekale-ainoaren infusioak erabiliz (horri esaten diote corno, adarra, galizieraz) haurdunaldia eteten.
Halako batean, gertakari lazgarri baten ondorioz, Mariak herrixkatik ihes egin beharko du, Portugalen babesa hartzeko (1970eko hamarkada hasieran Portugalgo zein Espainiako diktaduretan emakume langile batek inon toki seguru bat aurkitzerik izan bazuen, betiere), eta ahizpatasunak, emakumeen arteko laguntza sareak, soilik lagunduko dio asmo horretan; klandestinitate behartuan, boterearen, diruaren eta autoritatearen ifrentzuan, bizibidea ateratzeko lanean diharduten emakumeen laguntasunak eskainiko dio Mariari lehenengo pauso botatzeko euskarria; horrek besterik ez.
Emakumeen eskutik soilik etorriko zaio protagonistari berriz hasteko aukera (Egunero hasten delako izena du Ramon Saizarbitoriak film honetan bezala abortuari buruz hitz egiteko 1968an idatzitako eleberriak; historia ziklikoa da, oinarritik aldatzen ez bada). Pertsonaia batek pelikularen une jakin batean Mariari esaten dion bezala, nahi duen izena hartzeko abagunea izango du halako batean, elkartasun horri esker, "hau baita orain existitzen dena. Lehengoa jada ez da existitzen".
Road movie-aren tentsio dramatikoa, edertasunaren bilaketa (argiaren erabilera ederra, sekuentzia preziosista zenbaitetan), fisikotasunaren indarra (emakumearen gorputza eta paisaia basa oso presenta daude filmean) eta emakumeen zapalkuntzaren berri emateko zein gaur egungo bizitzan eragiteko borondatea darizkio Urrezko Maskorraren irabazleari.
Urriaren 11tik aurrera ikusi ahalko da O corno, galizieraz filmatutako pelikula, Hego Euskal Herriko zinemetan.
Zure interesekoa izan daiteke
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.
"Los domingos" eta "Maspalomas", Forque sarietarako izendatuta
Alauda Ruz de Azuaren eta Jose Mari Goenaga eta Aitor Arregiren filmek hiruna izendapen dituzte EGEDA Ikus-entzunezko Ekoizleen Eskubideak Kudeatzeko Espainiako Erakundeak banatzen dituen sarietan.