Gipuzkoak 'torturen biktimak' aitortu ditu 'bake justua' lortzeko
Gipuzkoako Aldundiak (Bildu) "torturen biktimak aitortzeko" ekitaldi bat egin du, "bake justuan" oinarritutako etorkizuna eraikitzeko "pauso txikia" emanda.
Ekitaldia Martin Garitano Gipuzkoako ahaldun nagusiak itxi du. Euskadin, atxilotu ostean, Estatuko Segurtasun Indarren aldetik tratu txarrak jaso dituzten pertsonen"zerrenda amaiezina" salatu du Martin Garitanok.
Garitanok azaldu duenez, Aldundiak "argi dauka" "gatazkaren biktimak aitortzean pausoak ematea" beharrezkoa dela, eta "bide horretan argi eta garbi torturak Giza Eskubideak apurtzen dituela azaldu behar" dela gaineratu du, "ez errepikatzea" eskatuz.
Arrazoi horregatik, "bihozgabekeria horren, oso larria baino gehiago denaren" biktimak "aitortzeko eta gogoan hartzeko" beharra nabarmendu du ahaldun nagusiak.
"Gizarteari egia" esan behar zaiola adierazi ostean, Garitanok "etorkizun berri bat eraikitzeko" zeregina bere gain hartu du, "biktima guztiak aitortuz bake justua lortzeko".
"Heriotza eta dontzeila" (Txileko torturari buruzko lana, Ariel Dorfmanena) antzerki-lanaren pasarte bat euskaraz irakurriz amaitu dute ekitaldia. Horren ostean, tratu txarrak jaso izana salatu duten hiru pertsonak hitz egin dute: Agurtzane Juanenak (leiho batetik ihes egin zuen Donostiako polizia-etxetik 1975ean, atxilo zutenean), Maria Elduarenak (2009an atxilotu zuten) eta Martxelo Otamendi kazetariak.
Zure interesekoa izan daiteke
Biktimek eta sindikatuek "egia, justizia eta erreparazioa" exijituko dute martxoaren 3ko 50. urteurrenean
Martxoak 3 Elkarteak eta ESK, Steilas, LAB eta ELA sindikatuek Gasteizko bost langileen hilketaren 50. urtemuga oroitzeko egingo dituzten ekitaldiak aurkeztu dituzte astelehen honetan.
Estefania Ocariz, gazte-justizian aditua, Arartekoaren ondokoa izango da
Psikologian doktorea izateaz gain, Psikologia Juridikoan masterra du eta gazte-justiziari buruzko hainbat argitalpen eta txosten egin ditu.
PPk Voxi Aragoin botatako hordagoak kale egin du: ultraeskuina puztuta eta PSOE gainbeheran
Azcon (67 eserlekuetatik 26 lortuta) eskuin muturraren (14) menpe egongo da; are, PPri "politikak aldatzeko" eskatu dio Abascalek. Bi eskuinen baturak botoen % 60 bildu ditu Aragoin. Ezkerrari begira, aldiz, CHAren gorakada gorabehera (3 diputatutik 6ra), atzeraldian dela agerian da. PSOE minimo historikoan kokatu da (18 eserleku), eta Podemos, ordezkaritza barik.
Jon Insausti: "Etxebizitza sailburuaren eskutik joango gara etxebizitzaren erronkari aurre egiteko"
Donostiako alkatea ez da Loiolako etxebizitza proiektuaren inguruan sortutako "zalaparta" horretan sartu, eta esan du "aliantzak ezinbestekoak" direla. Atxilotuen jatorriari buruzko datuak zabaltzeari buruz, azpimarratu du Jaurlaritzari dagokiola segurtasun politika definitzea.
Arnaldo Otegi: "Espainiak aukera ematen digu hauteskundeetan herri gisa hitz egiteko, eta guk, siglak baino, herri-ahots demokratikoa izan nahi dugu"
EH Bilduk ez du bat egiten Gabriel Rufianek PSOEren ezkerrera dauden alderdiak elkartzeko egindako proposamenarekin, hauteskunde orokorretarako EH Bilduk baduelako jada estrategia bat ezarria, "siglen gainetik herria" jartzea, eta, horren harira, EAJri "herri gisa" jarduteko egindako gutxiengoen proposamenaz aritu da astelehen honetan Euskadi Irratian.
Rufianek bilera erronda abiatuko du, PSOE baino ezkerzaleagoa izango den aliantza bat osatzeko
Gabriel Rufian ERCren Kongresuko bozeramaileak ezkerreko indarrekin "egiazko espazio plurinazionala" eratu nahi du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.