Alderdien iritziak presoen gizarteratze planaren inguruan
PPk presoak gizarteratzeko Gobernuak abian jarri duen egitasmoa egokia dela aldarrikatu du, PSE-EEk eta EAJk begi onez jo dute eta Bilduk ez du aurrerapausorik ikusten.
Josu Erkoreka EAJren Kongresuko bozeramaileak esan du babesa emango diotela presoak gizarteratzeko egitasmoari, baina Gobernuaren "lehenengo pausoa" izatea eta etorkizunean neurri gehiago hartzea espero du.
Erkorekak gogora ekarri duenez, EAJk kartzela-politika malgua eskatu izan dio Gobernuari. Hori dela eta, Barne Ministerioak iragarritako neurria gustura hartu du, izan ere, "azkenean mugimenduak egitea erabaki du blokeatuta zegoen egoera baten aurrean".
Martin Garitano (Bildu) Gipuzkoako ahaldun nagusiak, berriz, ez du aurrerapausorik ikusten egitasmo horretan eta euskal "preso politiko guztiak berehala aberriratzea" exijitu du.
Gernikan hedabideen aurrean azaldu duenez, Gobernuaren neurri horiek ez dira "aurrerapauso nabarmena" kartzela-politikan.
Haren esanetan, "gizarte normalizatu batek ezin ditu 700 preso politiko eduki" eta PPren Gobernua "inmobilismoan" dagoela salatu du.
Jose Antonio Pastor PSE-EEko bozeramaileak oniritzia eman dio planari eta, "bigarren urrats batean", presoak hurbiltzea espero duela gaineratu du.
"Pauso bat da norabide onean, eta zerikusi handia dauka Kongresuan [ETAren azkena kudeatzeko] ia aho batez onartutako proposamenarekin", esan du.
Planaren prestaketan Jesus Loza Eusko Jaurlaritzaren bizidekitzarako ordezkariak parte hartu duen galdetuta, buruzagi sozialistak baieztatu du zerikusia izan duela, "hartu-eman zuhurrak izan baititu Barne Ministerioarekin eta Espetxe Zuzendaritzarekin tankera horretako neurri legalak ezartzeko".
Leopoldo Barreda PPko diputatuaren esanetan, plana "ETAk nahi duenaren aurkakoa" da.
Barredak nabarmendu du Gobernuaren planak banakako birgizarteratze neurriak dituela oinarri, betiere "epaileen kontrolarekin eta espetxe legediaren arabera". Horren ildotik, Barredak azaldu du ETAk "preso guztientzako erabaki globalak" nahi dituela.
Aralarren hitzetan, plan horrek "ez dio oinarrizko arazoari erantzuna ematen, eta beraz, ez da eraginkorra izango". Presoek ez diote indarkeriari uko egin behar; izan ere, ETAk indarkeria behin betiko utziko zuela iragarri zuen, Aralarren esanetan.
Nafarroan, Carlos Garcia Adanero UPNko bozeramaileak esan du planaren zehetasunak ezagutu nahi dituela, eta salatu du ETAk ez duela "behin betiko pausoa" eman, hau da, "desegitea eta armak uztea".
Paul Rios Lokarriko koordinatzaile nagusiak neurriak azaltzea eskatu dio gobernuari, "preso guztiek planarekin bat egin ahal izateko zer egin behar duten jakin dezaten".
Zure interesekoa izan daiteke
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.