ANko medikuek gaur amaituko dute Uribetxebarriari buruzko txostena
Auzitegi Nazionaleko medikuek Josu Uribetxebarria ETAko presoaren (atzo utzi zuen duela 15 egun hasitako gose greba) osasun egoerari buruzko txostena amaituko dute gaur, Donostiako Ospitaleko medikuek sinatutako agiria jaso ondoren.
Epaitegietako iturriek jakitera eman dutenez, Jose Luis Castro Kartzela Zaintzako epaile nagusia testu horretan oinarrituko da presoari (aurreko ostiralean hirugarren gradua eman zioten giza arrazoiengatik) baldintzapeko askatasuna eman ala ez erabakitzeko.
Aurreko ostiralean iritsi zen Auzitegi Nazionalera Donostiako Ospitaleak egindako lehenengo mediku-txostena, eta bertan, Uribetxebarriaren gaixotasuna "atzeraezina" zela agertzen zen.
Hala ere, Fiskaltza kexu agertu zen, txostena ez zutelako "pertsona zehatzek" sinatu, mediku batzorde batek baizik, eta dokumentuan ez zelako gaixoaren historiala agertzen.
Orain, Auzitegi Nazionaleko medikuek Donostiako Ospitalearen txostena aztertu dute eta haiena egin dute, Santiago Pedraz epaileak aginduta.
Hamar bat egun
Ziurrenik gaur bertan helaraziko diote azken txostena Kartzela Zaintzako epaileari, eta horrek Fiskaltzari emango dio. Ministerio Publikoak presoa askatzearen inguruko iritzia emango dio epaileari, eta horrek 10 bat eguneko epea izango du azken erabakia hartzeko.
Herrirak Uribetxebarriaren erabakia goraipatu du
ETAko presoen aldeko Herrira kolektiboaren ustez, Uribetxebarria presoak gose greba uzteko hartu duen erabakia "guztiz errespetagarria , arduratsua eta duina" da.
Beñat Zarrabeitia eta Nagore Garcia bozeramaileek azaldu dute, Uribetxebarriaren askatasuna aldarrikatzeko, dagoeneko, 30 direla gose greban dauden Herrirako kideak. Horien ustez, presoaren egoera "euskal gizartearentzat tragedia bat da eta berehalako konponbidea behar du, pertsona baten, herritar baten bizia arriskuan dagoelako".
Eusko Jaurlaritzak euskadiko osasun zerbitzua "erabiltzea" leporatu die
Rafael Bengoa osasun sailburuak Uribetxebarriaren kasuan ezker abertzaleak "osasun zerbitzua erabiltzea" kritikatu du, eta ohartarazi du "gose grebek politikoki ez dutela ezertarako balio".
Sailburuaren ustez, etakidea "oso larri dago", eta Donostiako Ospitalean Uribetxebarria artazen duten medikuek gose grebarik ez egiteko konbentzitu nahi izan zuten.
EH Bildu protestetara bildu da
EH Bildu, azken egunotan egiten ari dituzten etakidearen aldeko mobilizazioetara batu da, eta bereziki Bilboko martxan parte hartzeko deia zabaldu du. Izan ere, "gizarte osoaren konpromisoari esker kartzela política horri aurre egingo zaio", EH Bilduren ustez.
Komunikatu batean azpimarratu du "mendekuan oinarritutako espetxe politika horrek muturreko egoerak" ekarri dituela.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.