Kartzelara bidali dute, behin-behinean, Arrasaten ikasle-egoitza batean sexu-erasoa egin duelakoan atxilotutako gizona
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak egin ditu unibertsitateko campus guztietan.
Joan den otsailean Arrasateko (Gipuzkoa) ikasle-egoitza batean emakume gazte bati sexu erasoa egitea egotzita astelehen honetan atxilotutako gizonezkoa espetxera bidali dute, behin-behinean, komunikatua eta fidantzarik gabe, Segurtasun Sailak jakinarazi duenez.
Biktimak joan den ostiralean aurkeztu zuen salaketa, eta horren ondoren Ertzaintzak ikerketa abiatu zuen. Ikerketa astelehen honetan amaitu da ustezko egilea atxilotu eta espetxeratzeko aginduarekin. Sexu-eraso delitu bat egotzi diote.
Mondragon Unibertsitateak, bere aldetik, oharra zabaldu du ikasle eta langileen artean, Humanitate eta Hezkuntza Zientzien Fakultateko (HUEZI) emakume bat bortxatu dutela jakinarazteko. Gainera, gertatutakoa salatzeko eta biktimari elkartasuna adierazteko, gaitzespen elkarretaratzeak egin dituzte eguerdian fakultate ezberdinetan.
Gertatutakoaren aurrean Unibertsitateak oharrean "gaitzespen eta arbuio irmoena” adierazi du, eta babes osoa helarazi dio erasoa jasan duen emakumeari eta ingurukoei. Era berean, beharrezko baliabide guztiak haren esku jarri dituela nabarmendu du, eta adierazi du espero duela gertakariak argitzeko jardunak “azkar” garatzea eta dagozkion erantzukizunak argitzea.
Oharrean azpimarratu dute indarkeria matxista ez dela “gertaera isolatu bat”, baizik eta emakumeen duintasunaren eta osotasun fisiko zein psikologikoaren aurka egiten duen “egiturazko arazo” baten adierazpena. Era berean, hezkuntza erakundea den aldetik, giza duintasuna eta benetako berdintasuna sustatzeko konpromisoa berretsi du Mondragon Unibertsitateak. Nabarmendu dutenez, lanean jarraituko dute campusak “indarkeriarik gabeko gune” izan daitezen eta jokabide sexistak errotik kentzeko balioetan hezten.
Hilabeteko epean Mondragon Unibertsitateko komunitatearekin lotuta salatzen den bigarren sexu-erasoa da. Izan ere, apirilean jakinarazi zuten Oñatiko Enpresagintza fakultateko irakasle bat bortxatzen saiatu zela gizon bat fakultateko aparkalekuan. Kasu hartan, Ertzaintzak 51 urteko gizaseme bat atxilotu zuen.
Zure interesekoa izan daiteke
Gizon bat atxilotu dute Legution, bikotekideari bortizki eraso egiteagatik
Biktima ospitalera eraman behar izan dute, lesioak artatzeko.
Bortizkeria polizialaren aurkako protesta egin dute ehunka lagunek Santurtzin, Ezkerraldeko eragileek deituta
Udalerriko kale nagusiak zeharkatu dituzte asteazkenean hil zen Anderrentzat justizia eskatzeko. Ardurak argitu eta zigorrak jartzeko eskatu dute, eta bermeak horrelakorik berriro gerta ez dadin.
Ezkabarteko suteak aktibo jarraitzen du
Nafarroako presidenteak, María Chivitek, agerraldia egin du larunbat honetan Untzuko aginte postuan, eta sutea ez zutela nekazaritza-lanek piztu esan du.
Gizon batek emaztea hil du Sevillan
Ustezko hiltzailea ospitalean dago, larri, arma zuri batez bere buruari zauriak egin omen dizkiolako.
Venezuelako lurrikaretan desagertutako euskal herritarren senideek zain jarraitzen dute
Venezuelako lurrikarek milaka hildako eta desagertu utzi dituzte; azken horien artean, bilbotar bat eta donostiar bat daude. Senideek desagertuak bilatzeko baliabide falta azpimarratu dute. NBEren arabera, 50.000 pertsona inguru daude desagertuta, baina kopuru horrek gora egiten jarraitzen du.
Haizeak eta bertara iristeko zailak diren guneetako fokuek zaildu egin dituzte Ezkabarteko baso-sutea itzaltzeko lanak
Ezkabarteko suteagatik hustutako Usi, Anotz eta Nabatz herrietako bizilagunak etxera itzuli dira. 112-SOS Nafarroak herritarrei eskatu die ez daitezela gerturatu suhiltzaileak eta langileak dabiltzan tokietara, horien lanak ez oztopatzeko.
Nola ospatuko da LGTBIQ+ Harrotasunaren Eguna Euskal Herrian?
Ekainaren 28an Harrotasunaren Nazioarteko Eguna ospatzen dela eta, Euskadiko eta Nafarroako hiriburuetan hainbat jarduera egingo dira larunbat eta igande honetan, LGTBIQ+ kolektiboaren eskubideak aldarrikatzeko.
Nafarroako Gobernuak nekazaritza lanak mugatu ditu lehorreko lurretan gaurtik, sute arriskuagatik
Maria Chivite Nafarroako Gobernuko presidenteak azaldu duenez, nekazaritza eta basogintza lanak 06:00etatik 11:00etara baino ezingo dira egin.
Oinezko batzuei eraso egin ostean Santurtziko Udaltzaingoak atxilotu zuen gizona hil egin da
Astelehenean eraman zuten ospitalera, Udaltzaingoak indarrez menderatu eta gero, hainbat pertsonari eta bertara joan ziren agenteei eraso egin ondoren. Bi egun geroago hil da, ospitalean.
Gaur hasiko da udako trafikoko operazio berezia, eta kanpoko 2,27 milioi ibilgailuk EAE zeharkatzea espero dute
Uda honetan, nazioarteko eta barruko joan-etorriak areagotzea aurreikusten da, eta, hori dela eta, Eusko Jaurlaritzak neurri bereziak hartuko ditu, trafikoa hobeto kudeatu eta udako gorabeherak murrizteko.