Osakidetzak ia 60.000 euroko soldata eskaini die barneko mediku egoiliarrei
Bigarren urtez jarraian Gaztetzeko eta Fidelizatzeko Programa abiatu du Osakidetzak, azken urteko egoiliarrak mantentzeko eta talentua erakartzeko asmoz. Hortaz, lehen edizioan baino 2.500 euro gehiago irabaziko dute erresidentzia amaitu eta Osakidetzan lan egiten duten medikuek.
Bigarren urtez jarraian, Osakidetzak Gaztetzeko eta Fidelizatzeko programa jarri du abian, prestakuntza amaitzen duten barneko mediku egoiliarrak atxikitzeko eta kanpoko talentua erakartzeko asmoz. Aurten ia 60.000 euro ordainduko ditu urtean, iaz baino 2.565 euro gehiago.
Gaztetzeko eta Fidelizatzeko programa Osakidetzan edo beste autonomia erkidego batean prestatu diren edozein espezialitatetako azken urteko egoiliarrei zuzenduta dago, bai Lehen mailako Arretan, bai Ospitaleko Arretan.
Osakidetzak aipaturiko programaren webgunean argitaratu ditu baldintzak.
59.194 euroko oinarrizko soldatari, kasuan kasu, plusak gehitu beharko zaizkio: guardiak, ospitaleko osagarriak (1.835,02 urtean) eta antzinatasuna (832,32 euro urtean lehenengo hilabetetik). Gauzak horrela, lehen urtean 60.000 eurotik gorako soldata jasoko lukete erresidentzia amaitu berri duten medikuek.
Esaterako, ospitalean lan egiten duen eta urtebete baino gehiago daraman pertsona batek 61.800 eurotik gora kobratuko ditu. Halaber, sindikatuak eta Osakidetzak lortutako akordioaren arabera, egoiliar diren lau urteak ere kontuan hartuko dira.
Soldataz gain, 28 opor egun, norberaren kontuetarako 6 egun, lana eta familia kontziliatzeko erraztasunak, aldi baterako ezintasunagatiko ordainsari osoak eta Itzarri BGAErako sarbidea izango dute.
Izen-ematea zabalik dago Gaztetzeko eta Fidelizatzeko programan, prestakuntza uztailean edota irailean amaitzen duten mediku egoiliarrentzat.
Zure interesekoa izan daiteke
Nafarroako Ospitalean jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Jazarpenagatiko salaketa modu anonimoan jarri zen joan den abenduan, Nafarroako Ospitale Unibertsitarioko zerbitzuburu baten aurka, eta ezagun egin zen sare sozial bateko kontuan argitaratu zenean. Bertan, Nafarroako ospitale publiko horretako emakumezko mediku batek salatzen zuen zerbitzuburu horren hizkerak eta jokabideak "emakumeak gutxiesten, umiliatzen eta 'gauza'-tzat jotzen" zituela, eta zuzendaritzari, "jakitun izan arren, ezer ez egitea" leporatzen zion.
Abian da Nelson David Moreno Bolañosen aurkako beste epaiketa bat: 73 urteko gizon bat hiltzea egozten zaio, app baten bidez zita bat izan ondoren
Akusatuari 37 urteko kondena ezarri zaio, beste hiru epaiketatan; gutxienez bost gizonezko homosexualen heriotzarekin lotu dute ikertzaileek, baina zazpi ere izan litezke.
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du beti bizitza errazago bihurtzen, diagnostiko berantiarrak, autoexijentziak, antsietateak eta ingurukoen itxaropen handiek tarteko.
Aranako harrera zentroa urrian zabalduko dute eta 120 pertsonentzako lekua izango du
Espainiako Gobernuak azaldu duenez, plaza kopurua murriztu izanaren arrazoia da —hasiera batean, 350 plaza zeuden aurreikusita— duela hiru urte proiektua pentsatu zenean baino errefuxiatu gutxiago ari direla iristen egun Estatura. Ondorioz, "presioa nabarmen murriztu" da.
Ikertzaileek nabarmendu dute akusatuak "bere borondatez" bi aldiz aitortu zuela Lukas Agirre hil zuela
Halaber, agente batek adierazi du bigarren auzipetuak jakinarazi ziola krimenean erabilitako labana berea zela eta ustezko hiltzaileari berak eman ziola.
Jokabide homofoboa egotzita Iruñean epaitu dituzten lau gazteek ukatu egin dute gertakarietan parte hartu izana
Biktimari elkartasuna adierazteko, Egham Nafarroak elkarretaratzea egin du auzitegiaren atarian eta homofobiari aurre egiteko neurriak eskatu ditu.
100.000 € gorde dira indarkeria matxistaren biktimen seme-alaben laguntzetarako Euskadin
2025ean emakumeen aurkako indarkeria matxistaren ondorioz hildako emakumeen 8 seme-alaba lagundu dira. Laguntza ama hiltzen den unean adingabeak diren seme-alabei zuzenduta dago, eta 21 urte bete arte eska daiteke.
Insaustik airean utzi du 2030eko Munduko Futbol Txapelketarako Donostiaren hautagaitza: “Zer ekarriko duen aztertu egin behar da”
Alkateak “zuhur eta zorrotz” aztertu nahi du ekitaldiak ekonomian, logistikan eta gizartean izango duen eragina; PSE-EEk, berriz, Donostiaren hautagaitza irmoago babestea eskatu du.
Maialen Mazonen hilketagatik akusatutako gizonak uko egin dio epaiketan deklaratzeari
Ondorioen idatzian, akusazioek 45 urteko kartzela eskariari eutsi diote Mazonen ustezko hiltzailearentzat, eta defentsak ere hasierako eskaria mantendu eta absoluzioa galdegin du.