PPk eskatu du Segurtasun sailburuordea kargugabetzea edo dimititzea, Ertzaintzarako 300 BMW ibilgailu erosteko kontratua esleitu baitzuen
Ainhoa Domaica PPren legebiltzarkideak kontratua izan du hizpide; izan ere, "kontrako" txostena jaso arren, esleitu egin zen, 21 milioiren truke, Next Generation funtsek finantzatuta.
Ricardo Ituarte Eusko Jaurlaritzako Segurtasun sailburuordea kargugabetzea edo dimisioa ematea eskatu du PPk asteazken honetan, Administrazio eta Zerbitzuen sailburuorde zenean Ertzaintzarako 300 BMW ibilgailu erosteko kontratua esleitzeagatik. Izan ere, Eusko Jaurlaritzako Kontrol Ekonomikoko Bulegoak "kontrako txosten suntsitzailea" eman omen zuen; "kontrakoa baina ez etengarria", PPk adierazi duenez.
Gasteizen egindako agerraldian, Ainhoa Domaica PPren legebiltzarkideak Ertzaintzarako ibilgailuen kontratu hori aipatu du. Zehazki, 21 milioi euroan esleitu zen, eta Next Generation funtsek ordaindu. Azpimarratu du kontratu horretan "atzerapen handiak" izan direla. Ildo horretatik, nabarmendu du kontratuaren epea ez zela bete, eta gogorarazi du kontratu hori aurreko legegintzaldian hasi zela, 2023ko azaroaren 3an, eta 2024ko maiatzaren 24an amaitu.
Domaicak adierazi duenez, Bingen Zupiria Segurtasun sailburuaren agerraldia eskatu zuten, kontratu horri buruzko "informazio zehatza" eman zezan, eta "Sailean 38 urtez lanean diharduen pertsona baten ezusteko kargugabetzearen arrazoiak azaltzeko". Zupiriak kontratazio horren inguruan sortzen ari ziren susmoak argitzeko agerraldia egin zuen Eusko Legebiltzarrean, ekainaren 18an.
Testuinguru horretan, Kontrol Ekonomikoko Bulegoaren txostenaren berri eman du asteazken honetan PPren legebiltzarkideak. Bertan, "larriak" diren "pisuzko baieztapenak" egiten dira, "Ertzaintzarentzat 300 auto erosteko kontratu hori egiteko eskatutako prezioa, konkurrentzia eta baldintzak zalantzan jartzen dituelako".
Domaicak adieraz du, gainera, txostenean, zalantzan jartzen direla Sailak proposatzen dituen ibilgailuen balorazio ekonomikoa, ezaugarri teknikoak eta, bereziki, motorizazioa. Gaineratu duenez, "Segurtasun Sailak ez du adierazten zeintzuk diren aukeratutako esleipen-irizpideek dakartzaten abantailak, ez baitira arrazoitzen ezta justifikatzen ere".
Hala, "ardura politikoa" eskatu du PPren legebiltzarkideak, Eusko Jaurlaritzako Segurtasun sailburuordea kargugabetzea edo dimisioa lehenbailehen eman dadin, haren esanetan, "azalpen politiko eta teknikoen unea ekainaren 18a izan zelako", Zupiriak Eusko Legebiltzarrean agerraldia egin zuenean.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.