Espainia kondenatu dute, Otamendiren tortura salaketa ez ikertzeagatik
Giza Eskubideen Europako Auzitegiak Espainiako Erresuma kondenatu du, Martxelo Otamendi Egunkaria-ko zuzendari ohiak aurkeztutako tortura salaketa behar bezala ez ikertzeagatik.
Espainiako Erresumak 24.000 euroko kalte-ordainak eman beharko dizkio kazetariari; 20.000 kalte moralak direla eta, eta beste 4.000 prozesu judizialeko gastuak direla eta.
Epaiaren berri izan eta gero, Martxelo Otamendi pozik agertu da, baina Egunkaria auzian "torturatu gehiago" izan zirela gogorazi du.
Kazetaria Egunkaria ixteko operazioan atzeman zuten, 2003. urtean, ETAko kide izatea egotzita, baina epaiketan absolbitu egin zuten.
Atxiloaldian Guardia Zibilak tratu txarrak eman zizkiola salatu zuen Otamendik, baina, 2005. urteko martxoan, Madrilgo Instrukzioko 5 zenbakiko Epaitegiak artxibatu egin zuen salaketa. Helegiteek ere ez zuten aurrera egin.
Estrasburgoko Auzitegian, salaketa artxibatu izanak Giza Eskubideen Itun Europarraren 3. artikulua, hots, tratu txarrak debekatzen dituena, urratzen duela argudiatu zuen Otamendik.
Estrasburgoren argudioak
Europako epaileen esanetan, Auzitegi Nazionalaren 6. zenbakiko Instrukzio Epaitegiak "jarrera pasiboa" izan zuen tortura salaketaren aurrean, eta Madrilgo 5. zenbakiko Instrukzio Epaitegiaren ikerketak ez ziren "sakonak eta eraginkorrak" izan.
Halaber, Otamendik tortura salaketak berretsi bazituen ere, Madrilgo epaileak medikuen txostena baino ez zuen izan oinarri erabakia hartzeko, hots, "ez zituen aurrez aurre entzun salatzailearen deklarazioak".
Estrasburgok gogorarazi duenez, Madrilgo Probintzia Auzitegiak errefusatu egin zuen "aparteko ikerketarik" abiatzea, Otamendik lehen epaiaren aurka apelazio helegitea aurkeztu zuenean, baina Europar Batasuneko Justizia Auzitegiak uste du salatzailearen eskakizunak, batik bat inkomunikatuta zegoenean zaindu zuten agenteek deklaratzea, erabakigarriak izan zitezkeen gertatutakoa argitzeko.
Estrasburgoko epaileek nabarmendu dutenez, inkomunikazioak "beharrezkoa" bihurtzen du "zainketa neurri egokiak" abiatzea, atxilotutakoen "segurtasuna babesteko".
Gainera, epaiak gogorarazi egin du Tortura Saihesteko Batzorde europarrak inkomunikatutakoen azterketa medikoak hobetzea gomendatu zuela.
Giza Eskubideen Europako Auzitegiak Espainiako Erresuma kondenatu du, Martxelo Otamendi Egunkaria-ko zuzendari ohiak aurkeztutako tortura salaketa behar bezala ez ikertzeagatik.Espainiako Erresumak 24.000 euroko kalte-ordainak eman beharko dizkio kazetariari; 20.000 kalte moralak direla eta, eta beste 4.000 prozesu judizialeko gastuak direla eta.Epaiaren berri izan eta gero, Martxelo Otamendi pozik agertu da, baina Egunkaria auzian "torturatu gehiago" izan zirela gogorazi du.Kazetaria Egunkaria ixteko operazioan atzeman zuten, 2003. urtean, ETAko kide izatea egotzita, baina epaiketan absolbitu egin zuten. Atxiloaldian Guardia Zibilak tratu txarrak eman zizkiola salatu zuen Otamendik, baina, 2005. urteko martxoan, Madrilgo Instrukzioko 5 zenbakiko Epaitegiak artxibatu egin zuen salaketa. Helegiteek ere ez zuten aurrera egin.Estrasburgoko Auzitegian, salaketa artxibatu izanak Giza Eskubideen Itun Europarraren 3. artikulua, hots, tratu txarrak debekatzen dituena, urratzen duela argudiatu zuen Otamendik.Estrasburgoren argudioakEuropako epaileen esanetan, Auzitegi Nazionalaren 6. zenbakiko Instrukzio Epaitegiak "jarrera pasiboa" izan zuen tortura salaketaren aurrean, eta Madrilgo 5. zenbakiko Instrukzio Epaitegiaren ikerketak ez ziren "sakonak eta eraginkorrak" izan.Halaber, Otamendik tortura salaketak berretsi bazituen ere, Madrilgo epaileak medikuen txostena baino ez zuen izan oinarri erabakia hartzeko, hots, "ez zituen aurrez aurre entzun salatzailearen deklarazioak".Estrasburgok gogorarazi duenez, Madrilgo Probintzia Auzitegiak errefusatu egin zuen "aparteko ikerketarik" abiatzea, Otamendik lehen epaiaren aurka apelazio helegitea aurkeztu zuenean, baina Europar Batasuneko Justizia Auzitegiak uste du salatzailearen eskakizunak, batik bat inkomunikatuta zegoenean zaindu zuten agenteek deklaratzea, erabakigarriak izan zitezkeen gertatutakoa argitzeko.Estrasburgoko epaileek nabarmendu dutenez, inkomunikazioak "beharrezkoa" bihurtzen du "zainketa neurri egokiak" abiatzea, atxilotutakoen "segurtasuna babesteko".Gainera, epaiak gogorarazi egin du Tortura Saihesteko Batzorde europarrak inkomunikatutakoen azterketa medikoak hobetzea gomendatu zuela.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.