Herrirako 18 atxilotuak ostegunean eramango dituzte epailearen aurrera
Guardia Zibilak atzo Herrira plataformaren aurkako operazioan atxilotu zituen 18 lagunak Madrilen dira, eta litekeena da ostegunean eramatea Eloy Velasco Auzitegi Nazionaleko epailearen aurrera. Atxilotuak Guardia Zibilaren aurrean deklaratzen ari dira gauean.
ETArekin lotutako beste operazioetan ez bezala, oraingoan atxiloaldi komunikatua agindu du epaileak. Hala, eurek aukeratutako abokatuarekin deklaratu ahal izango dute, Guardia Zibilaren eta epailearen aurrean.
Izapideak sekretupean dauden arren, Auzitegi Nazionalak jakinarazi du ostegunean eramango dituztela Eloy Velasco epailearen aurrera. Akusazioa, iturrion arabera, ETAko kide izatea, terrorismoa goraipatzea eta erakunde armatua finantzatzea izan liteke.
Jone Goirizelaia abokatuak ETBri baieztatu dionez, atxilotutako batzuen abokatu gisa jardungo du auzi honetan, baina oraindik erabakitzeko dago nortzuk ordezkatuko dituen.
Hauek dira atxilotutakoak: Amaia Esnal, Nagore Garcia, Eneko Ibarguren, Jexux Mari Aldunberri, Ekain Zubizarreta, Manu Ugartemendia, Roberto Noval, Beñat Zarrabeitia, Ibon Meñika, Jose Antonio Fernandez, Oscar Sanchez, Gorka Gonzalez, Ane Zelaia, Jon Garai, Sergio Labaien, Imanol Karrera, Eneko Villegas eta Fran Balda. Atxiloketa gehienak, hamar, Hernaniko egoitzan egin zituzten, bilera bat egiten ari ziren unean. Gainerako zortzietatik, bost Gipuzkoako beste leku batzuetan izan ziren, eta bana Araban, Bizkaian eta Nafarroan.
Operazioa, itxita
Guardia Zibilaren agenteek Bilboko, Hernaniko, Iruñeko eta Gasteizko egoitzak miatu zituzten 12 orduz. Horiek bukatuta, amaitutzat jo zuten operazioa.
EH Bilduren hainbat legebiltzarkide, tartean Laura Mintegi, Julen Arzuaga eta Xabier Isasi, Herriraren Gasteizko egoitzara bertaratu ziren, agenteei informazioa eskatzeko.
Egoitzen aurrean, jende ugari bildu zen, atxiloketak salatzeko. Hernanin eta Bilbon, Ertzaintzak babestu zuen Guardia Zibilak itxitako gunea. Espainiako agenteak joan zirenean, kargak egin zituen Ertzaintzak bi leku horietan.
Bilbon, guardia zibilak okertu egin ziren, eta Eusko Alkartasunaren (EA) egoitzan sartu dira lehenik eta behin, atea mailuka hautsiz. Hain justu, salaketa jarri ala ez aztertzen ari da alderdia.
Guardia Zibila, Hernanin atxiloketa bat egiten. Argazkia: EFE
Erreakzioak
Jorge Fernandez Diazek "ETAren tentakulua" izatea leporatu dio Herrirari, eta ETA "desegitea" lortu arte, Espainiako Gobernuak "behar den guztia" egingo duela ohartarazi du.
Ezker abertzaleak gogor kritikatu du operazioa. Horren haritik, Julen Arzuaga EH Bilduko legebiltzarkideak "normalizazio politikoaren aurkako erasoa" dela esan du, eta "herri bezala erantzuna" emango dutela gaineratu du. Halaber, Martin Garitano Gipuzkoako ahaldun nagusiak "eskandalu antidemokratiko"tzat jo ditu atxiloketak.
Bestalde, Josu Erkoreka Eusko Jaurlaritzako bozeramaileak Twitterren adierazi duenez, "Herriraren aurkako operazioa albiste txarra da, euskal gizarteak ulertzen ez duen atzerapausoa".
Guardia zibilak, Hernaniko egoitzan. EFE
Herrira, 'Egin Dezagun Bidea' sorburu duen plataforma
Herrira iazko otsailaren 5ean sortu zen, eta, besteak beste, Rufi Etxeberria ezker abertzaleko buruzagiak eta Ainhoa Etxaide LAB sindikatuko idazkari nagusiak babesa agertu zioten, Donostian egindako ekitaldi batean.
Plataforma honen sustatzaileen hitzetan, Herrirak 'Egin Dezagun Bidea' mugimenduan du sorburua, eta espetxe politika aldatzea, gaixorik dauden edota zigorraren hiru laurden bete dituzten presoak askatzea eta 'Parot doktrina' indargabetzea du helburu.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".