PPk ezabatu egin zituen Barcenasen disko gogorrak
PPk idatzi bat igorri du Auzitegi Nazionalera Luis Barcenasek, alderdiko diruzain ohiak, Genovako egoitzan zituen bi ordenagailuetako disko gogorrak ezabatu egin zituztela jakinarazteko.
Barcenasek, PPko kide zenean, erabili zituen bi ordenagailu utzi zituen PPk epaitegiaren esku. Horietatik informazioa ateratzeko prozesuan parte hartzeko eskatu die auziko bi aldeei epaileak, Barcenasek ustezko B kontabilitateaz Pablo Ruz epaileari emandako informazioa ordenagailuan dagoenarekin alderatzeko. Baina Barcenasek alderdia utzi zuenean, ezabatu egin omen zuten informazio guztia.
Poliziak, ordenagailu horietako bat ireki duenean, barruan ez zuela disko gogorrik ohartu da, baina bestean 465 GB omen daude, eta deskargatzen ari dira.
Maria Dolores de Cospedal PPren idazkari nagusiak, ordea, ordenagailuak "zaintzapean" zeudela esan zion epaileari.
Orduan, epaileak ordenagailuak eskatu zituen, Barcenasek ustezko B kontabilitatearen inguruan emandako informazioarekin alderatzeko.
Informazioa ateratzea lortzen badute, Poliziaren esku utziko dute eta horrek txostena egingo du.
''Ez da egia informazioa atera izana, ekipoak ez duelako USB irteerarik''
Carlos Floriano PPko Antolakuntza eta Hauteskunde idazkariordeak adierazi duenez ''gezurra'' da ordenagailu horretatik informazioa atera izana, ekipoak ''ez duela USB irteerarik''.
PPk Auzitegi Nazionalaren esku utzi duen txosten batean, alderdiak onartu du 2013ko apirilean Barcenasen bi ordenagailuetako disko gogorrek biltzen zuten informazioa deuseztu zuela, ekipoa beste langile batek erabili zezan.
Florianok azaldu duenez, ''ohiko jarrera da PPren materiala diren ordenagailu guztiekin''.
Diskoetako edukia ''oso garrantzitsua'' zela esan dio Barcenasek bere abokatuari
PPk ezabatutako disko gogorretan bildutako informazioa ''oso garrantzitsua'' zela esan dio Javier Gomez de Liaño bere abokatuari Luis Barcenaek.
Soto del Realeko (Madril) kartzelan PPko diruzain ohiarekin bildu da Gomez de Liaño. Bertatik irtetean goizean baino ''kezkatuago'' agertu dagoela esan du, Barcenasek esan omen dionez disko horietan informazio ''oso garrantzitsua'' baitzegoen.
Gertatutakoaren balorazioa egitea da auzia ikertzen duen epaileak egitea da zuhurrena, abokatuaren hitzetan.
Zure interesekoa izan daiteke
Jon Insausti: "Etxebizitza sailburuaren eskutik joango gara etxebizitzaren erronkari aurre egiteko"
Donostiako alkateak ez du Loiolako etxebizitza proiektuaren inguruan sortutako "zalaparta" horretan sartu nahi izan, eta esan du "aliantzak ezinbestekoak" direla. Atxilotuen jatorriari buruzko datuak zabaltzeari buruz, azpimarratu du Jaurlaritzari dagokiola segurtasun politika definitzea.
Arnaldo Otegi: "Espainiak aukera ematen digu hauteskundeetan herri gisa hitz egiteko, eta guk, siglak baino, herri-ahots demokratikoa izan nahi dugu"
EH Bilduk ez du bat egiten Gabriel Rufianek PSOEren ezkerrera dauden alderdiak elkartzeko egindako proposamenarekin, hauteskunde orokorretarako EH Bilduk baduelako jada estrategia bat ezarria, "siglen gainetik herria" jartzea, eta, horren harira, EAJri "herri gisa" jarduteko egindako gutxiengoen proposamenaz aritu da astelehen honetan Euskadi Irratian.
Rufianek bilera erronda abiatuko du, PSOE baino ezkerzaleagoa izango den aliantza bat osatzeko
Gabriel Rufian ERCren Kongresuko bozeramaileak ezkerreko indarrekin "egiazko espazio plurinazionala" eratu nahi du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.