132 film proiektatuko ditu Zinebik, tartean "Tardes de soledad" eta "Itoiz udako sesioak"
Tardes de soledad Albert Serra kataluniar zinemagilearen dokumentala, Donostiako Zinemaldiko Urrezko Maskorraren irabazlea, eta Itoiz udako sesioak euskal pop talde mitikoaren inguruko dokumentala izango dira Zinebi Dokumentalen eta Film Laburren Bilboko jaialdiaren 66. edizioaren eskaintzako ale interesgarrienetako batzuk.
Azaroaren 8tik 15era egingo duten jaialdiaren Sail Ofizialak (Film Laburren Nazioarteko Lehiaketa eta ZIFF-Zinebi First Film azpiatalak hartzen ditu) 60 film hartuko ditu: 9 film luze eta 51 film labur. Itoiz taldeari buruzko filma ez ezik, Tamara García Iglesias, Iratxe Fresneda, Lorea Lyons eta Ane Ines Landeta, Aitzol Saratxaga eta Alexy Reynoldsen azken lanak ikusi ahal izango dira lehiarako bidean, baita Irango emakumeen egoerari buruzko lan bat —My Stolen Planet (Farahnaz Sharifi, 2024)—, memoriari buruzko zenbait pieza eta Palestinako herriaren sufrimenduari buruzko film bat —Undr (Kamal Aljafari, 2024)— ere.
Lehiatik at, Beautiful Docs sailak hartuko du Donostiako Zinemaldian Urrezko Maskorra irabazi duen Tardes de soledad filmaren (Albert Serra) proiekzioa, eta atal horretako filmek gai asko mahagaineratuko dituzte: AEBko egoera politikoa (Michael Premoren Homegrown), mobilizazio eta aldarrikapen feministak (Elena López Rieraren Las novias del Sur), zentsura (Concha Barquero eta Alejandro Alvaradoren Caja de resistencia) eta memoria (Pello Gutierrez Peñalbaren Erreplika).
Bertoko Begiradak atalak, bestalde, Beñat Iturriozen Enarak, Ernesto del Rioren Ese mundo que no te da nada eta Jone Ibarretxe eta Nere Falaganen Esto no es Hollywood pantailaratuko ditu, baita 27 film labur ere, tartean Josu Venero, Xabier Larrazabal, Izibene Oñederra, Aitor Abio, Lide Billealbeitia, Alba Lozano, Larraitz Zuazo Iñaki Alforja eta Iban Toledo, Xanti Rodriguez, Julen Etxebarria, Sonia Estevez, Ainhoa Urgoitia eta Imanol G. Gurrutxagarenak.
Ohorezko Mikeldi sariak
Auten, Bilboko zinema jaialdiak Laura Poitras estatubatuar zinemagileari eta Jose Luis Alcaine argazki-zuzendariari emango dizkie ohorezko sariak. Poitrasek irekiera ekitaldian jasoko du saria, azaroaren 8an, eta Alcainek itxiera ekitaldian, azaroaren 15ean.
Azaroaren 15ean bertan, itxiera ekitaldian, jakingo dugu zinema jaialdiaren 66. edizioaren palmaresa.
Saio bereziak
Zinebik Montxo Armendarizen Tasioren bertsio zaharberritua ere hartuko du, baita Carboneros de Navarra! dokumentala eta Mikelen heriotza ere, Imanol Uriberen film horren 40. urteurrenean.
Kimuak programak ere 25 urte bete ditu aurten, eta bertan izan diren 12 lan proiektatuko ditu Bilboko jaialdiak.
Gainera, pertsona gorrei begira, Alison O 'Daniel artista bisual eta zinemagile estatubatuarraren The Tuba Thieves (2023) filmaren estreinaldia prestatu dute, "zeinu-hizkuntza eta hainbat kode narratibo modu naturalean uztartzen dituen filma".
Zinebiren 66. edizioak 44 herrialdetako 132 film emango ditu guztira: 103 film labur (gehienez 30 minutu), 3 film ertain (30 eta 60 minutu artean) eta 26 film luze (60 minutu baino gehiago). 132 filmak 75 emakumezko eta 74 gizonezkok zuzendu dituzte.
Sarrerak gaurtik aurrera egongo dira salgai.
Zure interesekoa izan daiteke
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.