Gogeaskoetxeak ETAko kide izatea ukatu du
Auzitegi Nazionalean Eneko Gogeaskoetxea Arronategi ETAko ustezko kidearen aurkako epaiketa hasi da. Bilboko Guggenheim museo ondoan ertzain bat hiltzea eta 1997an Barajaseko aireportuaren aurka granadak jaurtitzea egozten diote.
Gogeaskoetxeak ETAko kide izatea ukatu du eta ez die fiskalaren galderei erantzun nahi izan. Fiskaltzak 15 urteko espetxe zigorra eskatzen du terrorismo delituagatik.
Jone Goirizelaia abokatuaren galderei soilik erantzun die eta "ez naiz ETAren parte izan"; berretsi du.
Ibon Gogeaskoetxea ETAko ustezko buruzagi militarraren anaia da. 1997ko urtarrilaren 5ean Madrilera joatea ukatu du. Egun horretan Barajas aireportu ingurutik bost granada jaurti ziren eta horietako batek kamioi baten aurka egin zuen eztanda.
Londresen atxilotu zuten Gogeaskoetxea 2011ko uztailaren 7an. Britainia Handian "bizitza normala" egiten zuela azaldu du, emaztearekin eta seme-alabekin batera.
Barajaseko atentatua ETAk hartu zuen bere gain eta 2000. urtean
Kepa Arronategi (Gogeaskoetxearen lehengusua) kondenatu zuten. Gaur, lekuko gisa deklaratu du eta bertan parte hartzea "mehatxupean" leporatu ziola kontatu du, agenteek "emaztea espetxean sartuko zutela" esan ziotelako eta "bere gainetik zeuden beste batzuk lagundu nahi zituelako".
"Taldeko beste kide batzuk salbatu behar nituen", esan du eta "nire familiaren eta beste ezeren gainetik, ETAko kide naiz", esan du Arronategik epaiketan.
Barajaseko atentatuan parte hartu izana ukatu du azken honek ere, eta ezarritako kondenaren inguruan "asmatu zutelako jan nuena dena", esan du.
Epaiketan deklaratu duen ertzainetako batek esan duenez, 1997ko urriaren 16an, Arronategi atxilotu eta egun batzuetara, atentatua Gogeaskoetxeak antolatu zuela esan ziela kontatu du eta helburua bertan zeuden hegazkinei eraso egitea zela.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.