'Uribetxebarriari 3. gradua ez ematea prebarikatzea izango litzateke'
Jorge Fernandez Diaz Barme ministroak esan duenez, "oso gogorra" izan zen Josu Uribetxebarria gaixorik dagoen ETAko presoari 3. gradua ematea, eta biktimen kritikak ulertzen dituela gaineratu du. "Legearen aginpidearen" ondorioz hartutako erabakia izan zen, eta kontrakoa prebarikatzea izango litzateke, nabarmendu du.
Fernandez Diazek azaldu duenez, Espetxeetako Zuzendaritzaren erabakia, minbizia duen ETAko presoari 3. Gradua ematenarena, "Zuzenbide Estatuaren handitasunean" oinarrituta dago.
"Ezinegona sortzen dion lehenengo pertsona ni neu naiz", azpimarratu du ministroak "legearekin ados ez egotea zilegi" dela gaineratuz. Baina bere departamentuak legea bete egin behar duela esan du, hala izan ezean Zuzenbide Estatua urratzen duelako".
"Eta gustatzen ez bazaigu, legea aldatu dadila", gaineratu du. Uribetxebarriari 3. gradua ematea "oso gogorra" izan arren, ministroak legea bete dela azaldu du. Erabaki hau hartu behar izanak mina emanda ere, hartu izan ez bagenu prebarikatu egingo genuke".
Uribetxebarriak erradioterapia tratamendua hasi du
Josu Uribetxebarria gaixo dagoen ETAko presoak erradioterapia saioak jasotzen hasi da, zerebeloan eta buruko beste zenbait puntutan duen metastasia tratatzeko, Etxerat ETAko presoen senideen elkarteak jakitera eman duenez.
Bederatzi pertsona Iruñeko katedralean, Uribetxebarria aske uztea eskatzeko
Bederatzi pertsona Iruñeko katedralean giltzapetu dira ostegun honetan, 19:00etan, Josu Uribetxebarria eta gaixotasun larriak dituzten beste presoak aske uztea eskatzeko.
Euren asmoa 14 ordu katedralaren barruan egotea da, "ordubete gaixo dagoen preso bakoitzagatik", beraz, ostiralean, 09:00etan, utziko dute lekua.
ETAren zazpi biktimak gose-greba egingo dute, Uribetxebarria aske geratuz gero
ETAren zazpi biktimak esan dutenez, Auzitegi Nazionalak azkenean Josu Uribetxebarria gaixo dagoen ETAko presoa aske uzten badu, gose-greba hasiko dute, Barne Ministerioaren egoitzaren aurrean.
Debekatu egin dute Uribetxebarriaren aldeko biharko manifestazioa
Josu Uribetxebarria Bolinagaren eta ETAko presoen alde Herrira plataformak biharko Bilbon deitu duen manifestazioa debekatu egin du Ismael Moreno Auzitegi Nazionaleko epaileak, iturri judizialek jakitera eman dutenez. Haren ustez, terrorismoa goretsi dezake martxak.
Hala, AVT eta Dignidad y Justicia elkarteek egindako eskaera onartu du epaileak. Bi elkarteon ustez, ''biktimen memoriari irain argia'' zen ekitaldia.
Zure interesekoa izan daiteke
PPk 26 eserleku lortu ditu Aragoin, PSOEk 18 eta Voxek 14, botoen % 91 zenbatuta
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da. PPk Vox beharko du gobernatzeko.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.