Bizkaiko Foru Aldundiak eraikin berria eraikiko du Etxetxua Plazan, 31 egoitzatan sakabanatutako zerbitzuak bertan hartzeko
Urtean hiru milioi euro aurreztea ahalbidetuko du egoitza berriak, eta "digitalagoa, herritarrekiko hurbilagoa eta eraginkorragoa izango da energia kontsumoan", ahaldun nagusiak nabarmendu duenez. Ez da eman proiektuaren exekuzio-epearen berri.
Bizkaiko Foru Aldundiak egoitza berria eraikiko du Bilbon, Etxetxua Plazan (Casillako kiroldegiaren ondoan), Perituen Eskola zaharraren lursaila baliatuta. Horri esker, gaur egun 31 egoitzatan sakabanatuta dauden zerbitzuak elkartu ahal izango dira, "baliabide publikoak optimizatu eta arreta publikoa hobetzeko", Elixabete Etxanobe Bizkaiko ahaldun nagusiak San Inazio eguneko harreran iragarri duenez.
Zerbitzu horiek eraikin berean batzeak "urtean hiru milioi euro inguru aurreztea" ahalbidetuko du, Etxanobek azaldu duenez. Erabaki estrategiko horrek mugarria ezarriko du Aldundiaren bilakaeran, eraikinak "baliabideak optimizatzea, herritarrei ematen zaien arreta hobetzea eta erakunde horretan lan egiten duten pertsonentzako lanerako toki eta baldintza hobeak izatea ahalbidetuko baitu".
"Hainbat aukera aztertu ditugu, eta egokiena Etxetxua Plazan eraikina egitea da, Aldundiaren jabetzako lursail bat aprobetxatuz, Perituen Eskola zaharra", azaldu du Etxanobek.
Ahaldun nagusiak esan duenez, egoitza berria, oraindik exekuzio eperik ez duena, "digitalagoa, hurbilagoa, eta eraginkorragoa izango da energia-kontsumoan". Gainera, langileentzako lan-baldintza hobeak izango ditu. Etxanobek nabarmendu duenez, foru eraikin berriak Bilboko Udala bultzatzen ari den ingurua biziberritzeko proiektuari lagunduko dio.
Etxanobe "esfortzuaren, lanaren, taldeko ikuspegiaren eta zintzotasunaren" balioen alde ere mintzatu da, baina aitortu ere egin du politikaren arlotik ez dela beti eredu onena ematen eta horrek populismoari, autoritarismoari eta gatazka sozialari bide ematen diola.
Hala ere, defendatu duenez, "politikari gehienak pertsona onak, ondo prestatuak eta eredugarriak dira", eta ziurtatu du ez dutela merezi "gutxi batzuen portaera txarrak haien lana eta ahalegina zikintzea".
Ahaldun nagusiak Bizkaiak zainketen, trantsizio kuantikoaren eta trantsizio energetikoaren arloetan duen jarrera goraipatuz amaitu du hitzaldia.
Ildo horretatik, iragarri du Houstongo (AEB) topaketa batean parte hartuko duela. Hitzordu horretan, Energy Intelligence Center (EIC) aurkeztuko du, Bizkaian eta Euskadin trantsizio energetikoa bultzatzeko elkarlaneko I+G+B plataforma.
Ondoren, Houstonetik Boisera (Idaho) joango da, bost urtean behin egiten den mundu osoko euskaldunen topagunean parte hartzeko, hain justu ere.
Zure interesekoa izan daiteke
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta orain, pieza berri bat zabaltzea erabaki du, prebarikazioagatik eta EBri iruzur egiteagatik.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.