PPk Jesus Sepulveda kaleratu du
Maria Dolores de Cospedal PPko idazkari nagusiak iragarri duenez, Jesus Sepulveda Pozuelo de Alarconeko (Madril) alkate ohi eta Ana Mato Osasun ministroaren senar ohia kaleratu dute alderditik.
Cospedalek PPren Zuzendaritzaren Bileraren ostean emandako prentsaurreko batean azaldu duenez, Sepulveda alderditik kanporatzea erabaki dute Gürtel auzian inputatuta dagoelako.
"Egokia iruditu zaigu lan-harreman hori amaitzea", azpimarratu du buruzagi popularrak.
Carlos Floriano PPren Antolakuntza idazkariorde nagusiak esan zuen Sepulveda ezin zutela alderditik bota, langileen Estatutuak "babesten" zuelako eta arau horren arabera ezin zutelako "inputatutako bat legalki kaleratu".
"Sortu den egoera kontuan izanda, alderdiak zentzuz jokatu behar du eta jarrera eredugarria erakutsi", azpimarratu du Cospedalek.
"Erabaki hori hartu beharra zegoela iruditu zaigu. Ez da ezer gertatzen. Atzera egin dugu, ez dut onartzeko arazorik", gaineratu du PPren bozeramaileak.
Ana Mato
Ana Mato ministroaren inguruan Alberto Nuñez Feijoo Galiziako presidenteak eskatu zituen azalpen "sendoak" non dauden galdetuta, Cospedalek erantzun du "argi" hitz egin dutela horri buruz Mariano Rajoy Espainiako Gobernuko presidenteak eta Soraya Saenz de Santamaria presidenteordeak Matori "konfiantza osoa" eskaini diotenean.
Zure interesekoa izan daiteke
PPk 25 eserleku lortu ditu Aragoin, PSOEk 20 eta Voxek 14, botoen % 15 zenbatuta
PPk irabaziko lituzke hauteskunde autonomikoak Aragoin, 67 eserlekutatik 25 eskuratuta (azken hauteskundeetan baino 3 gutxiago); PSOEk, berriz, 19 lortuko lituzke (4 gutxiago), eta Voxek bere ordezkaritza bikoiztuko luke, 7tik 14ra igarota.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.