Gaixorik dauden 14 preso askatzearen aldeko ibilaldi bat antolatu dute
Euskal gizarteko arlo ezberdinetako hamalau pertsona ospetsuk Josu Uribetxebarria presoaren eta beste hamahiru preso gaixoren berehalako askatasunaren aldeko lau eguneko ibilaldi bat antolatu dute. Lau egunetan zehar Donostiako Ospitaletik Uribetxebarriaren jaioterria den Arrasatera arteko distantzia osatuko dute.
Andoni Egaña bertsolaria, Martxelo Otamendi kazetaria, Ramon Labayen Donostiako alkate ohia eta Nekane Altzelai EAko parlamentari ohia dira ibilaldiari babesa eman dioten pertsonetako batzuk. Asteazkenean ekingo diote ibilbideari Donostiako Ospitaletik, eta larunbatean Arrasatera heltzea dute helburu.
Txaro Arteaga Emakundeko zuzendari ohia eta Naroa Iturri kazetaria izan dira gaur Donostian eginiko prentsaurrekoan ekimena azaltzeko arduradunak. Herritar guztiei zabaldutako iniziatiba goizeko hamaiketan hasi eta arratsaldeko zazpiak arte iraungo duten lau etapatan banatuko da, eta gaixotasun larriak dituzten ETAko hamalau presoren askatasuna eskatzeko erabiliko dute.
"Gaur egungo kartzela-politika oztopo bat da garai berri baten eraikuntzan", dio testuak.
Donostiatik Arrasatera arte
Zentzu horretan, Josu Uribetxebarriaren kasua "atzerapaus bat" dela uste dute, gaixorik dauden hamalau presoak askatzea "derrigorrezkoa" dela ikusten duten bitartean. Horren harira, "normalizazioan eta bakegintzan aurrerapausoak egiteko kartzela-politika aldatzea beharrezkotzat" jo dute.
Ibilaldia lau etapatan banatuko da: Donostiako Ospitalea-Zarautz; Zarautz-Deba; Deba-Soraluze eta Soraluze-Arrasate.
Zure interesekoa izan daiteke
PPk irabaziko lituzke hauteskundeak Aragoin, baina akordioak beharko lituzke gobernatzeko
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.