Bizkaiko futbol epaileek planto egin dute, erasoen ostean: ez dira Basaurin, Portugaleten eta Karabiganen ariko
Arbitroen Batzordeak erabaki du ez duela hiru klub horien zelaietara epailerik bidaliko, zenbait epaileren aurkako (batzuk, adingabeak) irainen, mehatxuen eta erasoen ostean jarrera aldatu dutela ikusi arte.
Bizkaiko Arbitroen Batzordeak iragarri du ez duela epailerik bidaliko Basauri, Portugalete eta Karabiganeko (Berango) zelaietara, azken asteetako gertakari larrien ondoren. Bi kasutan epaileak adingabeak ziren, batzordearen presidente Jon Agirrek azaldu duenez.
Basaurin, 16 urteko epaile bat iraindu, jazarri eta hiltzeko mehatxua egin zioten Soloarteko zelaian. Karabiganen, Berangon, beste arbitro adingabe bati eraso egin zioten, benjamin mailako partida batean. Gainera, duela astebete, Portugaleten, jubenilen ligako partida batean eraso fisikoa jasan zuen epaile batek.
Neurria indarrean egongo da inplikatutako klubek jarrera aldatu dutela frogatu arte; izan ere, batzordeak ohartarazi duenez, inork ez du damurik erakutsi. Arbitraje-elkargoak erasotako epaileen eskura jarriko du beharrezko laguntza psikologikoa, bereziki 16 urteko adingabeari, shock egoeran jarraitzen baitu.
Gainera, batzordeak kirol-batzordearen eta adingabeen defendatzailearen esku utzi du beste diziplina-neurriak hartzeko aukera, baita auzibidera jotzekoa ere.
Zure interesekoa izan daiteke
Ekainaren 28ko martxa jendetsuak Gasteizen, Donostian eta Iruñean
Milaka pertsonak parte hartu dute igande goizean Gasteizen, Donostian eta Iruñean LGTBIQ+ kolektiboaren eskubideak aldarrikatzeko manifestazioetan. Benetako berdintasuna eskatu dute, eta gorroto diskurtsoen gorakada salatu dute. Halaber, aniztasunaren arloan lortutako aurrerapenek mehatxatzen dituzten atzerapausoen aurrean ohartarazi dute.
Tristura eta ezintasuna nagusi, Euskal Herriko venezuelar komunitatean
Euskal Herriko venezuelarren komunitatea triste dago Venezuelan izan diren lurrikarek eragindako hodamendiaren aurrean. Hainbat bilketa gune ireki dituzte laguntza bildu eta hara bidaltzeko. Bien bitartean, venezuelarrek pena handiz segitzen dute hango berriak jasotzen, ezintasun sentsazioarekin, euren lurraldetik urrun.
Ezkabarteko sutea egonkortu dute, baina puntu batzuk gori-gori daude oraindik
Dagoeneko ez dago fronte aktiborik, baina egun batzuk gehiago emango dituzte lanean, oraindik gori dauden puntuak erabat itzaltzeko.
Ezkabarteko sutea itzaltzeko lanean jarraitzen dute, euriak zertxobait lagunduta
Hirugarren gauez jarraian, lurreko brigadako ehun kide lanean aritu dira. Zeregin nagusia sutearen perimetroa zaintzea eta garrak berriro ez zabaltzea izan da. Haizea eta iristeko zailak diren guneetako fokuak asko zailtzen ari dira sutea kontrolatzeko lanak, Nafarroako Gobernuko larrialdi zerbitzuen arabera.
Hiru gazte ikertzen ari dira Gasteizen, gizon bat Espainiako selekzioko kamiseta eranztera behartu nahi zutelako
Inputatuek larunbat goizaldean eraso zioten biktimari, Aranbizkarra auzoko jai-esparruan.
Bizkaiko Arena, Gorrondatxe, Barinatxe, Arriatera-Atxabiribil eta Muriola hondartzetan marmokak daudela ohartarazi dute
Arriatera-Atxabiribil eta Muriola hondartzetan debekatuta dago bainatzea; gainerakoetan, berriz, bandera horia dago. Ura batez beste 21 graduan dago.
Ekintzaz betetako "Peñen Eguna", Iruñean
Iruñeko peñek euren eguna ospatu dute gaur, jardueraz beteriko kartelarekin: kalderete lehiaketa, pankarten aurkezpena... Emozioz beteriko eguna izan da iruindarrentzat.
Gizon bat atxilotu dute Legution, bikotekideari bortizki eraso egiteagatik
Biktima ospitalera eraman behar izan dute, lesioak artatzeko.
Bortizkeria polizialaren aurkako protesta egin dute ehunka lagunek Santurtzin, Ezkerraldeko eragileek deituta
Santurtziko kale nagusiak zeharkatu dituzte asteazkenean hil zen Anderrentzat justizia eskatzeko. Gertatutakoa argitzeko, ardurak zehazteko eta zigorrak jartzeko eskatu dute, eta bermeak, horrelakorik berriro gerta ez dadin.
Gizon batek emaztea hil du Sevillan
Ustezko hiltzailea ospitalean dago, larri, arma zuri batez bere buruari zauriak egin omen dizkiolako.