Jokabide homofoboa egotzita Iruñean epaitu dituzten lau gazteek ukatu egin dute gertakarietan parte hartu izana
Biktimari elkartasuna adierazteko, Egham Nafarroak elkarretaratzea egin du auzitegiaren atarian eta homofobiari aurre egiteko neurriak eskatu ditu.
Egham Nafarroak gaur egin duen elkarretaratzea. Argazkia: EITB
Lau gazte epaitu dituzte gaur Nafarroako Lurralde Auzitegian, gizonezko bati irain homofoboak egiteagatik. Osotasun moralaren aurkako delitua leporatzen diete laurei, eta 21na hilabeteko espetxe-zigorra, biktimarekiko urruntze agindua hiru urtez eta 3.000 euroko kalte-ordaina eskatzen dizkiete.
Epaitzen ari diren gertakariak 2024ko azaroan gertatu ziren, Iruñeko hilerriaren inguruan LGTBI komunitateko kideek elkartzeko erabiltzen duten cruising gunean. Salaketaren arabera, ustezko erasotzaileek biktima iraindu zuten, eta autoarekin atzetik jarraitu zioten. Gaur, epailearen aurrean gertakari horietan parte hartu izana ukatu dute gazteek.
Bere deklarazioan, biktimak azaldu du hainbat alditan "marikoi" deitu ziotela, aipatutako leku horretan bakarrik zegoela. "Beldurtuta", bere ibilgailuan sartu eta handik alde egitea erabaki zuen, baina berehala ohartu zen beste auto bat atzetik segika zuela. Aitortu du hasieran ez zuela salaketa jartzeko asmorik, baina zehaztu du cruising espazio hori "babesteko" eman duela urratsa. "Nekatuta nago halako egoerak bizi behar izateaz".
Gertakarien lekuko batek ere deklaratu du. Haren hitzetan, epaitzen ari diren lau gazteak ikusi zituen hilerriaren ingurura hurbiltzen. Jarrera "arraroa" zutela eta "ezkutuan bezala" zihoazela ziurtatu du. Halako hainbat egoera aurrez ikusiak zituenez, "zerbait gerta zitekeela" eta, argazkia atera zion ustezko erasotzaileen autoaren matrikulari. "Badaezpada" ez zen gerturatu eta, beraz, ez zituen oihuak entzun.
Homofobiari aurre egiteko neurriak
Biktimari elkartasuna adierazteko, dozenaka pertsonak elkarretaratzea egin dute Justizia Auzitegiaren atarian, Egham Nafarroa kolektiboak deituta. Argi esan dute ez dutela nahi "inolako espetxe zigor eredugarririk", "erreparazio neurriak" baizik. Besteak beste, auzipetuentzako gizarte eta hezkuntza arlo horretako formazioa eskatu dute.
Halaber, cruising espazioen "balio sinbolikoa" nabarmendu dute, eta horiek "babesteko" neurriak ere galdegin dituzte, bertara doazenen "segurtasuna bermatzeko".
Ehgam Nafarroaren arabera, jokabide homofoboek gizarte demokratikoetan lekurik ez dutela erakutsi beharko luke epaiketa honek. "Nafarroako Lurralde Auzitegiari eskatzen diogu cruising espazioek LGTBI kolektiboan duten balio sinbolikoa aintzat hartzea", esan du kolektiboak.
Zure interesekoa izan daiteke
Leon XIV.a aita santua sexu-abusuen biktimekin bilduko da Espainian
Vatikanoak ez du topaketari buruzko xehetasun gehiagorik eman. Aita santuak Madril, Bartzelona, Kanaria Handia eta Tenerife bisitatuko ditu bihartik ekainaren 12ra bitartean.
10 urte geroago, sokamuturrak itzuliko dira Eibarko Untzaga plazara
40 bat elkartek atzerapausoa dela salatu dute, eta elkarretaratzea deitu dute ekainaren 16rako. Herritarren artean, aldeko eta kontrako iritziak daude.
Azken agurra eman diete Iruñean Elgoibarko istripuan hildako bost foruzainei
Maria Chivite presidentea buru, jende andana joan da Iruñeko katedralera, Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont agenteei azken agurra eman eta haien senideak babestera.
Xenpelar auzian Udalak izandako jokabidea berretsi du Errenteriako alkateak Fiskaltzaren aurrean
Aizpea Otaegik agerraldia egin du Adingabeen Fiskaltzaren aurrean, Xenpelar auziaren harira, eta Udalak balizko genero-indarkeria kasuen aurrean egindako kudeaketa babestu du. Azpimarratu duenez, beharrezkoa da lanean jarraitzea biktimak babestu eta antzeko egoerak saihesteko.
Konpondu dira A-8 autobideko zirkulazioa zaildu duten auto-ilarak
Arratsalde korapilatsua izan da A-8 autobidean, Kantabriarako noranzkoan, lau istripu gertatu baitira bideko hainbat puntutan. Trafikoa normaltasunera itzuli da arratsalde erdian, 18:20 aldera.
Errugabe jo ditu epaileak Zestoako gizon baten integritate moralaren kontrako delituengatik epaitutako seiak
Abenduan egin zen epaiketa. Gizonezko batek osotasun moralaren aurkako delitua leporatu zien bikotekide ohiari eta beste bost herritarri, eta espetxe zigorra eta isunak eskatu zituen. Akusatuetako lau neskaren lagunak dira, eta bostgarrena, egun Zestoako alkate den Mikel Arregi. Epaileak absolbitu egin ditu guztiak.
Bilbok minbiziaren aurkako bigarren martxa hartuko du ekainaren 14an
Antolatzaileek espero dute 2.500 pertsona baino gehiago batzea hitzordu solidario horretan. Bizi-ohitura osasungarriak sustatzea izango du helburu, eta minbiziaren prebentzioaren eta ikerketaren garrantziaz kontzientziatzea, bereziki gizonezkoak.
Konponduta daude Lasarte-Orian eta Abanton izandako trafiko eragozpenak
Ostiral goizeko lehen ordua konplikatua izan da euskal errepide sareko puntu askotan, istripuak izan baitira han eta hemen, baina egoera bere onera itzuli da jada denean.
Emakume bat atxilotu eta bi ikerketapean dituzte Gipuzkoan adinekoei bitxiak lapurtu eta 11.000 euro baino gehiagoren truke saltzeagatik
Atxilotutako emakumeak zaintzaile gisa egiten zuen lan adinekoen egoitzetan eta etxebizitzetan, eta bertan lapurtzen omen zituen bitxiak. Ertzaintzak pieza ugari berreskuratu ditu Azpeitian egindako miaketa batean.
Debekuaren aurrean, "haurrei udaldi polit eta lasai bat" eskaintzeko "lanean" ari dela esan du Euskal Udalekuak elkarteak
Elkarteak mezua bidali die udaldia Bernedoko udalekuetan igarotzeko eskaera egin duten 200 familiei, eta azaldu die "abokatuarekin lanean" ari direla haur eta familientzako "aukera eta alternatiba egokienak diseinatzeko". Arabako Foru Aldundiak debekua ezarri ostean Instagram sare sozialean elkarteak duen profilean mezua partekatu du, "triste eta kezkatuta" daudela esanez eta salatuz "legezko betekizun guztiak bete arren" ukatu diotela Dorrekoa elkarteari udalekuak antolatzeko aukera.