12 dira Generalitatearen egoitzaren erasoagatik atxilotutako lagunak
Sei ultraeskuindar atxilotu dituzte bart Madrilgo Blanquerna liburutegian, Generalitaten Madrilgo egoitza, egindako erasoaldian parte hartzea leporatuta. Kataluniako Diadaren ekitaldi bat ospatzen ari zen barruan eta bost pertsona zauritu zituzten. Ondoren, beste sei lagunek bere burua entregatu dute, eta, dagoeneko, 12 dira Generalitatearen egoitzaren erasoagatik atxilotutakoak.
Polizia Nazionalak Twitterren duen kontuan jakinarazi duenez, atxiloketok Jorge Fernandez Diaz Barne ministroak segurtasun indarrak "zantzu ziur batekin lanean" ari zirela esan ostean burutu dira. Fernandezek erasoa "atentatu basatia" izan zela esan zuen.
Polizia Nazionaleko Madrilgo Buruzagitza Nagusiak ohar baten bidez zabaldu duenez, lehen sei atxilotuak (23 eta 56 urte bitartekoak) bost gizonezko eta emakumezko bat dira, eta Onformacioneko Probintzia Brigadara eraman dituzte, gertatutakoaren nondik norakoak argitzeko.
Gainera, Poliziako adituen iritzian, Balnquerna kultura zentroan botatako gasa piperrautsa-gasa izan zen.
Ikerketak zabalik jarraitzen du, Poliziaren esanetan, eta ez dute atxiloketa gehiago egitea baztertu, ia denek aurpegia estali barik egon baitziren.
''Katalunia Espainia da'' oihu artean, Kataluniako Generalitateak Madrilen duen Blanquerna egoitza kulturalaren kontra erasoa egin zuten 15 bat pertsonak, arratsaldeko azken orduan. Bertan, Diada ospatzeko ekitaldia egiten ari ziren 40 bat lagun, eta horietako bost arin zauritu ziren. Hiru hospitalera igorri behar izan dituzte.
Erasotzaileek egoitzaren hainbat beirate apurtu eta apalategiak lurrera bota zituzten. Halaber, negarra eragiteko gasa bota zuten, eta tokia hustu behar izan zuten. Hainbat diputatu zeuden barruan, tartean Iñaki Anasagasti jeltzalea.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.