PSE, EAJ eta PPren arteko 'hiruko' akordioak defendatu ditu Pastorrek
Jose Antonio Pastor PSE-EEko bozeramaileak, terrorismoarekin amaitzeko, bere alderdiaren, EAJren eta PPren artean akordioetara iristea defendatu du, baina "bistakoa da", ondoren, "akordio handi bat ixteko", Bildu gehitzeko aukera egon behar dela.
Akordio horretara iristeko ezker abertzalea aintzat hartu behar den ala ez eztabaidaz mintzatu da Radio Euskadin egin duen elkarrizketan.
Bilduk oraindik "ibilbide demokratikoaren zati bat" egin behar duela esan du Pastorrek. "Hortaz, ez da inor baztertzeko agertokia, baina bai faseak dituena", gaineratu du.
Akordioetara iristeko gaien artean, gertatutakoaren "partekatutako kontakizuna" eta "bakea suspertzeko politikak" daudela azaldu du, baita elkarbizitza demokratikoa eta "euskaldun guztien gogaidetasuna" ere.
"Memoriarik gabe" ezin dela bakerik lortu esan du Pastorrek, ezin baita "gertatutakoa estali; gogoratu egin behar da, eta datozen belaunaldietarako kontakizun horrekin pedagogia demokratikoa egin behar da".
Espetxe politikaren inguruan, agertokia "ezberdina eta hobea" dela onartu du PSE-EEko bozeramaileak, eta Espetxe Politika Orokorrak eta Konstituzioak hainbat aukera ematen dituztela adierazi du; beraz, "legea eskuan, eta legedia hautsi gabe, gauzak egin daitezke", gaineratu du.
"Ez gara ez amnistiaz ez preso guztiak kalera irteteaz ari", zehaztu du, "Espainiako kartzela politikaren gizarteratzeko helburuaz baizik".
Horregatik, "ETAtik aldendu nahi duten presoek eta birgizarteratu nahi dutenek", arazorik gabe egin dezaketela esan du, eta bere ustez, Gobernuak "dinamika" hori bultzatu beharko luke.
Aldundien erreforma fiskala "ezinbestekoa" dela uste du
Euskadin erreforma fiskala egitea "beharrezkoa eta ezinbestekoa" dela uste du Pastorrek, gehien irabazten dutenei zerga gehiago jartzeko, egun aldundiek errezeloak dituzten arren.
Gainera, buruzagi sozialistak ohartarazi du, Aldundiak "Eusko Jaurlaritzaren finantzen egoera zail berean edo okerrago" daudela.Gainera, buruzagi sozialistak ohartarazi duenez, "aldundiak Eusko Jaurlaritzaren finantzen egoera zail berean edo okerrago daude".
Zure interesekoa izan daiteke
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.