Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.
“Nouvelle vague”k, Richard Linklater texastar zuzendariaren (Boyhood, After trilogia…) film berriak, inauguratuko du gaur arratsaldean, asteartearekin, Le Théâtre de la Gare du Midin Biarrizko Zinema Jaialdia, Nouvelles Vagues.
Zuzendaria bera proiekzioan izango da, Guillaume Marbeck, Aubry Dullin eta Paolo Luka Noé aktoreekin batera, eta “À bout de soufflé” (Jean-Luc Godard, 1959) Nouvelle Vague frantziar zinema mugimenduaren film aitzindariaren ekoizpena eta filmatze lanak erakusten dituen fikziozko lana euskal publikoarekin ikusi ahalko du horrela Linklaterrek. Zuzendariak, gainera, publikoarekiko elkarrizketa izango du bihar goizean, asteazkenarekin.
Halaber, jaialdiak nazioarteko zortzi film aurkeztuko ditu lehian, Sail Ofizilean, baita batik bat zinemagile gazteek eginiko beste hogei lan ere, beste sail batzuetan. Horien artean izango da, berbarako, Jone batzuetan Sara Fantovaren euskarazko film saritua (ekainak 29, 14:30, Saio Bereziak saila, Royal 1 aretoan), zeinak EITBren parte-hartzea baitu.
Lili Hinstein programazio zuzendariak Nouvelles Vagues jaialdian gaztetasunak duen itzala azpimarratu du: “Nouvelles Vaguesen DNA gaztetasuna da. Gaztetasun hori epaimahaian, hautaketa batzordea, sari berri batean eta aukeratzen ditugun filmetako gazteen begiradan”.
Biarrizko Udalak eta Chanel moda etxeak babesten duten jaialdira etorriko da, gainera, Sofia Coppola hirugarren edizioko ohorezko gonbidatua. Ekainaren 25ean, 11:00etan, “The Virgin Suicides” 25 urte bete berri dituen filma aurkeztuko du, eta publikoaren galderei erantzungo die.
Biarritzen izango da, halaber, Keira Knigthley britainiar aktorea, ekainaren 28an Le Royal zinema aretoan “Rebel without a cause” pelikularen (Nicholas Ray) proiekzio bat aurkezten. Ostegunean, 22:00etan, “The Truman show”ren emanaldia egingo dute hondartzan.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.