EAJk garrantzitsutzat jo du Urdaibaiko Guggenheimi buruzko iritzia aintzat hartzea, baina erabakia hartzeko goiz dela dio
Legebiltzarraren bozeramaile Joseba Diez Antxustegik nabarmendu du eskualdeko eragileei eta herritarrei entzuteko prozesua ez dela amaitu.
Joseba Diez Antxustegi, artxiboko irudi batean. Argazkia: EITB.
EAJk Legebiltzarrean duen bozeramaileak, Joseba Diez Antxustegik, Urdaibaiko Guggenheim proiektuari buruzko iritzia eman eta adierazi du garrantzitsua dela “eskualdeko agenteen iritzia entzutea eta kontuan hartzea”, baina, haren iritziz, museoari buruzko “erabakia entzute prozesua bukatzen denean” hartu behar da.
Onda Vascan eman duen elkarrizketan, entzute prozesuaren lehen zatia egin ondoren Agirre Lehendakaria Center fundazioak argitaratu duen txostenaren emaitzak baloratu ditu. Bertan adierazten da Guggenheim Museoa Muruetan kokatzea ez dutela begi onez ikusten prozesuan parte hartu dutenek, ez proiektuaren alde daudenek, ezta kontra daudenek ere.
Prozesua urte amaiera arte luzatuko da. Fundazioak 500 elkarrizketa egin ditu, eskualdeko agente eta bizilagunen iritziak kontuan hartuta, eta lehen emaitzak argitara eman ditu. Hurrengo asteetan 400 elkarrizketa egiteko asmoa dauka.
Hori dela eta, Diez Antxustegik uste du erabakia hartzeko itxaron egin behar dela. Orain "entzuten ari dira, herritarrei eta eskualdeko eragileei partaidetzarako bideak ematea", eta hori "oso garrantzitsua" dela uste du. Hala ere, "prozesua amaitzen denean hartu beharko da erabakia, behin prozesua amaitzen denean".
Prozesu horretan "lau esparru garrantzitsu" daudela nabarmendu du: eskualdeko herritarrei entzutea bera, ingurumenaren eta hirigintzaren ikuspegitik legezko errealitateari buruzko azterketa egitea, erakundeen (Eusko Jaurlaritza, Bizkaiko Foru Aldundia eta udalak) lana eta fundazioaren irizpidea.
Murueta ontziolaren kokapenari dagokionez, gogorarazi du Guggenheimen proiektua "eskualdearen beraren ingurumen-berroneratzearen" barruan kokatzen dela.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.