Gobernuak gaur erabakiko du Uribetxebarriari 3. gradua eman ala ez
Jorge Fernandez Diaz Barne ministroak aurreratu du Espetxe Zuzendaritzak gaur arratsaldean erabakiko duela Josu Uribetxebarria ETAko presoari hirugarren gradua ezartzen dion. Presoak minbizi sendaezina dauka, eta gose-greban dago, aske uztea eskatzeko.
Hirugarren gradua ezartzea, hain justu, baldintzapeko askatasuna emateko lehen urratsa da.
TVEnegindako elkarrizketan, ministroak salatu egin du ezker abertzaleak ezduela "inolako errukirik" agertu Jose Antonio Ortega Lararen aurrean(Uribetxebarria bahitzaileetako bat izan zen).
Fernandez Diazekzehaztu duenez, Espetxe Zuzendaritzaren Tratamendu Batzordeak bihargoizean aztertuko du hirugarren gradua eman edo ez, eta arratsaldeanIdazkaritza Nagusiak erabakia hartuko du.
Espetxe Zuzendaritzakhirugarren gradua ezartzea erabakitzen badu, helburua baldintzapekoaskatasuna ematea izango dela gaineratu du Barne ministroak.
Azken hitza, baina, Espetxeratuen Zaintzako Epaitegi Zentralak izango du, eta horrek astelehenean jasoko du txostena.
EH Bildu, gaixorik dauden beste 13 presoren askatasunaren alde
EH Bilduk esan du Josu Uribetxebarria libre geratzen denean, gaixotasun larria duten beste 13 presoren askatasuna aldarrikatuko duela.
Maribi Ugarteburuk eta Oskar Matutek gogorarazi dutenez, oraindik 13 preso daude larri gaixotuta kartzeletan.
Azaldu dutenez, Uribetxebarria "Arrasatera, etxera, iristen denean arnasa hartuko dugu sakon" eta, "indarrak berriro bildu eta gero" larri gaixorik dauden beste 13 presoak "berehala askatzea eskatuko dugu".
EH Bilduren bozeramaileek PPren Gobernuari leporatu diote Uribetxebarriaren "egoera larriaren" ardura, eta "pertsona baten bizitzarekin jolastea" egotzi diote.
8 atxilotu Donostian
Zortzi pertsona atxilotu dituzte gaur goizean Donostian desordena publikoak leporatuta, Uribetxebarriaren askatasuna aldarrikatzeko PPk Amaran duen egoitzaren parean katez lotu direlako.
Herrizaingo Sailak jakitera eman duenez, 11:10 aldera gertatu dira atxiloketak. 30 pertsona inguruk kontzentrazioa egin dute, agintariei "jakinarazi gabe", eta PPren egoitzaren parean katez lotu dira.
Gainera, atxilotuetako bat auzipetu egin dute kontzentrazioa egingo zela agintariei ez jakinarazteagatik, aipatu iturriek zehaztu dutenez.
Ertzaintzak berehala desegin du kontzentrazioa eta lotuta zeudenak askatu ditu, izan ere, protestariek ez dute erresistentziarik jarri.
Urtebetean hiltzeko % 90eko probabilitatea
Josu Uribetxebarria ETAko presoaren egoeraren inguruko medikuen txostenaren arabera, "dagoen egoeran, gaixoen erdiak baino gehiago bederatzi hilabete pasatu baino gehiago hil ohi dira, eta urtebetera bizirik egoteko aukera % 10ekoa da".
"Gaixoaren pronostikoa oso larria da. Zientziako literatura erabiliz gero, prozesuak ez du atzera bueltarik ", dio ostegun honetan Osakidetzako Batzordeak egindako dokumentuak.
Modu honetan, presoak kartzelatik irteteko Espetxeak ezarritako baldintza betetzen du, 2000 urtean medikuen txosten bat bidaltzeko irizpideak jartzen diren gutun baten arabera. Horrek dioenez, preso bat kartzelatik kanpo utziko dute, tratamendua jaso arren, hiltzeko arriskua urtebetean % 10 baino handiagoa bada eta bost urtean % 50 baino handiagoa bada.
Gutun hori Angel Yuste Espetxeetako zuzendari nagusiak idatzi zuen 2000ko urtarrilaren 11n.
Ministroaren hitzak heldu baino lehenago, Santiago Pedraz Auzitegi Nazionaleko epaileak Josu Uribetxebarria ETAko presoari hirugarren gradua ezartzea aztertzea eskatu dio Espetxe Zuzendaritzari.
Uribetxebarriaren abokatuak aurkeztutako idatziei erantzunda gaur publikatutako probidentzia batean, epaileak Espetxe Araudiko 104.4. artikulua ezartzeko eskatu du, betiere baldintza guztiak betetzen badira.
Artikulu horrek "kasu bereziak" aipatzen ditu, eta gaixotasun larri sendaezinak dituzten presoei hirugarren gradua ezartzea ahalbidetzen du, "arrazoi humanitarioak eta duintasunezkoak" tarteko.
Halaber, epaileak "txosten mediko gaurkotuak" igortzeko eskatu dio Espetxe Zuzendaritzari, Auzitegi Nazionaleko Klinikak txosten bat egin ahal izateko.
Pedraz goardiako epailea da aste honetan, eta Jose Luis Castro Espetxeratuen Zaintzako epailea ordezkatzen ari da.
Uribetxebarriak lasaitasuna eskatu du
Josu Uribetxebarriak lasaitasuna eskatu du, bere abokatuak Gara egunkariari eta naiz.info-ri bidalitako ohar batean.
"Eskaera argi bat egin nahi diot mundu osoari: mesedez, ni hemendik irten ala ez, zorakeriarik ez egin. Inon", azaldu du.
Uribetxebarriaren anaiak lehenbailehen aske geratzea eskatu du
Javier Uribetxebarria, ETAko presoaren anaiak, bere anaia lehenbailehen aske uztea eskatu du ostegun honetan Bilbon. Halaber, presoak ez duela gose-greba bertan behera utziko nabarmendu du, aske geratu arte.
"Ostiralean bada, astelehenean baino hobeto", azpimarratu du aske geratu daitekeen egunaren inguruan, Etxerat-en (ETAko presoen senideen elkartean) bileran parte hartu baino lehen Mikel Arana Ezker Anitzaren koordinatzaile nagusiarekin.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.