Kronologia: Sorturen legeztatzea
2011ko otsailak 7. Ezker abertzaleak Sorturen estatutuak aurkezteko ekitaldia egin zuen Euskalduna Jauregian. Alderdi berriak indarkeriaren erabilera eta mehatxuak errefusatzen ditu, "ETArena barne". Bide politikoak eta baketsuak soilik erabiltzeko apustua egin zuen eta indarkeria erabiltzea ez duela justifikatzen, ezta babesten ere, azpimarratu zuen.
2011ko martxoak 22. Estatuko Abokatuak eta Fiskaltzak uste dute Sortu Batasunaren ondorengoa dela eta alderdi berriak ETAren oniritzia daukala.
2011ko martxoak 22. Iñigo Iruin ezker abertzaleko abokatuak nabarmendu zuen "atzera bueltarik ez" zegoela eta indarkeria errefusatzeko erabakia "irmoa" dela. Era berean, Iruinek azaldu du alderdi berrian Batasuneko kide ohiak badaude, indarkeria errefusatzea oinarri duen proiektu berria "onartu eta babesten dutelako da".
2011ko martxoak 23. Auzitegi Gorenak Sortu Barne Ministerioan alderdi politiko bezala erregistratzea galarazi zuen. Fiskaltzak eta Estatuko Abokatuak aurkeztutako salaketak onartu zituen eta Sortuk Batasuna ordezkatzen duela argudiatu zuen.
2011ko martxoak 25. Bestalde, Sorturen aurkako debekuak Espainiako Justizia bi zatitan banatzea ekarri zuen: bederatzi magistratuk bozkatu zuten Sortu debekatzearen alde eta zazpik aurka. Azken hamarkadan izan diren legez kanporatzen prozesuetan inoiz ez da horrelako ezberdintasunik egon epaileen artean.
2011ko martxoak 31. Auzitegi Gorenaren ebazpena komunikabideetara zabaltzen da, aldeei ezer jakinarazi aurretik. Alderdi politiko berria sortzeko proiektuaren atzean ETA dagoela dio Gorenak: "ETAk prestatu, bultzatu eta kudeatu du alderdi politiko berria sortzeko Batasunaren estrategia, baita aurkezteko modua eta indarkeria errefusatzearena ere bai", dio ebazpenean.
2011ko apirilak 1. Sorturen kontrako epaiaren edukiak ezagutarazi zituzten. Auzitegi Gorenak dio alderdi berriak "demokraziarentzat mehatxua" dela, "ETAren estrategia baten ondorio" dela eta legez kanporatutako Batasunaren lekua hartu nahi duela.
2011ko apirilak 1. Sortu erregistratzearen alde bozkatu zuten epaileek sinesgarritzat jo zuten alderdi berriak ETArengandik urruntzeko egindako hautua eta "legez kanporatze prebentiboak" egitea zilegia ez dela azpimarratu zuten.
2011ko apirilak 2. Manifestazio jendetsu batek Sortu legeztatzea eskatu zuen Bilboko kaleetan. Martxan ordezkari politiko, sindikal, kultural eta sozial ugari izan ziren.
2011ko maiatzak 18. Sorturen defentsak Auzitegi Konstituzionalera jo zuen. Helegitean gogora ekartzen du Gorenak egindako "legez kanporatze prebentiboa" Konstituzionalak berak atzera bota zuela Bilduren inguruan eman zuen epaian.
2011ko irailak 19. Estatuko Abokatuak bere argudioak aurkeztu zituen Auzitegi Konstituzionalean: "ETA betirako desagertzen ez den bitartean, ezker abertzaleak ezingo du politikan jardun, ETArengandik bereizi gabe edo haren desegitea eskatu gabe".
2011ko irailak 21. Fiskaltzak Auzitegi Konstituzionalari Sorturen aurkako debekua berrestea eskatu zion, "alderdi horren legeztatzeak Estatu demokratikoa arriskuan jartzen duelako".
2012ko maiatzak 22. Auzitegi Konstituzionala Sortu legeztatu ala ez aztertzen hasi da. Erabakia aste honetan bertan hartuko duela espero da.
2012ko ekainak 20.Auzitegi Konstituzionalak legeztatu egin du Sortu.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.