Maialen Mazonen ustezko hiltzaileak “barkamena” eskatu du epaiketako azken unean
Arabako Lurralde Auzitegian egin duten epaiketa epai zain gelditu da asteazken honetan, aldeek euren ondorioak aurkeztu ondoren. Fiskaltzak eta akusazioek 45 urteko zigorrak eskatzen dituzte, hilketagatik, bi abortu deliturengatik eta adin txikiko bat abandonatzeagatik, akusatuak “nahita” hil zuela emakumea eta egoeraz “jakitun” zegoela uste dutelako. Defentsak absoluzioa eskatu du, hilketaren unean, “errealitatetik erabat deskonektatuta” zegoela argudiatuta.
Arabako Lurralde Auzitegian, Maialen Mazonen hilketa argitzeko epaiketaren azken saioa egin da asteazken honetan eta, aldeek ondorioak aurkeztu ondoren, epai zain gelditu da.
Amaitu aurretik, azken hitzak egiteko aukera eman dio epaileak akusatuari, Maialenen bikotekide ohia eta haren alabaren aita, eta horrek unea baliatu du "barkamena" eskatzeko; "batik bat, alabari", esan du. Adierazi du "egunen batean aurrez aurre eskatzeko" aukera izatea espero duela, eta, "asko sentitzen dut" esanez, amaitu du.
Aurretik, aldeek ondorioak aurkeztu dituztenean, Fiskaltzak eta akusazioek akusatuarentzat 45 urteko espetxe-zigorra eskatu dute, hilketagatik, bi abortu delitugatik eta adin txikiko bat abandonatzeagatik; izan ere, argi dute Maialeni hiltzeko helburuz eman zizkiola 13 labankada hiltzaileak, eta une oro zela egiten zuenaz kontziente.
Azken txostenean, Fiskaltzak, halaber, azpimarratu du akusatuak delitua egin zuela ez zuelako onartzen biktimak banatzea erabaki zuela, eta hura bere jabetzakoa zela uste zuelako.
Zentzu horretan, defendatu du hilketa izan zela eta ez homizidioa, akusatuak biktimari independentziaz bizi zedin eragotzi ziola iritzita.
Era berean, Ministerio Publikoak uste du ustezko hiltzaileak ez zuela haren jarduna bultzatu edo eragotzi zuen buru nahasmendurik, krimena egin eta ondorengo orduetan nola jardun zuen ikusita; izan ere, frogak ezkutatu zituen eta ihes egiten saiatu zen, eta nortasun faltsua erabili zuen.
Babes neurrietan akatsa
Gainera, fiskalak “Maialen Mazonen babes polizialean izandako akats handia” deitoratu du, eta adierazi du hori kasuaren amaieran zein urruntze-aginduen urraketen aurrean emandako erantzunean islatzen dela.
Defentsak hasierako eskaria mantendu eta gizona absolbitu dezatela eskatu du, argudiatuta gertakariak izan ziren unean errealitatetik "deskonektaturik" eta "disoziatuta" zegoela.
Alde guztiek hitz egin ondoren, herri-epaimahaiaren esku gelditu da epaia.
Zure interesekoa izan daiteke
Ezkabarteko sutea itzaltzeko lanean jarraitzen dute, euriak zertxobait lagunduta
Hirugarren gauez jarraian, lurreko brigadako ehun kide lanean aritu dira. Zeregin nagusia sutearen perimetroa zaintzea eta garrak berriro ez zabaltzea izan da. Haizea eta iristeko zailak diren guneetako fokuak asko zailtzen ari dira sutea kontrolatzeko lanak, Nafarroako Gobernuko larrialdi zerbitzuen arabera.
Hiru gazte ikertzen ari dira Gasteizen, gizon bat Espainiako selekzioko kamiseta eranztera behartu nahi zutelako
Inputatuek larunbat goizaldean eraso zioten biktimari, Aranbizkarra auzoko jai-esparruan.
Marmokak daudela ohartarazi dute Bizkaiko Arena, Gorrondatxe, Barinatxe, Arriatera-Atxabiribil eta Muriola hondartzetan
Arriatera-Atxabiribil eta Muriola hondartzetan debekatuta dago bainatzea; gainerakoetan, berriz, bandera horia dago. Ura batez beste 21 graduan dago.
Ekintzaz betetako "Peñen Eguna", Iruñean
Iruñeko peñek euren eguna ospatu dute gaur, jardueraz beteriko kartelarekin: kalderete lehiaketa, pankarten aurkezpena... Emozioz beteriko eguna izan da iruindarrentzat.
Gizon bat atxilotu dute Legution, bikotekideari bortizki eraso egiteagatik
Biktima ospitalera eraman behar izan dute, lesioak artatzeko.
Bortizkeria polizialaren aurkako protesta egin dute ehunka lagunek Santurtzin, Ezkerraldeko eragileek deituta
Santurtziko kale nagusiak zeharkatu dituzte asteazkenean hil zen Anderrentzat justizia eskatzeko. Gertatutakoa argitzeko, ardurak zehazteko eta zigorrak jartzeko eskatu dute, eta bermeak, horrelakorik berriro gerta ez dadin.
Gizon batek emaztea hil du Sevillan
Ustezko hiltzailea ospitalean dago, larri, arma zuri batez bere buruari zauriak egin omen dizkiolako.
Venezuelako lurrikaretan desagertutako euskal herritarren senideek zain jarraitzen dute
Venezuelako lurrikarek milaka hildako eta desagertu utzi dituzte; azken horien artean, bilbotar bat eta donostiar bat daude. Senideek desagertuak bilatzeko baliabide falta azpimarratu dute. NBEren arabera, 50.000 pertsona inguru daude desagertuta, baina kopuru horrek gora egiten jarraitzen du.
Haizeak eta bertara iristeko zailak diren guneetako fokuek zaildu egin dituzte Ezkabarteko baso-sutea itzaltzeko lanak
Ezkabarteko suteagatik hustutako Usi, Anotz eta Nabatz herrietako bizilagunak etxera itzuli dira. 112-SOS Nafarroak herritarrei eskatu die ez daitezela gerturatu suhiltzaileak eta langileak dabiltzan tokietara, horien lanak ez oztopatzeko.
Nola ospatuko da LGTBIQ+ Harrotasunaren Eguna Euskal Herrian?
Ekainaren 28an Harrotasunaren Nazioarteko Eguna ospatzen dela eta, Euskadiko eta Nafarroako hiriburuetan hainbat jarduera egingo dira larunbat eta igande honetan, LGTBIQ+ kolektiboaren eskubideak aldarrikatzeko.