Egibar: 'Konferentzia ETAren iragarpenaren aurreko urratsa izango da'
Joseba Egibar EAJko bozeramailearen ustetan, astelehen honetan Donostian izango den Bake Konferentzia indarkeria behin betikoz bertan behera utziko duela jakitera emateko ETAren iragarpenaren aurreko pausoa izango da.
"ETAren iragarpenaren aurreko unean gaudela uste dut, hau da, indarkeria behin betikoz bertan behera utziko duen iragarpenaren bezperan", adierazi du Egibarrek Radio Euskadiko "MQP" saioan. Honen ustez, asteleheneko konferentziak "iragarpen handiaren aurre-antzezpena" suposatuko du. Zentzu honetan, "garai berri batean" gaudela uste du Egibarrek, "elkarbizitzaren eta elkar adiskidetzearen bilaketaren garai batean", hain zuzen ere.
Jose Antonio Pastor PSEko bozeramailea, berriz, zuhurrago azaldu da. Honen esanetan, "gustatuko litzaidake ETAren amaieratik agiri batera egotea baina ez dakit horrela izango ote den". "Hala ere, ETAren amaiera euskal gizarteak argi eta garbi eskatu du dagoeneko, konferentzia egon ala ez", azpimarratu du. PSEko buruzagiak Alderdi Popularrak egindako salaketak ukatu ditu. "Donostiako Konferentzian PSEk egoteko erabakiak pozten nau", esan du.
Konferentzia honen aurka azaldu da Laura Garrido PPko ordezkaria. Bertan egotea erabakiatzeagatik PSEren kontra egin du. "Badakite nora joango diren, iruzur eta amarru batera, ETAk eta bere mundua haien porrota izkutatu nahi duten leku batera", salatu du Garridok. Dani Garrido Aralarreko ordezkariak "popularrek nahi duten irabazleekin eta galtzaileekin egindako amaiera bat" burutu nahi izana egotzi dio Pastorri.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.