Urriaren 17an hasiko da HB, Batasuna eta EHren aurkako makroepaiketa
Auzitegi Nazionalak urriaren 17an ekingo dio ezker abertzaleko 40 kide epaitzeari. Besteak beste, Arnaldo Otegi, Joseba Permach eta Rufi Etxeberria epaituko dituzte, Batasuna ETAren mende egotea eta Herriko Tabernen bitartez ETA finantzatzea egotzita. Otegi ETAko kidea izateagatik zigortu zuten Bateragune auzian eta horrek delitu beragatik berriro epaitzea oztopatuko luke, iturri juridikoen arabera.
40 akusatuentzat, 8 eta 12 urte arteko kartzela zigorrak eskatu dituzte, ETAko kideak izatea edo ETAri laguntzea leporatuta. Horrez gain, 110 Herriko Tabernaren aurkako epaiketa ere izango da.
2002ko apirilean, Poliziak 11 lagun atxilotu zituen, Herriko Tabernen bitartez ETA finantzatzeko plan bat egitea leporatuta. Baltasar Garzon epailearen aginduz, 75 herriko taberna bahitu egin zituzten.
Epaiketa Joseba Alvarezen deklarazioak irekiko du, urriaren 17an. Epaileak azaroaren 18ra bitartean entzungo ditu lekukoen deklarazioak. Egun horretan, Otegiren txanda izango da. Ondoren, Herriko Taberna guztien arduradunek deklaratu beharko dute, eta horrek otsailera arte luzatuko du epaiketa.
Epaia
Auzitegi Nazionalaren gai penaletarako gelak aurrekoan argitaratu zuen epaian zehazten zenez, Terrorismoaren Biktimen Elkartearen eta Dignidad y Justicia taldearen froga guztiak onartu dituzte; ez ordea, defentsak aurkeztutako guztiak. Ezker abertzaleko ia 40 kideren defentsek eta 100 Herriko Tabernak baino gehiagok aurkeztutako frogen gehiengoa onartu dute, baina ez guztiak.
35/02 makrosumarioa 2002ko martxoan abiatu zuen Baltasar Garzon epaileak. Ia sei urtez izapideak egin ostean, epaileak Batasuneko 40 kide auzipetzea erabaki zuen, Herriko Tabernen bidez ETA finantzatzea egotzita.
Auzipetuen artean, ezker abertzaleko hainbat kide daude, tartean, Arnaldo Otegi (Bateragune auziagatik espetxean), Joseba Permach, Joseba Alvarez eta Rufi Etxeberria.
Bi aldeek emandako frogak onartu ostean, Auzitegiak ahozko epaiketa urriaren 17an hasiko dela jakinarazi du.
Zure interesekoa izan daiteke
Aragoiko parte-hartzea ia % 11koa da 11:00etan
Jarduneko gobernu autonomikoak emandako lehen parte hartze datuaren arabera, 107 040 aragoiarrek bozkatu dute lehen bi orduotan. Hautagai gehienek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036 325 herritarrek dute boto eskubidea. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.