Gorenak artxibatu egin du Barcinaren CANeko dieten auzia
Auzitegi Gorenak artxibatu egin du Yolanda Barcina Nafarroako Gobernuko presidentearen kontra, Nafarroako Kutxan (CAN) jasotako dieta bikoitz eta hirukoitzengatik, abiatutako auzia, gertakariak "ez direlako delitu".
Auziaren epaileak inputatu gisa deklarazioa hartzeko eta auzibideren bat ireki behar ote zen aztertzeko eskatu zion Gorenari.
Orain, Gorenak deliturik ez dagoela erabaki du, eta Barcinari dagokion kausa artxibatu du.
Auzitegi Gorenaren ebazpenak bat egiten du Fiskaltzaren txostenarekin, ez baitzuen deliturik ikusten. Kontuz! Elkartearen eta UPyDren akusazioek, ordea, ikerketak Iruñeko epaitegian jarraitzea nahi zuten.
Maria Paz Benito da auzia Iruñean ikertzen ari dena, eta, ekainaren 4ean argitaratutako auto batean, "ezinbesteko"tzat jo zuen Auzitegi Gorenak Barcina funtzionarioak erosteagatik inputatzea, foruduna delako eta Gorenaren eskumena izango litzatekeelako inputazioa.
Aipatu auto horretan, epaileak Nafarroako Kutxaren Erakunde Sortzaileen Batzorde Iraunkorrak araudirik ez zuela salatzen zuen. Batzorde horretan Miguel Sanz Nafarroa presidente ohia, Alvaro Miranda kontseilari ohia, Enrique Maya Iruñeko alkatea (hiruak daude inputatuta) eta Barcina zeuden, eta neurrigabeko dietak jaso zituzten.
Batzorde horrek bi saio eratzaile egiten zituen egun berean, eta horietako bakoitzagatik 2.680 euro jasotzen zituen presidenteak eta 1.717 gainerako kideek. Gainera, diru hori ez zen inon dieta gisa deklaratzen, eta ez zitzaion Espainiako Bankuari horien berri eman. Hori dela eta, "kontrol eta fiskalizazio oro saihesten zuten", Benito epailearen arabera.
Orain, Gorenak kontra egin dio epaileari eta ez du deliturik ikusten Barcinaren jardunean, nahiz eta salaketa "morala, etikoa eta politikoa" egitea merezi dezaketela aitortu.
Barcinak "aipatu batzordean duen partehartzea eta jasotako dietak ez dira, zuzenean, Nafarroako presidente edo alkate zelako, baizik eta Erakunde Sortzaileen Batzordeko kide zelako", Gorenak gaurko autoan azaldu duenez.
Gainera, Auzitegiak zalantzan jarri du okerreko etekinak, dohaintzak edo opariak ote diren, kargu jakin batengatik jasotzen dituelako, ez erakunde edo pertsona batengandik zuzenean.
Hori dela eta, Gorenak artxibatu egin du auzia eta kargu guztietatik libre utzi du.
Barcina bere zintzotasuna aldarrikatu du
Erabakiarekin pozik azaldu da Yolanda Barcina Nafarroako presidentea, eta bere zintzotasuna aldarrikatu du. Oposizioak, ostera, Barcinaren dimisioa eskatu du berriro, eta haren portaera etiko eta politikoa salatu du.
Barcina Tuterako jaien hasieran izan da gaur. Nafarroako presideneta pozik agertu da auzitegiaren erabakiarekin. Epaiketa egin barik "zigortu dutenek oso leku txarrean" geratu direla adierazi du Barcinak.
"UPN pertsona zintzoen alderdi bat dela agerian geratu da gaur berriro", azpimarratu du presidenteak.
Albiste gehiago politika
Donostiak atzera bota du, EAJ, PSE eta PPren botoekin, Illunbeko zezenketei amaiera emateko mozioa
Podemos Euskadik deitoratu du Donostiak "animalien tortura eta animalien eskubideak urratzen" jarraituko duela. Victor Lasa zinegotziak gogorarazi duenez, "tauromakiak ukiezina badirudi ere, ez da ukiezina, Estatuko hainbat hiritan lortu baitute zezenketetatik libratzea".
Ayusoren mutil-laguna auzipetzeko eskaera berretsi du epaileak, iruzurraren "zantzu argiak" ikusita
Antza denez, Alberto Gonzalez Amadorrek 350.951 euroko iruzurra egin zion Ogasunari, 2020 eta 2021 urteen artean, faktura faltsuak erabilita.
"Errepresio polizialaren" aurkako elkarretaratzea egin dute Gasteizen, GKSk eta Etxebizitza Sindikatu Sozialistak deituta
Era berean, protestarako eskubidearen defentsa aldarrikatu dute elkarretaratzean. Gainera, Gazte Koordinadora Sozialistako ordezkariek azpimarratu dutenez, atzo gertatutakoak "argi uzten du, beste behin ere, nor den segurtasun arazoak sortzen dituena: Polizia bera, protesta sozialen aurka eginez".
Azpeitian eta Gasteizen izandako istiluek polizia ereduari buruzko eztabaida piztu dute: EH Bilduk eta PPk aurkako ikuspegiak dituzte
Koalizio subiranistak "polizia eredua berrikustea eta sakon erreformatzea" eskatu du. Izan ere, EH Bilduren ustez, polizien azken esku-hartzeak ez dira "proportzionalak eta kalte handiagoak prebenitzeko egokiak" izan. PPk, ostera, uste du arazo bat dagoela "ezker erradikalarekin, EAJk aurre egiten ez jakiteaz gain, elikatzen eta animatzen laguntzen ari dena".
GEBehatokiak Espainiari ohartarazi dio uztailaren 31ra arte duela tortura kasu bat ikertzen hasteko
Gobernuari eskatzen dio aplika ditzala Nazio Batuen Giza Eskubideen Batzordearen azken txostenean jasotako "nahitaez bete beharreko" gomendioak. Txosten horretan kezka adierazten du Batzordeak, Espainian tortura-kasuak modu eraginkorrean ikertzeko bermerik ez dagoelako.
Bizkaiko Foru Aldundiak eraikin berria eraikiko du Etxetxua Plazan, 31 egoitzatan sakabanatutako zerbitzuak bertan hartzeko
Urtean hiru milioi euro aurreztea ahalbidetuko du egoitza berriak, eta "digitalagoa, herritarrekiko hurbilagoa eta eraginkorragoa izango da energia kontsumoan", ahaldun nagusiak nabarmendu duenez. Ez da eman proiektuaren exekuzio-epearen berri.
EAJk garrantzitsutzat jo du Urdaibaiko Guggenheimi buruzko iritzia aintzat hartzea, baina erabakia hartzeko goiz dela dio
Legebiltzarraren bozeramaile Joseba Diez Antxustegik nabarmendu du eskualdeko eragileei eta herritarrei entzuteko prozesua ez dela amaitu.
Noelia Nuñez PPren diputatuak kargu guztiak utzi ditu
Nuñezek bere gain hartu du egindakoen "erantzukizun osoa", eta adierazi barkamena eskatzea "ez dela nahikoa". Hori dela eta, utzi egin ditu Genovan eta Kongresuan orain arte bete dituen karguak, X sare sozialean iragarri duenez.
"Babesgabezia" salatzeko elkarretaratzea egin du EUSPELek
Euskal Polizien Elkartasunak kritikatu egin du erakundeek ez dituztela jagoten, eta "babesgabe" daudela. Langile eta baliabide falta salatu dute, eta Azpeitiko alkatearen adierazpenek gazteei "autoritatea errespetatu gabe, nahi dutena egiteko askatasuna" ematen dietela uste dute.
PPk eskatu du Segurtasun sailburuordea kargugabetzea edo dimititzea, Ertzaintzarako 300 BMW ibilgailu erosteko kontratua esleitu baitzuen
Ainhoa Domaica PPren legebiltzarkideak kontratua izan du hizpide; izan ere, "kontrako" txostena jaso arren, esleitu egin zen, 21 milioiren truke, Next Generation funtsek finantzatuta.