Baionako Polizia-etxera eraman dute ETAko ustezko buru militarra
Igandean Frantzian atxilotutako ETAko ustezko bi kideak Baionako polizia-etxera eraman dituzte, terrorismoaren aurkako borrokaren iturriek azaldu dutenez.
Oroitz Gurrutxaga ETAko ustezko buru militarra eta Xabier Aranburu haren ustezko laguntzailea 15:30ean atzeman zituzten, Caunan (Landak).
Biak auto lapurtu batean zihoazen, aipatu herriko kaleetatik, eta pistola bat eta errebolber bat zeramatzaten.
Atxiloketen ostean, Poliziak Baionako komisariara eraman ditu.
Espainiako Barne Ministerioak azaldu duenez, Gurrutxaga eta Aranburu ETArentzat kide berriak bilatzen ari ziren.
Baionako Polizia-etxearen kanpoaldean, Gurrutxagaren hamar bat lagun eta senide elkartu dira.
Hoietako batzuk jendarmeengana hurbildu dira, eta atxilotutakoei arropa eman diezaieketen galdetu diete. Agenteek goizeko lehen ordutan itzultzeko erantzun dute.
Bi urtez arlo militarraren buru
Barne Ministerioak uste du Oroitz Gurrutxaga Gogorza ETAren arlo militarreko buru izan dela 2010etik, egitura militarreko aurreko arduradunak atxilotu ondorenetik.
Barne Ministerioak agiri batean jakitera eman duenez, Gurrutxagak ETAko kide berriak lortzeko lana zuen bere gain eta Xabier Aranburu Sagarminaga bere ustezko laguntzailea zen zeregin horretan.
Gurrutxagak eta Aranburuk Landetan ETAko kide berriekin hitzorduak zituztela susmatzen du Espainiako Gobernuak.
ETAren kontrako borrokari eutsiko diote
Jorge Fernandez Diaz Barne ministroak, bere aldetik, ETAren kontrako borrokari "eutsi" egingo diotela azpimarratu du, hala jokatuko dutela "ETA baldintzarik gabe desegiten den arte".
Fernandez Diazek gogora ekarri duenez, ETA ez da desegin eta "armak soinean eta dokumentuak faltsutzen dabiltzan" kideak ditu.
"ETA desegin egingo da, modu onean edo txarrean", gaineratu du.
Zure interesekoa izan daiteke
Javier De Andres: "Euskararen exijentzia mailak euskal gizarteak benetan eskain ditzakeenen gainetik daude"
Euskadiko PPko presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Bere ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik daudela".
Sanchezek Aznarren aurka egin du Espainia Irakeko gerran sartzeagatik eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.