Basagoitik PSE-EEren eta EAJren 'konplizitatea' bilatu nahi du
Antonio Basagoiti EAEko PPren presidentea Mariano Rajoy Espainiako Gobernuko presidentearekin bildu da gaur. Batzarraren ostean, euskal popularren ordezkariak PSE-EErekin eta EAJrekin ados dauden gaietan "konplizitatea" bilatuko duela ziurtatu du eta adierazi duenez, litekeena da hiru alderdiek ETAren amaiera bideratzeko bide orri baten moduko agiria sinatzea.
ETAri desegiteko, egindako mina onartzeko eta biktimak aintzat hartzeko eskatu dio Basagoitik. Halaber, presoen birgizarteratzeak "banakakoa" izan behar duela azpimarratu du, "mafiarekin edota bortxatzaileekin bezala", esan du.
Basagoitiren eta Rajoyren arteko bilerak ordu eta erdi inguru iraun du, gaurkoa Espainiako Gobernuko presidenteak EAEko alderdi nagusietako ordezkariekin egin duen hirugarren bilera izan da, izan ere, Rajoy Patxi Lopez lehendakariarekin bildu zen lehenik, eta ondoren, Iñigo Urkullu EAJko presidentearekin.
Rajoyk bilkura horien inguruko xehetasunak azaldu dizkio Basagoitiri eta hiru alderdiek oinarrizko akordioak partekatzen dituztela ondorioztatu du: ETAk urriaren 20an egindako iragarpena albiste ona dela, erakundeak desegin egin behar duela eta ez duela ordainetan inolako "sari politikorik" jaso behar.
Hori dela eta, Basagoitik hemendik aurrera bere "bidea" zein izango den azaldu du: PSErekin eta EAJrekin bilerak egitea batzen dituen hura indartzea lortzeko, "desadostasunak kudeatzeko" eta agiri bat sinatzea lortzeko.
Halaber, euskal popularren presidenteak azaldu duenez, ez dago ados "egunero presoen inguruan hitz egitearekin", bere ustez Patxi Lopezek eta Urkulluk egiten duten bezala.Basagoitiren aburuz presoek "egindako mina onartu" behar dute eta "araudiaren izapideak bermatu", horregatik "banakako birgizarteratzea" babesten du, "mafiak edota bortxatzaile batek" izango luketen bezala. Hurbilketak ez daudela "PPren lehentasunen artean" erantsi du.
Zure interesekoa izan daiteke
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.