EPPKren adierazpena 'historikoa' izango dela esan du Permachek
EPPK Euskal Preso Politikoen Kolektiboak larunbatean Gernikan egingo duen adierazpena 'historikoa' izango dela esan du Joseba Permach ezker abertzaleko ordezkariak.
Halaber, ETAk jarduera armatua behin betiko amaitzea iragarri zuenetik eta Aieteko Adierazpena egin zenetik hilabeteak igaro direnean, Estatuak egoerari ''erantzunik'' ez ematea ''eskandaluzkoa'' dela uste du Permachek.
Info7 Irratian egindako elkarrizketa batean, ezker abertzaleko ordezkariak esan du adierazpen ''oso garrantzitsu baten atarian'' gaudela, ''beharbada historikoa''; eta adierazpen horrek politika mundua astinduko duela aurreratu du Permachek. ''Jarrera immobilistekin jarraitzeko asmoa dutenei are traba handiagoa egiteko momentu honetan behar dena da'', gaineratu du.
Aste honetan bertan Frantziako eta Espainiako Barne ministroek egindako adierazpenak kritikatu ditu Permachek, eta ''bake prozesuaren kontra agertutako jarrera'' salatu du. "Ematen du bi ministroak direla Euskal Herrian ireki den garai berriaz jabetu ez diren bakarrak'', esan du. ''Benetan eskandaluzkoa da hilabeteak igaro eta Espainiako Estatuak oraindik erantzunik eman ez izana. Jarrera hori Estatuak duen beldurraren adierazgarri da, eta euskal gizartean haserrea eragin behar du'', gaineratu du.
Horren hitzetan, ''Estatuak beldur dio herri honetan garapenerako ireki den aro berriari''. Permachen ustez, ''Sortu legeztatzeko prozesua atzeratzea Euskal Herrira iritsiko den aro berria atzeratzeko aitzakia baino ez da, Euskal Herrian gero eta aukera gehiago baitaude independentismoa hazteko'', esan du.
Sorturen etorkizuna, legeztatzen baldin badute
Permachen esanetan, ezker abertzalearen barnean ez da Sorturen inguruko eztabaida irekiko berau legalizatu arte. ''Ezker abertzalea ia etengabeko eztabaidan murgilduta dago'', esan ondoren, ''behin Sortu legeztatuta'', denbora beharko dute horren inguruko eztabaida egiteko, horren arabera.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.