EPPK-k dio irtenbideak kolektiboa izan behar duela edo ez dela izango
Euskal Preso Politikoen Kolektiboak elkarrizketarako deia egin die Espainiako eta Frantziako estatuei eta irtenbide kolektiborik ezean ez dela irtenbiderik izango ohartarazi dute.
Gara eta Berria egunkarietan EPPKren ordezkari berriei (Mikel Albisu, Jon Olarra, Marixol Iparragirre, Anabel Egues, Xabier Alegria, Lorentxo Simon) egindako elkarrizketetan azaldu dutenez, estatuek jarrera aldatu behar dute eta presoen "eskubideak errespetatzeak aldaketa nabarmena" ekarriko lukeela azpimarratu dute.
Egungo "espetxe politikak estrategia zapaltzaile bati erantzuten" diola eta, hori indargabetzea eskatzen diete Espainiako eta Frantziako gobernuei. Horrek, "aldaketa nabarmena" ekarriko lukeela uste dute.
Bide horretan, Auzitegi Konstituzionalak 'Parot dotrina'ren inguruan eman berri duen epaia "abiatutako prozesuaren kontrako urratsa" dela irizten diote.
Presoen auziaren irtenbideak kolektiboa izan beharko duela ere azpimarratzen dute elkarrizketan, bestela ez dela irtenbiderik izango diote. Hala, ETAren eta "estatuen arteko esparru negoziatzailean" kokatzen dute euren burua.
2006tik bi estatuetako agintariekin ez dutela harreman zuzenik izan eta berriz ere hizketarako deia egiten diete, haien eskubideak errespetatu eta gauzatzea jorratzeko.
Kolektiboaren barnean hasitako eztabaidari dagokionez, garrantzitsua ari dela izaten eta ondorio politikoak udaberrian ezagutaraziko dituztela diote.
Bestalde, konponbide demokratikoaren noranzkoan, Gernikako Akordioa erreferente politiko nagusia dela, eta "gatazka gainditu osteko zoruan lehen zutoinak non ezarri erakusten" duela nabarmendu dute.
Gobernuaren erantzuna
Jorge Fernandez Diaz Barne ministroak presoen proposamena errefusatu du, eta soilik ETA desegiten bada "dispertsio politika berriro aztertzera" prest egongo litzatekeela esan du.
"Ez dugu negoziatu, ez dugu ETArekin negoziatuko, eta ez dugu ezer negoziatzeko", esan du.
Dispertsioa
Fernandez Diazek gogoratu duenez, banan-banako neurriak lortu nahi dituzten ETAko presoen eta horien senideen "etsairik handiena" ETA bera eta ezker abertzalea da; izan ere, "ETA desegingo balitz, dispertsio politika berriro aztertu ahal izango litzateke".
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.