Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.
Javier Esparza (UPN), artxiboko irudi batean. Argazkia: Europa Press
Nafarroako Parlamentuko Bozeramaileen Batzordeak atzera bota ditu UPNk eta PPNk Korrikan ETAko presoen argazkiak erakustearekin lotuta aurkeztu dituzten bi adierazpen instituzional. Bi testuek ez dute aurrera egiteko adina babes lortu.
UPNk aurkeztutako ekimenak, besteak beste, euskararen aldeko lasterketan ETAko presoen irudiak erakustea "gaitzestea", antolatzaileek "publikoki barkamena" eskatzea eta jasotako “dirulaguntza publikoak itzultzea” eskatzen zuen. Halako gertakariak berriro errepikatuz gero, Korrika bera debekatzea ere galdegiten zuen. PPN eta Talde Mistoaren aldeko botoa jaso du ekimenak, PSN abstenitu egin da, eta EH Bilduk, Geroa Baik eta Contigo-Zurekinek aurkako boza eman dute.
Ildo beretik, PPNk eskatu du "biktimak umiliatzen" eta "terrorismoa goratzen" duen edozein ekimeni dirulaguntza publikoak kentzea. Kasu horretan, UPNk, PSNk eta Talde Mistoak bat egin dute testuarekin, eta EH Bilduk, Geroa Baik eta Contigo-Zurekinek kontra bozkatu dute.
Ondoren, hedabideen aurreko adierazpenetan, Javier Esparza UPNren eledunak ETAko biktimen senideei "elkartasuna" adierazi die, eta PSNren jarrera kritikatu du, presoen argazkiekin gertatutakoa ez duelako"behar bezala" salatu. Korrika bera eta ekimenaren antolatzaileak ere gogor kritikatu ditu, haren hitzetan, "terrorismoa goratzeak ez duelako inon lekurik".
Kevin Lucero PSNren kideak ere salatu egin du presoen argazkiak erakustea, eta agerraldia aprobetxatu du CCOO sindikatuari "betoa" jarri izana gaitzesteko. "Bazterketak ez dio euskarari laguntzen", esan du.
Bestalde, Mikel Zabaleta EH Bilduren parlamentariak Korrikak euskarari egiten dion ekarpena nabarmendu du, eta uste du ekimenaren inguruan "polemika" sortzearen atzean "errealitatea nahasteko" borondatea baino ez dagoela. "Milaka pertsona batzen dituen ekimena desprestigiatzeko asmoa", esan du.
Azkenik, Geroa Baiko Pablo Azconak Korrikaren lana defendatu du, baina, haren iritziz, presoen argazkiak erakusteak "ez du laguntzen". Gogoetarako deia egin du, ekimena "kriminalizatu gabe".
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.