EPPK-k 'agente politiko' bilakatzea du helburu
EPPK Euskal Preso Politikoen Kolektiboak azken hilabeteetan alderdi politikoekin (PPrekin eta UPyDrekin izan ezik) izandako bileren balantzea egin du eta ordezkari politikoek espetxeetan dauden presoen ordezkariei bisita egiteko desioa azaldu dute.
EPPKaren 17 ordezkarik bileren berri eman dute Bilbon galderarik egon ez den prentsaurreko batean, eta Garan gaur argitaratutako komunikatua berretsi dute.
Azken hilabeteetan, dagoeneko aske dauden kolektiboko ordezkariak besteak beste EAJrekin, PSE-EErekin, Bildurekin, Aralarrekin, EArekin, ELArekin eta CCOOekin bildu dira. Datozen egunetan, UGTko ordezkariekin bilduko dira eta PPren eta UPyDren erantzunik jaso ez dutela nabarmendu dute.
Euskal Preso Politikoen Kolektiboaren helburua "agente politiko" bilakatzea eta bilerak iraunkorrak bihurtzea dela azaldu dute.
Halaber, alderdi eta sindikatuetako bozeramaileek espetxean dauden presoen ordezkariak bisitatzea nahi dute "gure bitartekaritza beharrezkoa izan ez dadin", adierazi dute.
Sakabanaketarekin amaitzeko unea da
Kolektiboaren ustez, sakabanaketarekin amaitzeko eta "pauso erabakigarriak" emateko unea da. "Jokoan dagoena ez da geure egoera, prozesuaren bideragarritasuna baizik", nabarmendu dute.
Euskal Presoen Kolektiboak Gara egunkarian argitaratu du oharra eta "sakabanaketa amaitzearen" lehentasuna azpimarratu dute. "Denak Euskal Herrian biltzeak baldintza berriak" sortuko dituela eta "alde guztientzako aukera berriak" emango dituela gaineratu dute.
"Orain gaude euskal herritarrekin eta agente sozial, politiko eta erakundeekin pauso erabakigarriak emateko garaian", azaldu dute.
"Jokoan dagoena ez da geure egoera hobetzea, prozesuaren bideragarritasuna da jokoan dagoena, arerioak etengabe eta era arduragabean hondoratu nahi du, eta hori ezin dugu onartu", esan dute.
Adierazpenak 2012ko balantzea ere egin du, EPPKren ekimenei, prozesuari eta Espainiako eta Frantziako Gobernuen jarrerei dagokienez.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.