'Biziarteko kartzela' eta segurtasun zaintza, Zigor Kode berrian
Ministro Kontseiluak Zigor Kodearen erreformaren lege-aurreproiektua onartu du ostegun honetan. Erreforma legearen aurreproiektuak biziarteko kartzela-zigor berrikuspenduna eta segurtasun zaintza bilduko ditu, besteak beste. Segurtasunezko zaintza delitu oso larrien kasuan aplikatuko da, eta gaizkilea zaintzapean jarriko du kartzela-zigorra bete ondoren. Alberto Ruiz-Gallardon Espainiako Justizia ministroak eman du aldaketa horien berri, Ministro Kontseiluaren osteko prentsaurrekoan, eta urtebeteko epean erreforma onartuta eta indarrean egotea espero duela gaineratu du.
Zigor Kode berrian, bi figura berri agertzen dira: biziarteko kartzela berrikuspenduna eta segurtasun zaintza.
Lehenengo kasua biziarteko kartzelaren modukoa da, baina desberdintasun batekin: presoak gizarteratuta dagoela frogatzen badu, askatasuna lor dezake. Dena dela, presoak 25 eta 35 urte bitartean egon beharko du kartzelan, gutxienez. Hilketa terrorista, magnizidio, genozidio eta bestelako hilketa kasu batzuetan aplikatuko da.
Zigor Kodeko beste berrikuntzetako bat segurtasun zaintzarena da. Segurtasun neurri gisara aurkeztu du Gobernuak, eta, horren arabera, presoa beste 10 urtez kartzelan eduki dezake, zigorra bete ondoren, arriskutsua dela uste badu epaileak. Neurri hori hilketa, homizidio, bahiketa, sexu-eraso edo terrorismo kasuetan aplikatuko da.
Emakumeen kontrako indarkeria
Emakumeen kontrako indarkeriarekin lotutako hainbat berrikuntza ere jasotzen ditu lege-aurreproiektuak. Horidela eta, behartutako ezkontza eta emakumearen kontrako beste jarrera batzuk zigortu egingo dira.
Hiru urte arteko kartzela-zigorra jasoko dute emakume bat ezkontzera behartzen dutenek, eta sei hilabete eta urtebete arteko zigorra jasoko dute baimenik gabe pertsona baten irudiak zabaltzen dituztenek.
Gainera, jazarpen jarrerak ere tipifikatuko dira, eta bi urte arteko zigorrak aurreikusten dira, emakumea kontrolatzeko edo jazartzeko jarduerak egiten dituztenentzat.
Finantza eskandaluak eta kudeaketa txarra zigortu egingo dira
Zigor Kode berriak administrazio desleialen delituak zabalduko ditu finantza eskandaluen eta enpresen kudeaketa txarraren arduradunak jarraitzeko, baita enpresak porrot egitea eragiten dutenei ere edota hartzekodunen lehiaketan sartzen direnei.
Aurreproiektuko legearen testuan irakur daitekeenez, administrazio desleialaren delituak abusuaren bitartez egindako kudeaketa desleiala egiten duena zigortuko du, “arrisku egoera sortzen duena”.
Beste erreformak
Zigor Kode berriak gorrotoa bultzatzea zigortuko du, horren eragilea arrazoia arraza, erlijioa edo jatorria dela ere. Halaber, gizateriaren kontrako hilketak ukatzea zigortuko du erreformak, batik bat Holokaustoaren kasuan, eta biolentzia erabiltzea bultzatzen badu.
Zure interesekoa izan daiteke
Aragoiko parte-hartzea ia % 11koa da 11:00etan
Jarduneko gobernu autonomikoak emandako lehen parte hartze datuaren arabera, 107 040 aragoiarrek bozkatu dute lehen bi orduotan. Hautagai gehienek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.