Aranako harrera zentroa urrian zabalduko dute eta 120 pertsonentzako lekua izango du
Espainiako Gobernuak azaldu duenez, plaza kopurua murriztu izanaren arrazoia da —hasiera batean, 350 plaza zeuden aurreikusita— duela hiru urte proiektua pentsatu zenean baino errefuxiatu gutxiago ari direla iristen egun Estatura. Ondorioz, "presioa nabarmen murriztu" da.
Pilar Cancela eta Marisol Garmendia, Aranako zentroko obretara egin duten bisitan. Argazkia: EFE
Gasteizko Arana klinikaren eraikin zaharrean egokitzen ari ziren Nazioarteko Babeserako Harrera Zentroak datorren urrian zabalduko ditu ateak, eta 120 pertsona hartzeko tokia izango du. Hasieran, familia unitateak, seme-alabak dituzten emakumeak, izango dira erabiltzaileak.
Pilar Cancela Espainiako Gobernuko Migrazioen Estatu idazkariak eman du informazioa, zentroaren obretara gaur egin duen bisitan. Bertan azaldu duenez, plaza kopurua murriztu izanaren atzean arrazoi bat dago: proiektua pentsatu eta diseinatu zenean, orain hiru urte, Estatura iristen ziren errefuxiatuen kopurua gaur egungoa baino % 46 handiago zen. "Presioa nabarmen murriztu" denez, premiak ere txikiagoak direla azaldu du.
Espainiako Gobernuak egitasmoa iragarri zuenetik, gaia ika-mika iturri izan da Eusko Jaurlaritzako bazkide diren EAJ eta PSE-EEren artean. Jeltzaleek behin eta berriz eskatu dute proiektua gelditzea, "euskal harrera ereduarekin" bat ez datorrela argudiatuta.
Gaurko bisitan, Cancela EAJko Gasteizko ordezkariekin bildu da, eta "balorazio positiboa" egin du amaieran. Haren hitzetan, bi aldeek "hitz egiten jarraitzeko konpromisoa" berretsi dute.
Halaber, jakinarazi du ez dutela baztertzen aurrerago plaza kopurua handitzea, "beharren arabera" eta "gainerako erakundeekin adostuta”.
Auzotarrek agertutako errezeloen aurrean, Estatu idazkariak azpimarratu du "migrazioa edo asilo-eskatzaileak beldurrarekin lotzea ez dela arrazoibide logikoa".
Aranara joango diren pertsonak Estatuko harrera sisteman daude jada, eta banakako jarraipena egingo zaie.
Zure interesekoa izan daiteke
Ikertzaileek nabarmendu dute akusatuak "bere borondatez" bi aldiz aitortu zuela Lukas Agirre hil zuela
Halaber, agente batek adierazi du bigarren auzipetuak jakinarazi ziola krimenean erabilitako labana berea zela eta ustezko hiltzaileari berak eman ziola.
Jokabide homofoboa egotzita Iruñean epaitu dituzten lau gazteek ukatu egin dute gertakarietan parte hartu izana
Biktimari elkartasuna adierazteko, Egham Nafarroak elkarretaratzea egin du auzitegiaren atarian eta homofobiari aurre egiteko neurriak eskatu ditu.
100.000 € gorde dira indarkeria matxistaren biktimen seme-alaben laguntzetarako Euskadin
2025ean emakumeen aurkako indarkeria matxistaren ondorioz hildako emakumeen 8 seme-alaba lagundu dira. Laguntza ama hiltzen den unean adingabeak diren seme-alabei zuzenduta dago, eta 21 urte bete arte eska daiteke.
Insaustik airean utzi du 2030eko Munduko Futbol Txapelketarako Donostiaren hautagaitza: “Zer ekarriko duen aztertu egin behar da”
Alkateak “zuhur eta zorrotz” aztertu nahi du ekitaldiak ekonomian, logistikan eta gizartean izango duen eragina; PSE-EEk, berriz, Donostiaren hautagaitza irmoago babestea eskatu du.
Maialen Mazonen hilketagatik akusatutako gizonak uko egin dio epaiketan deklaratzeari
Ondorioen idatzian, akusazioek 45 urteko kartzela eskariari eutsi diote Mazonen ustezko hiltzailearentzat, eta defentsak ere hasierako eskaria mantendu eta absoluzioa galdegin du.
Honako hauek dira Euskadiko bizitegi-larrialdiari erantzuteko gaurtik indarrean diren premiazko neurriak
Etxebizitzaren arloko politika publikoak merkatuaren errealitate berrira egokitzea bilatzen du Eusko Jaurlaritzak onartutako dekretuak, estaldurak eta laguntzak handituz, tresnak malgutuz eta gaur egun etxebizitza duina eta egokia lortzeko zailtasun handiagoak dituztenei "modu azkarragoan eta eraginkorragoan" erantzuteko. Gainera, etxebizitza babesturako eta alokairu publikorako higiezinen-parkea handitzeko neurriak aurreikusten ditu.
Isabel Aaiun, Boney M, Ojete Calor eta Shinova taldeek kontzertuak eskainiko dituzte 2026ko sanferminetan
Nafarroako hiriburuko Udalak aurtengo sanferminetan kontzertuak eskainiko dituzten artistetako batzuk ezagutzera eman ditu.
Kartzelara bidali dute, behin-behinean, Arrasaten ikasle-egoitza batean sexu-erasoa egin duelakoan atxilotutako gizona
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak egin ditu unibertsitateko campus guztietan.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".